എച്ച്പിയുടെ ക്രോംബുക്ക് എക്സ് 360 കേരള വിപണിയില്‍. ടാബ്ലെറ്റ്, ടെന്റ്, സ്റ്റാന്‍ഡ്, ലാപ്ടോപ്പ് എന്നിങ്ങനെ വിവിധ രീതിയില്‍ ഉപയോഗിക്കാനുള്ള സൗകര്യം എക്സ് 360 വാഗ്ദാനം ചെയ്യുന്നു.
14/12 ഇഞ്ച് ഡബ്ല്യൂഎല്‍ഇഡി ബാക്ക്ലിറ്റ് മൈക്രോ എഡ്ജ് ടച്ച് ഡിസ്‌പ്ലേ മികച്ച ദൃശ്യസംവിധാനമൊരുക്കുന്നു. എച്ച്പി ക്രോംബുക്ക് എക്സ് 360 ന്റെ ഡ്യുവല്‍ സ്പീക്കറുകള്‍ ബാങ് ആന്‍ഡ് ഒലുഫ്സെന്‍ ആണ് ട്യൂണ്‍ ചെയ്തിരിക്കുന്നത്.
കൂടാതെ സംയോജിത ഡ്യൂവല്‍ ശ്രേണി ഡിജിറ്റല്‍ മൈക്രോഫോണ്‍, എച്ച്പി വൈഡ് വിഷന്‍ എച്ച്ഡി ക്യാമറ, എന്നിവ ഉള്‍പ്പെടുത്തിയിരിക്കുന്നു. ഐലന്റ് ശൈലയില്‍ ബാക്ക്ലിറ്റ് കീബോര്‍ഡാണ് എക്സ് 360യുടെ മറ്റൊരു സവിശേഷത.
ക്രോം ഒഎസ് അടിസ്ഥാനമാക്കിയാണ് എച്ച്പി ക്രോംബുക്ക് എക്സ് 360 സജ്ജീകരിച്ചിരിക്കുന്നത്. ഇന്റല്‍ യുഎച്ച്ഡി ഗ്രാഫിക്‌സ് 620 യോടുകൂടിയ എട്ടാം തലമുറ ഇന്റല്‍ കോര്‍ ഐ5 പ്രോസസ്സര്‍, 8ജിബി ഡിഡിആര്‍ 4എസ്ഡി റാം, 64ജിബി ഇഎംഎംസി സ്റ്റോറേജ് എന്നിവ വേഗതയേറിയ മികച്ച പ്രകടനം സാധ്യമാക്കുന്നു.
രണ്ട് യുഎസ്ബി-സി, ഒരു യുസ്ബി-എ പോര്‍ട്ടുകളും, ഹെഡ്ഫോണ്‍ മൈക്രോഫോണ്‍ കോമ്പോയും ഉള്‍പ്പെടുത്തിയിരിക്കുന്നു.
13 മണിക്കൂര്‍ നീണ്ടു നില്‍ക്കുന്ന കരുത്തുറ്റ ബാറ്ററിയോടു കൂടിയ എച്ച്പി ക്രോംബുക്ക് എക്സ് 360 യുടെ ഭാരം 1.58 കിലോഗ്രാം മാത്രമാണ്. വിവിധ വേരിയന്റുകളില്‍ ലഭ്യമാകുന്ന എക്സ് 360യുടെ വില 20,000 മുതല്‍ 50,000രൂപ വരെയാണ്.
Content Highlights: HP chromebook X360 pro launched in Kerala market
