World Environment Day

Articles

സിനിമയിലെ വില്ലനാണ് കിഷോര്‍, ജീവിതത്തില്‍ തനി പരിസ്ഥിതി സ്നേഹിയും കര്‍ഷകനും

ചമയങ്ങളഴിച്ചു വച്ചാല്‍ കിഷോര്‍ കുമാറിന്റെ ജീവിതം പരിസ്ഥിതിയുമായി ഇണങ്ങിയ ഒരു കർഷകന്റേതായി മാറും. കൂട്ടിവച്ചതും കടം വാങ്ങിയതുമായ പണം കൊണ്ടാണ് ഭൂമി വാങ്ങിയത്

പുല്ലും പാഴ്‌ചെടികളും വളര്‍ന്നിരുന്ന തരിശുനിലം, താഴേക്ക് വിരല്‍ചൂണ്ടി ബാലേട്ടന്‍;മുന്നില്‍ നിബിഡവനം

ബിര്‍ച്ചും ഓക്കും തണല്‍വിരിച്ച താഴ്വരയില്‍ മൃഗങ്ങളും പക്ഷികളും മറ്റു ജീവജാലങ്ങളും മെല്ലെ തിരിച്ചുവന്നു. ഒപ്പം മനുഷ്യജീവിതവും. മരങ്ങള്‍കൊണ്ട് ഒരു മനുഷ്യന്‍ തന്റെ കൊച്ചുലോകത്തെ സ്വര്‍ഗമാക്കിയതിന്റെ ദൃക്സാക്ഷിവിവരണമായിട്ടാണ് ഈ കഥ വികസിക്കുന്നത്. ഐശ്വര്യപൂര്‍ണമായ ഒരു ഗ്രാമം വരുംതലമുറയ്ക്ക് കൈമാറി വാര്‍ധക്യത്തിലും ആരാലും അറിയപ്പെടാതെ അയാള്‍ മരണംവരെ തന്റെ ദൗത്യം തുടര്‍ന്നു.

സി.എഫ്.എല്ലും എല്‍.ഇ.ഡിയും മാത്രമല്ല, ഈ തുരുത്തില്‍ പാഴല്ല ഒന്നും

ഒരു സിഎഫ്എല്‍ പൊട്ടുമ്പോള്‍ മൂന്ന് മില്ലിഗ്രാം മെര്‍ക്കുറി സ്വതന്ത്രമാവുന്നുണ്ട്. ഒരു പഞ്ചായത്തില്‍ പതിനായിരക്കണക്കിന് ഫ്‌ലൂറസന്റ് ബള്‍ബുകള്‍ പൊട്ടുമ്പോള്‍ അത്രയധികം മെര്‍ക്കുറിയാണ് സ്വതന്ത്രമാവുന്നതും വെള്ളത്തിലൂടെയും മറ്റും നമ്മളുടെ ശരീരത്തിനുള്ളിലേക്ക് തിരിച്ചെത്തുന്നതും.

അമൃത ദേവിയും മൂന്ന് പെണ്‍മക്കളും അടക്കം 365 പേർ ആ മരങ്ങൾക്കായി ജീവത്യാഗം ചെയ്തു,ഇന്ന് പരിസ്ഥിതി ദിനം

രാജ്യത്ത് ആദ്യമായി പരിസ്ഥിതി പ്രവര്‍ത്തകരായി രേഖപ്പെടുത്തിയത് ഇന്ത്യയുടെ വടക്കന്‍ സംസ്ഥാനങ്ങളിലെ ബിഷ്നോയി വിഭാഗക്കാരെയാണ്. ഇവരുടെ പരിസ്ഥിതി സ്‌നേഹവുമായി ബന്ധപ്പെട്ട് പ്രശസ്തമായ ഒരു കഥയുണ്ട്. ഖേജ്രി മരങ്ങള്‍ നിറഞ്ഞ രാജസ്ഥാനിലെ ജോധ്പുര്‍ ജില്ലയിലെ ഖെജാര്‍ലി ഗ്രാമത്തില്‍ എ ഡി 1730 സെപ്റ്റംബറില്‍ നടന്ന സംഭവമാണിത്. മാര്‍വാറിലെ മഹാരാജാ അഭയ് സിങിന്റെ ഭരണത്തിലായിരുന്നു അന്ന് ഗ്രാമം.

800 കോടി ജനങ്ങളെ തീറ്റിപ്പോറ്റാന്‍ വേണ്ടത് ഭൂമിയുടെ മൂന്നര മടങ്ങ്; അറിയണം 'പാരിസ്ഥിതിക പാദമുദ്ര'

എണ്ണൂറ്‌ കോടി ജനങ്ങളെ താങ്ങാന്‍ കഴിയാതെ ഭൂമി നടുവൊടിഞ്ഞു കിടക്കുകയാണ്. ഭൂമിയിലെ മൊത്തം ജനങ്ങളുടെ 'പാരിസ്ഥിതിക പാദമുദ്ര' (Ecological Footprint) അതിവേഗം ഭീതിതമാംവിധം വളര്‍ന്നുകൊണ്ടിരിക്കുകയാണ്.

പരിസ്ഥിതി കേസുകളിൽ രാജ്യത്ത് വര്‍ധന, കേരളത്തില്‍ കുറവ്; കാരണമെന്ത്?

വികസന പ്രവര്‍ത്തനങ്ങളുടെ പേരിലും ചൂഷണങ്ങളും കുറ്റകൃത്യവും നടക്കുന്നുണ്ട്. വികസനം ഒരു സമൂഹത്തിന് ആവശ്യമായ ഘടകമാണ്. എന്നാല്‍ പ്രകൃതിയെ ചൂഷണം ചെയ്തുകൊണ്ടുള്ള വികസനപ്രവര്‍ത്തനത്തിലൂടെ നേട്ടമുണ്ടാക്കിയാലും അത് താത്കാലികം മാത്രമായിരിക്കും. നിയമപരമായി അനുവദിനീയമായതില്‍ കൂടുതല്‍ വിഭവങ്ങള്‍ വികസനത്തിന്റെ പേരില്‍ പ്രകൃതിയെ ചൂഷണം ചെയ്യുന്നതും വിപരീതഫലമാണ് ഉണ്ടാക്കുക. പരിസ്ഥിതിയെ ചൂഷണം ചെയ്യുന്ന പ്രവര്‍ത്തികള്‍ മറ്റേതൊരു കുറ്റകൃത്യവും പോലെ ശിക്ഷ അര്‍ഹിക്കുന്നതാണെന്ന ബോധ്യം സമൂഹത്തില്‍ സൃഷിക്കാന്‍ അധികാരികള്‍ക്കും കഴിയണം. സംരക്ഷണം ഉറപ്പ് വരുത്തേണ്ടവര്‍ തന്നെ ചൂഷണത്തിന് മുന്നിട്ടിറങ്ങുമ്പോള്‍ അത് വെറുമൊരു പരിസ്ഥിതി പ്രശ്‌നം മാത്രമല്ല. ജൈവ സന്തുലിത അവസ്ഥയെ തന്നെ തകിടം മറിക്കുന്ന പ്രവര്‍ത്തിയാണ് പരിസ്ഥിതിയോട് കാണിക്കുന്ന ഓരോ ചൂഷണവും.

സാറ്റലൈറ്റും റോബോട്ടും; സാങ്കേതികവിദ്യയുടെ പാരിസ്ഥിതിക സംഭാവനകൾ

വനനശീകരണത്തിന്റെ മുഖ്യകാരണങ്ങളിലൊന്ന് ലോകവ്യാപകമായുള്ള കടലാസിന്റെ ഉപയോഗമായിരുന്നു. ഡിജിറ്റല്‍ സംവിധാനങ്ങള്‍ വന്നതോടെ ഒരു ലൈബ്രറി മുഴുവനുണ്ടായിരുന്ന കടലാസിലെ വിവരങ്ങളെയെല്ലാം ഒരു മൈക്രോ ചിപ്പിലേക്ക് ശേഖരിക്കാന്‍ സാധിച്ചു .

വരുന്നത് കലിക്കോള്; അഭയാർത്ഥികളാവുകയാണ് നമ്മളും; പക്ഷേ എവിടെയുണ്ട് അഭയം?

സൂര്യതാപവും പ്രളയവുമടക്കം 2020-21 വര്‍ഷത്തില്‍ ആറായിരത്തോളം കുടുംബങ്ങള്‍ക്ക് വീടുപേക്ഷിച്ചുപോകേണ്ടിവന്നു. പശ്ചിമബംഗാളിലെ സുന്ദര്‍ബന്‍സിലെ വിവിധ സ്ഥലങ്ങളില്‍ നിന്ന് കേരളത്തിലേക്കും കാലാവസ്ഥാ കുടിയേറ്റങ്ങള്‍ നടക്കുന്നതായി സെന്റര്‍ ഫോര്‍ മൈഗ്രേഷന്‍ ആന്‍ഡ് ഇന്‍ക്‌ളൂസീവ് ഡെവലപ്‌മെന്റ് എക്‌സിക്യുട്ടീവ് ഡയറക്റ്റര്‍ ബിനോയ് പീറ്റര്‍ വ്യക്തമാക്കുന്നു

ജീവജാലങ്ങളെ നമ്മൾ ശത്രുവാക്കിയാൽ ജന്തുജന്യരോഗം നമ്മുടെ ആരോഗ്യം കെടുത്തും

ശനാശഭീഷണി നേരിടുന്ന ജീവികളുടെ വിവരങ്ങള്‍ ഉള്‍പ്പെടുത്തിക്കൊണ്ട് ആഗോള തലത്തിൽ പുറത്തിറക്കുന്ന പട്ടികയാണ് ചെമ്പട്ടിക അഥവാ റെഡ് ലിസ്റ്റ്.

മത്തിക്കൂട്ടം കാരണം കപ്പലടുപ്പിക്കാൻ കഴിയാതെ വന്ന കാലമുണ്ടായിരുന്നു,കേരളതീരത്തെ മത്തിയെങ്ങോട്ട് പോയി

കാലാവസ്ഥാ വ്യതിയാനം സൃഷ്ടിക്കുന്ന ദുരന്തങ്ങളുടെ പ്രത്യാഘാതം ഏറ്റവും കൂടുതല്‍ അനുഭവിക്കുന്ന ഒരു സംസ്ഥാനമായി കേരളം മാറിക്കൊണ്ടിരിക്കുകയാണ്. വരള്‍ച്ച, കൊടുങ്കാറ്റ്, പ്രളയം, എന്നിവ ഒറ്റയ്‌ക്കൊറ്റയ്‌ക്കോ അല്ലെങ്കില്‍ ഒരു വര്‍ഷത്തിനുള്ളില്‍ തന്നെയോ സംഭവിക്കാവുന്ന ഒരു സംസ്ഥാനമാണ് കേരളം ഇന്ന്. കഴിഞ്ഞ 17 വര്‍ഷങ്ങള്‍ക്കിടയില്‍ നമ്മുടെ കടല്‍ത്തീരത്തിന്റെ 45 ശതമാനവും നഷ്ടപ്പെട്ടിട്ടുണ്ടെന്ന് കണക്കുകള്‍ പറയുന്നു. ഐക്യരാഷ്ട്ര സഭയുടെ വിലയിരുത്തല്‍ പ്രകാരം ഇതിന്റെ ഭാഗമായി നമുക്ക് 80 ബില്യണ്‍ ഡോളറിന്റെ നഷ്ടമാണ് ഉണ്ടായിട്ടുളളത്. കേന്ദ്ര സര്‍ക്കാര്‍ സ്ഥാപനമായ ഇന്‍കോയിസിന്റെ കണക്കുപ്രകാരം പ്രതിവര്‍ഷം 0.33 മില്ലീ മീറ്റര്‍ മുതല്‍ 5.16 മില്ലീ മീറ്റര്‍ വരെ കടല്‍ നിരപ്പില്‍ വര്‍ധനയുണ്ട്‌. കാലാവസ്ഥാ വ്യതിയാനത്തിന്റെ അധികം ചര്‍ച്ച ചെയ്യപ്പെടാതെ പോകുന്ന ഒരു വിഷയം മത്സ്യ വരള്‍ച്ചയുടേതാണ്. .

തോണിയില്‍ മീനിനൊപ്പം കണ്ടല്‍വിത്തും, മുളപ്പിച്ച് ഇല്ലാത്ത പ്രദേശങ്ങളില്‍ നടും

പ്രകൃതിയുടെ വൃക്കകളാണ് കണ്ടൽക്കാടുകൾ എന്ന് ലോകത്തോട് വിളിച്ചുപറഞ്ഞ കല്ലേൻ പൊക്കുടന്റെ നാട്ടിൽനിന്നാണ് പാറയിൽ രാജനും വരുന്നത്. ദാരിദ്ര്യത്തിലും വിഷമതകളിലും മുങ്ങിത്താഴുമ്പോഴും കണ്ടൽച്ചെടികളെ ....

'അവനി'ക്ക് പനി; മരം നടലല്ല പ്രതിവിധി, ഇല്ലാതാക്കേണ്ടത് കാര്‍ബണ്‍ പാദമുദ്ര

വര്‍ഷങ്ങള്‍ക്കു മുമ്പ്, അതായത് ലോകം ആഗോളതാപനത്തെപ്പറ്റി ആവേശത്തോടെ സംസാരിക്കുന്ന കാലത്ത് ഒരു സ്‌കൂള്‍ പരീക്ഷാ പേപ്പറില്‍ വിചിത്രമായൊരു ഉത്തരം അധ്യാപകര്‍ കണ്ടു. എന്താണ് ആഗോളതാപനം എന്ന് മനസ്സിലാകാത്ത ഒരു വിരുതന്‍ സ്വന്തം വായ്മൊഴി ഭാഷയില്‍ ഉത്തരമെഴുതിയത് അവനിക്ക് പനി എന്നും. ഇന്ന് വര്‍ഷങ്ങള്‍ക്കിപ്പുറം ചിന്തിക്കുമ്പോള്‍ ആ ഉത്തരത്തില്‍ അതിശയോക്തി ഒട്ടും തോന്നുന്നില്ല. ഉച്ചസ്ഥായിയിലേക്ക് ഉയരുന്ന പൊള്ളുന്ന പനിയിലാണ് ഇന്ന് ഭൂമി. പറഞ്ഞു പഴകിയ ഓസോണ്‍ വിള്ളലും ഹരിതഗൃഹ പ്രഭാവവുമെല്ലാം മാറ്റമില്ലാതെ ഓരോ ജൂണ്‍ അഞ്ചിനും കേള്‍ക്കുന്നു. മരം നടലും വിത്തു വിതരണവും ആഘോഷമായി നടക്കുന്നു. ആചാരമെന്നോണ്ണം വര്‍ഷാവര്‍ഷം ലോക നേതാക്കന്മാര്‍ ഒത്തു ചേര്‍ന്നു ചര്‍ച്ചകള്‍ നടത്തുന്നു. എന്നിട്ടും അന്തരീക്ഷത്തിലുയരുന്ന ചൂടിന്റെ അളവില്‍ മാറ്റമില്ല.. ഇതിനൊപ്പം മറ്റു ചില ദുരന്തങ്ങളും അതിഥിയായെത്തിയിട്ടുണ്ട്. ആര്‍ട്ടിക്കിലും അന്റാര്‍ട്ടിക്കിലും ഈ വര്‍ഷമുണ്ടായത് കൂടിയ തോതിലുളള താപവികിരണമാണ്. .

മൂന്നാറിന് നഷ്ടമായ 'നൂല്‍മഴ'; ആഡംബരത്തിന്റെ പര്യായമായ കാലാവസ്ഥാ വ്യതിയാനം

ജൂണ്‍ 5 ഒരു പരിസ്ഥിതി ദിനം കൂടി കടന്നു വരികയാണ്. ഈ പരിസ്ഥിതി ദിനത്തിന് ഒരു പ്രത്യേകത കൂടിയുണ്ട്. ആദ്യത്തെ ലോകപരിസ്ഥിതി സമ്മേളനം 1972-ല്‍ സ്റ്റോക്ക് ഹോമില്‍ തുടങ്ങുമ്പോള്‍ അന്നത്തെ മുദ്രാവാക്യം 'ഒരേയൊരു ഭൂമി' എന്നതായിരുന്നു.

നാടിന്റെ പ്രതീക്ഷയെ കാട്ടുതീ ചാരമാക്കി,പച്ചത്തുരുത്തായത് 50,000 മരങ്ങള്‍;ചന്ദന്‍ നയാലെന്ന ഫീനികിസ്

ഒരു എളുപ്പവഴിയുണ്ടെന്നുപറഞ്ഞ് മഞ്ഞില്‍ കുളിച്ചുനില്‍ക്കുന്ന മറ്റൊരു മലയിലേക്ക് വിരല്‍ചൂണ്ടിയിട്ട് പറഞ്ഞു: ''അതുവഴി പൊയ്‌ക്കോളൂ, പോകുന്ന വഴിയില്‍ അവന്‍ ഉണ്ടാകും''.

വംശമറ്റവയെ വീണ്ടെടുക്കണ്ടേ?, ഇന്ത്യയിലെ ചെമ്പട്ടികക്കാർ ആരൊക്കെ, അവയ്ക്കായി നാമെന്ത് ചെയ്തു?

ആന നിർമ്മിച്ച നമ്മുടെ ചുരങ്ങൾ, വന്യജീവികളിലെ മികച്ച എൻജിനീയർമാർ ഉറുമ്പോ ആനയോ ?

കാട്ടിലെ ഏറ്റവും വലുപ്പവും ഭാരവുമുള്ള ജീവിയായ ആന മുതല്‍ മണ്ണില്‍ പതിക്കുന്ന ജൈവ വസ്തുക്കളെ സംസ്‌ക്കരിച്ച് മണ്ണോടു ചേര്‍ക്കുന്ന ചിതലുകള്‍, ഉറുമ്പുകള്‍, മണ്ണിനെ ജീവസുറ്റതാക്കുന്ന പ്രവര്‍ത്തനങ്ങളിലൂടെ മണ്ണിലെ എൻജിനിയർ എന്ന വിളിപ്പേര് സ്വന്തമാക്കിയ മണ്ണിരയെന്ന കുഞ്ഞന്‍ വരെ ഈ എക്കോസിസ്റ്റം എൻജിനിയര്‍മാരുടെ ഗണത്തില്‍ ഉള്‍പ്പെടും. ആവാസ വ്യവസ്ഥയുടെ പരിരക്ഷയ്ക്കും ജൈവവൈവിദ്ധ്യത്തിന്റെ നിലനില്‍പ്പിനും ഇവരുടെ സേവനം അത്യന്താപേക്ഷിതമാണ്.

മുതലയിറച്ചിയും മാനിറച്ചിയും തിന്നാൻ തരും, വന്യജീവി സംരക്ഷണമെന്ന പേരും, നമ്മുടെ നാടെത്രയോ ഭേദം

ആഫ്രിക്കന്‍ വനാന്തരങ്ങളില്‍ നിന്ന് എടുത്ത അതി മനോഹരമായ ഫോട്ടോകള്‍ കാണാറുണ്ട്. പക്ഷെ കേരളത്തിലെ കാടുകാടില്‍ നിന്നെടുത്ത വന്യജീവി ഫോട്ടോയ്ക്ക് അതിനേക്കാള്‍ എത്രയോ മൂല്യമുണ്ട്.

' വന്യജീവികൾ അസ്വസ്ഥരാണ്' !; വേണം എക്കോ ബ്രിഡ്ജുകൾ കേരളത്തിലും

റോഡുകളില്‍ വാഹനങ്ങളിടിച്ച് മൃഗങ്ങള്‍ക്ക് ജീവഹാനി സംഭവിക്കാതിരിക്കാനുള്ള സംവിധാനമാണ് വന്യജീവി ഇടനാഴി. ജീവികളുടെ സഞ്ചാരത്തെ തടസ്സപ്പെടുത്താത്ത തരത്തില്‍ റോഡുകള്‍ക്ക് ബദലായി വന്യജീവിത സൗഹൃദ പാതയൊരുക്കുകയാണ് ഇതിലൂടെ ചെയ്യുന്നത്. വനത്തിനുള്ളിലൂടെയോ വനത്തിന് സമീപത്തുകൂടെയോ ഉള്ള റോഡുകള്‍ മുറിച്ചുകടക്കാന്‍ മൃഗങ്ങള്‍ക്കായി സുരക്ഷിത പാതയൊരുക്കുകയാണ് ലക്ഷ്യം. ഓവര്‍/അണ്ടര്‍ പാസുകള്‍, കനോപി ബ്രിഡ്ജുകള്‍, തുരങ്കങ്ങള്‍ തുടങ്ങി വന്യജീവികള്‍ക്ക് വഴിയൊരുക്കുന്ന സംവിധാനങ്ങളെയെല്ലാം ഇക്കോ ബ്രിഡ്ജുകളായി പരിഗണിക്കാം. വിദേശരാജ്യങ്ങളില്‍ ഇത്തരം സംവിധാനങ്ങള്‍ വളരെ ഫലപ്രദമായി പ്രവര്‍ത്തിക്കുന്നുണ്ട്.

'പോകേണ്ടത് കാട്ടിലേക്ക്, അതിനെന്താണ്? പുലി,കടുവയൊന്നും കുഴപ്പക്കാരല്ല, പ്രശ്‌നം കടന്നല്‍'

കേന്ദ്രസര്‍ക്കാര്‍ സ്ഥാപനത്തിലെ ഒരു ഉയര്‍ന്ന തസ്തികയിലേക്ക് ഇന്റര്‍വ്യൂവിനായി ഡല്‍ഹിയിലെത്തിയ ഒരു നാട്ടിന്‍പുറത്തുകാരി. വലിയ പ്രോജക്ടുകളുടെ വിശദമായ ഫയലുകളുമായി വെള്ളംപോലെ ഇംഗ്ലീഷും ഹിന്ദിയും പറയുന്നവര്‍ക്കിടയില്‍ തന്റെ മുറിഹിന്ദിയും ഇംഗ്ലീഷുമോര്‍ത്ത് ലജ്ജിച്ച് ഊഴംകാത്ത് അവളിരുന്നു.

ഒരേയൊരു ഭൂമി

Gallery