HP Omen 15 with GeForce RTX 3060 | Photo: HP
കൊച്ചി: ഗെയിമിങ് സ്പേസില്‍ ഏറ്റവും പുതിയ അഞ്ചാം തലമുറ എ.എം.ഡി പ്രൊസസര്‍ അടങ്ങിയ ഒമെന്‍ 15 ലാപ്‌ടോപ്പ് അവതരിപ്പിച്ച് എച്ച്.പി. ശക്തമായ എഎംഡി റൈസണ്‍ 5000 സീരീസ് പ്രോസസര്‍, റേഡിയോണ്‍ ഗ്രാഫിക്സ്, എന്‍വീഡിയ ജിഫോഴ്സ് ആര്ടിഎക്സ് 3060 ആര്‍ക്കിടെക്ചറില്‍ നിന്നുള്ള 6 ജി.ബി ജി ഡി ഡി ആര്‍ 6 ഡെഡിക്കേറ്റഡ് ഗ്രാഫിക്സ്, ചൂട് നിയന്ത്രണത്തിനായി ടെമ്പസ്റ്റ് കൂളിങ് എന്നിങ്ങനെ നിരവധി സാങ്കേതികവിദ്യകള്‍ ഈ ലാപ്‌ടോപ്പില്‍ ഉപയോഗിച്ചിരിക്കുന്നു.
16.6-ഇഞ്ച് ഡയഗണല്‍ എഫ്.എച്ച്.ഡി, മൈക്രോ-എഡ്ജ്, 1920x1080 റെസല്യൂഷന്‍ ഉറപ്പ് നല്‍കുന്ന ആന്റി ഗ്ലെയര്‍ ബെസല്‍ ഡിസ്പ്ലേയോടൊപ്പം ഡ്യുവല്‍ സ്പീക്കര്‍, ബി ആന്‍ഡ് ഒ ഓഡിയോ എന്നിവ ചേര്‍ന്ന് സമാനതകളില്ലാത്ത ഗെയിമിങ് അനുഭവമാണ് ഒമെന്‍ ജിഫോഴ്സ് ആര്ടിഎക്സ് 3060 നല്‍കുക.
മള്‍ട്ടി സൂപ്പര്‍സ്പീഡ് യുഎസ്ബി ടൈപ്പ് സി പോര്‍ട്ട്, സ്ലീപ്പ്ചാര്‍ജ് പിന്തുണയ്ക്കുന്ന സൂപ്പര്‍സ്പീഡ് യുഎസ്ബി ടൈപ്പ് എ പോര്‍ട്ട്, രണ്ട് സൂപ്പര്‍സ്പീഡ് ടൈപ്പ് എ യുഎസ്ബി പോര്‍ട്ടുകള്‍, എച്ച്ഡിഎംഐ പോര്‍ട്ട്, മിനി ഡിസ്പ്ലേ പോര്‍ട്ട്, ഹെഡ് ഫോണ്‍/മൈക്രോഫോണ്‍ കോംബോ എന്നിവയുള്‍പ്പെടെ വിപുലമായ പോര്‍ട്ടുകള്‍ പ്ലഗ് ചെയ്ത് പ്ലേ ചെയ്യാം. ആര്‍ജിബിയോട് കൂടിയ ഫുള്‍-സൈസ് ബാക്ക്ലിറ്റ് കീബോര്‍ഡും മള്‍ട്ടി ടച്ച് പിന്തുണയുള്ള എച്ച്പി ഇമേജ് പാഡും ഒമെന്‍ വാഗ്ദാനം ചെയ്യുന്നു
ഫാസ്റ്റ് ചാര്‍ജിംഗ് (45 മിനിറ്റിനുള്ളില്‍ 0-50%) സാധ്യമാക്കുന്ന ലിഥിയം അയണ്‍ ബാറ്ററി എട്ട് മണിക്കൂര്‍ വരെ ബാറ്ററി ലൈഫ് നിലനിര്‍ത്തുന്നു .
വിന്‍ഡോസ് 10 ഓപ്പറേറ്റിംഗ് സിസ്റ്റമുള്ള എ.എം.ഡി റൈസന്‍ 7 പ്രോസസര്‍ 4.4 ജി എച്ച് ഇസഡ് വരെ വേഗത വാഗ്ദാനം ചെയ്യുന്നു, കൂടാതെ 16 എംബി എല്‍ 3 കാഷെയുമുണ്ട്. 1 ടി.ബി എസ്എസ്ഡി സ്റ്റോറേജും 16 ജി.ബി ഡിഡിആര്‍ 4 3200 എസ്ഡി റാമും ലഭ്യമാണ്. മൈക്ക സില്‍വര്‍ നിറത്തിലുള്ള പുതിയ എച്ച്.പി ഒമെന്‍ 15 ന് 2.37 കിലോഗ്രാം ഭാരമാണുള്ളത്.
ശ്രദ്ധേയമായ സ്‌പെസിഫിക്കേഷനുകളോടു കൂടിയ ഒമെന്‍ 15 ഇപ്പോള്‍ 1,12,990 രൂപയ്ക്ക് ലഭ്യമാണ്. ആകര്‍ഷകമായ ആനുകൂല്യങ്ങളാണ് എച്ച്.പി ഇന്ത്യ ഈ ഉത്സവ സീസണില്‍ ഒമെന്‍ 15-ന് പ്രഖ്യാപിച്ചിട്ടുള്ളത്. 2022 ജനുവരി 31-നുള്ളില്‍ വാങ്ങുന്നവര്‍ക്ക് രണ്ട് വര്‍ഷത്തെ അധിക വാറന്റി (12,999/ രൂപ വിലയുള്ളത്) വെറും 2499/ രൂപയ്ക്കും മൂന്ന് വര്‍ഷത്തെ പ്രൊട്ടജന്റ് ആന്റിവൈറസ് സബ്സ്‌ക്രിപ്ഷനും സൗജന്യ എച്ച്. പി വയര്‍ലെസ് മൗസും ലഭിക്കും.
Content Highlights: HP Omen 15 with GeForce RTX 3060 launched in market
ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi
Also Watch
RELATED STORIES
IN CASE YOU MISSED IT
.jpg?$p=6e22375&f=1x1&w=100&q=0.8)
.jpg?$p=2922c1a&f=1x1&w=100&q=0.8)
.jpg?$p=2dd1c87&f=1x1&w=100&q=0.8)
.jpg?$p=24dc233&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..