പുതിയ ഗെയിമിങ് ലാപ്‌ടോപ് ഇന്ത്യന്‍ വിപണിയില്‍ അവതരിപ്പിച്ച് കംപ്യൂട്ടര്‍ നിര്‍മാതാക്കളായ ഏസര്‍. ഉയര്‍ന്ന ഹാര്‍ഡ് വെയര്‍ ഫീച്ചറുകളോടുകൂടിയ പ്രെഡേറ്റര്‍ ഹെലിയോസ് 300 ലാപ്‌ടോപ്പാണ് പുറത്തിറക്കിയത്. 

പതിനൊന്നാം തലമുറ ഇന്റല്‍ കോര്‍ എച്ച് സീരീസ് 4.6 ഗിഗാഹെര്‍ട്‌സ് വരെയുള്ള 8 കോര്‍സ് 16 ത്രെഡ് പ്രൊസസറുകള്‍, എന്‍വിഡിയ ജിഫോഴ്‌സ് ആര്‍ടിഎക്‌സ് 3070 ജിപിയു എന്നിവയാണ് പ്രഡേറ്റര്‍ ഹെലിയോ 300 ലാപ്‌ടോപ്പിന് ശക്തിപകരുന്നത്.  

എഫ്എച്ച്ഡി ഐപിഎസ് 360 ഹെര്‍ട്‌സ് ഡിസ്‌പ്ലേ, ക്യൂഎച്ച്ഡി ഐപിഎസ് 165 ഹെര്‍ട്‌സ് എന്നിങ്ങനെ രണ്ട് ഡിസ്‌പ്ലേ വേരിയന്റുകളുണ്ട്. തണ്ടര്‍ബോള്‍ട് 4 പോര്‍ട്ട്, ഹൈസ്പീഡ് ബൂസ്റ്റ്, ആകെ 1ടിബി ശേഷിയുള്ള പിസിഐഇ ഫോര്‍ത്ത് ജെനറേഷന്‍ എസ്എസ്ഡി എന്നിവ ലാപ്‌ടോപ്പിന് അസാധാരണമായ പ്രവര്‍ത്തനശേഷി നല്‍കുന്നു. 

ഉന്നത നിലവാരമുള്ള ഗെയിമുകള്‍ പ്രവര്‍ത്തിപ്പിക്കാനും സ്ട്രീം ചെയ്യാനും വേണ്ടി പ്രത്യേകം രൂപകല്‍പന ചെയ്തതാണിത്. 129999 രൂപയാണ് ഇതിന് വില ആരംഭിക്കുന്നത്.