Photo: APPLE
സാന്‍ഫ്രാന്‍സിസ്‌കോ: 5ജി കണക്റ്റിവിറ്റിയോടു കൂടിയ ആപ്പിള്‍ ഐ ഫോണ്‍ എസ്ഇ ഈ വര്‍ഷം മാര്‍ച്ചിലോ ഏപ്രിലിലോ പുറത്തിറക്കിയേക്കും. ഈ വര്‍ഷത്തെ ആപ്പിളിന്റെ ആദ്യ അവതര പരിപാടി മാര്‍ച്ചിലോ ഏപ്രിലിലോ ആയിരിക്കുമെന്ന് മാര്‍ക്ക് ഗുര്‍മാന്റെ പവര്‍ ഓണ്‍ ന്യൂസ് ലെറ്ററിനെ ഉദ്ധരിച്ച് ഐ.എ.എന്‍.എസ്. റിപ്പോര്‍ട്ട് ചെയ്യുന്നു. മുന്‍ പരിപാടികളെ പോലെ ഇതും വിര്‍ച്വല്‍ ഇവന്റായാവും നടത്തുക.
2022-ലെ ഐ ഫോണ്‍ എസ്ഇയില്‍ മൂന്ന് ജിബി സ്‌റ്റോറേജ് ഉണ്ടാവുമെന്നാണ് റിപ്പോര്‍ട്ടുകള്‍. 2023-ല്‍ പുറത്തിറക്കാന്‍ പോവുന്ന ഐഫോണ്‍ എസ്ഇയില്‍ വലിയ ഡിസ്‌പ്ലേ, 4 ജിബി മെമ്മറി ഉള്‍പ്പടെയുള്ള മാറ്റങ്ങളുണ്ടാകുമെന്നും റിപ്പോര്‍ട്ടുകള്‍ സൂചിപ്പിക്കുന്നു.
5ജി കണക്റ്റിവിറ്റിയോടുകൂടിയ 4.7 ഇഞ്ച് വലിപ്പമുള്ള ഐഫോണ്‍ എസ്ഇ 2022 പുറത്തിറക്കാന്‍ ആപ്പിള്‍ തയ്യാറെടുക്കുന്നതായി നേരത്തെ ഡിസ്‌പ്ലേ അനലിസ്റ്റായ റോസ് യങ് പറഞ്ഞിരുന്നു.
അതേസമയം, വലിയ ഡിസ്‌പ്ലേയുള്ള ഐ ഫോണ്‍ എസ്ഇ 2023-ല്‍ പുറത്തിറക്കില്ലെന്നും 2024-ലായിരിക്കും അവതരിപ്പിക്കുക എന്നുമാണ് യങ് പറഞ്ഞത്. എന്നാല്‍ വലിയ സ്‌ക്രീനുള്ള ഐഫോണ്‍ എസ്ഇ 2023-ല്‍ തന്നെ പുറത്തിറക്കുമെന്നാണ് തനിക്ക് തോന്നുന്നത് എന്നാണ് ആപ്പിള്‍ അനലിസ്റ്റായ മിങ് ചി കുവോ പറയുന്നത്.
നിലവിലുള്ള ഐഫോണ്‍ എസ്ഇ മോഡലിന് സമാനമായിരിക്കും ഈ വര്‍ഷം പുറത്തിറക്കാന്‍ പോവുന്ന ഐഫോണ്‍ എസ്ഇ എന്നും. 4.7 ഇഞ്ച് ഡിസ്‌പ്ലേ ആയിരിക്കും ഇതിന്. 5ജി കണക്റ്റിവിറ്റിയാണ് അധികമായി ചേര്‍ക്കുക. പുതിയ ഫോണില്‍ എ14 ചിപ്പ് ആണോ അതോ എ15 ചിപ്പ് ആണോ ഉണ്ടാവുക എന്ന് വ്യക്തമല്ല.
Content Highlights: Apple expected to launch new iPhone in March 2022
ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi
Also Watch
RELATED STORIES
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=aa62323&f=1x1&w=100&q=0.8)
.jpg?$p=8384990&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..