• News
  • Views
  • Videos
  • Movies
  • Sports
  • Money
  • Women
  • Crime
More
Hero Hero
  • News
  • Features
  • Interview
  • Cricket
  • Football
  • Sports Extras
  • SportsMasika
  • Badminton
  • Tennis
  • Athletics
  • Columns
  • ISL 2020-21
  • Gallery
  • Videos
  • Other Sports

യുവിയുടെ ആറാട്ട് കൊഴുപ്പിക്കാന്‍ അന്ന് ഒരുപക്ഷേ ശാസ്ത്രിയുടെ ശബ്ദം ഉണ്ടാകുമായിരുന്നില്ല!

Jun 16, 2020, 04:01 PM IST
A A A

2007-ലെ പ്രഥമ ട്വന്റി 20 ലോകകപ്പില്‍ ഇംഗ്ലണ്ടിനെതിരായ മത്സരത്തിലെ യുവ്‌രാജ് സിങ്ങിന്റെ ആറു സിക്‌സ് പ്രകടനത്തിന്റെ ആവേശവും നമ്മള്‍ അനുഭവിച്ചറിഞ്ഞത് ശാസ്ത്രിയിലൂടെയായിരുന്നു

David Lloyd recalled Ravi Shastri incident during Yuvraj Singh's record sixes against Stuart Broad
X

Image Courtesy: Getty Images

ലണ്ടന്‍: ക്രിക്കറ്റ് പ്രേമികള്‍ രവി ശാസ്ത്രി എന്ന പേര് കേട്ടതിനേക്കാള്‍ കൂടുതല്‍ ഒരു പക്ഷേ കേട്ടിരിക്കുക അദ്ദേഹത്തിന്റെ ശബ്ദമായിരിക്കും. ഇന്ത്യയുടെ ലോകകപ്പ് വിജയത്തിനും (Dhoni finishes off in style. A magnificent strike into the crowd! India lift the World Cup after 28 years) സച്ചിന്‍ തെണ്ടുല്‍ക്കറുടെ ഏകദിന ഡബിളിനുമെല്ലാം (First man in the planet to reach 200 and its the superman from India) ശേഷമുള്ള ശാസ്ത്രിയുടെ ആവേശകരമായ ശബ്ദം ക്രിക്കറ്റ് ലോകത്തെ ഒന്നാകെ ത്രസിപ്പിക്കാന്‍ പോന്നതായിരുന്നു.

ഇത്തരത്തില്‍ ഇന്ത്യയും ഇന്ത്യന്‍ താരങ്ങളും നിറഞ്ഞുനിന്ന പല മത്സരങ്ങളുടെയും ആവേശം നമ്മളിലേക്ക് എത്തിച്ചതും ശാസ്ത്രി തന്നെ. 2007-ലെ പ്രഥമ ട്വന്റി 20 ലോകകപ്പില്‍ ഇംഗ്ലണ്ടിനെതിരായ മത്സരത്തിലെ യുവ്‌രാജ് സിങ്ങിന്റെ ആറു സിക്‌സ് പ്രകടനത്തിന്റെ ആവേശവും നമ്മള്‍ അനുഭവിച്ചറിഞ്ഞത് ശാസ്ത്രിയിലൂടെയായിരുന്നു. എന്നാലിപ്പോഴിതാ യുവിയുടെ ആ വെടിക്കെട്ട് പ്രകടനം കൊഴുപ്പിക്കാന്‍ അന്ന് ഒരുപക്ഷേ കമന്ററി ബോക്‌സില്‍ ശാസ്ത്രി ഉണ്ടാകുമായിരുന്നില്ലെന്ന് വെളിപ്പെടുത്തിയിരിക്കുകയാണ് മുന്‍ ഇംഗ്ലണ്ട് ക്രിക്കറ്റ് താരവും കമന്റേറ്ററുമായിരുന്ന ഡേവിഡ് ലോയ്ഡ്.

ആ മത്സരത്തിനായുള്ള കമന്റേറ്റര്‍മാരുടെ ക്രമപട്ടിക മാറ്റിയത് താനാണെന്നും അതുവഴിയാണ് സ്റ്റുവര്‍ട്ട് ബ്രോഡിനെ യുവി നാലുപാടും പറത്തിയ ആ ഓവറില്‍ ശാസ്ത്രിക്ക് ശബ്ദം നല്‍കാനായതെന്നും ലോയ്ഡ് വെളിപ്പെടുത്തി. സ്‌കൈ സ്‌പോര്‍ട്‌സിന്റെ ക്രിക്കറ്റ് പോഡ്കാസ്റ്റിലായിരുന്നു അദ്ദേഹത്തിന്റെ വെളിപ്പെടുത്തല്‍. 

ആ മത്സരത്തില്‍ അങ്ങനെ ശാസ്ത്രി നിറഞ്ഞുനില്‍ക്കുകയായിരുന്നുവെന്നും ലോയ്ഡ് കൂട്ടിച്ചേര്‍ത്തു.

യുവിയുടെ ആറാട്ട്

2007 സെപ്റ്റംബര്‍ 19-ന് ദക്ഷിണാഫ്രിക്കയിലെ കിങ്സ്മീഡ് മൈതാനത്ത് യുവിയോട് കൊളുത്തിയത് ആന്‍ഡ്രു ഫ്ളിന്റോഫായിരുന്നെങ്കിലും അതിന് പണി കിട്ടിയത് പാവം ബ്രോഡിനായിരുന്നു. 2007-ലെ പ്രഥമ ട്വന്റി 20 ലോകകപ്പിലെ ഇംഗ്ലണ്ടിനെതിരായ സൂപ്പര്‍ സിക്സ് മത്സരമായിരുന്നു അത്. കിവീസിനോട് ആദ്യ മത്സരത്തില്‍ പരാജയപ്പെട്ട ഇന്ത്യയ്ക്ക് ഇംഗ്ലണ്ടുമായുള്ള മത്സരം നിര്‍ണായകമായിരുന്നു. ആദ്യം ബാറ്റിങ്ങിനിറങ്ങിയ ഇന്ത്യയ്ക്ക് ഓപ്പണര്‍മാരായ ഗംഭീറും (58), സെവാഗും (68) ചേര്‍ന്ന് മികച്ച തുടക്കം നല്‍കി. റോബിന്‍ ഉത്തപ്പ പുറത്തായ ശേഷം 17-ാം ഓവറിലാണ് യുവി ക്രീസിലെത്തുന്നത്. അപ്പോള്‍ സ്‌കോര്‍ മൂന്നിന് 171.

18-ാം ഓവര്‍ ബൗള്‍ ചെയ്ത ഫ്ളിന്റോഫിനെതിരേ യുവി തുടര്‍ച്ചയായി രണ്ടു ബൗണ്ടറികള്‍ നേടി. ഇതോടെ ഫ്ളിന്റോഫ് പ്രകോപനപരമായി എന്തോ പറഞ്ഞു. യുവിയും വിട്ടുകൊടുക്കാതിരുന്നതോടെ അതൊരു വാക്കേറ്റമായി. ഒടുവില്‍ അമ്പയര്‍മാര്‍ ഇടപെട്ടാണ് ഈ അടി അവസാനിപ്പിച്ചത്.

എന്നാല്‍ യുവിക്ക് പറഞ്ഞ് മതിയായിട്ടില്ലായിരുന്നു. 19-ാം ഓവര്‍ എറിയാനെത്തിയത് അന്നത്തെ കൗമാരക്കാരന്‍ സ്റ്റുവര്‍ട്ട് ബ്രോഡ്. ഫ്ളിന്റോഫിന് കൊടുക്കാന്‍ വെച്ചത് യുവി ബ്രോഡിന് കൊടുത്തപ്പോള്‍ ആ ഓവറിലെ ആറു പന്തുകളും നിലംതൊടാതെ ഗാലറിയില്‍ പതിച്ചു. വെറും 12 പന്തില്‍ നിന്ന് യുവിക്ക് അര്‍ധ സെഞ്ചുറി, ഒപ്പം റെക്കോഡും. 16 പന്തില്‍ ഏഴു സിക്സും മൂന്ന് ബൗണ്ടറികളുമടക്കം 58 റണ്‍സുമായി യുവി അവസാന ഓവറിലെ അഞ്ചാം പന്തില്‍ മടങ്ങിയപ്പോള്‍ ഇന്ത്യന്‍ സ്‌കോര്‍ നാലിന് 218 റണ്‍സിലെത്തിയിരുന്നു. ആ ലോകകപ്പിനു മുന്‍പ് നടന്ന ഏകദിന പരമ്പരയില്‍ തന്റെ ഒരു ഓവറില്‍ ഇംഗ്ലണ്ടിന്റെ മസ്‌കരാനസ് അഞ്ചു സിക്സറുകള്‍ നേടിയതിനുള്ള പ്രതികാരവുമായിരുന്നു യുവിക്ക് ആ ഓവര്‍.

മറുപടി ബാറ്റിങ്ങില്‍ ഇംഗ്ലണ്ട് തകര്‍ത്തടിച്ചെങ്കിലും 19-ാം ഓവറിലെ യുവിയുടെ ആ പ്രകടനം ആവര്‍ത്തിക്കാന്‍ ഇംഗ്ലീഷ് നിരയില്‍ ആളുണ്ടായില്ല. 20 ഓവര്‍ അവസാനിച്ചപ്പോള്‍ ആറു വിക്കറ്റ് നഷ്ടത്തില്‍ 200 റണ്‍സിലെത്താനേ അവര്‍ക്കായുള്ളൂ. 18 റണ്‍സിന്റെ തോല്‍വി.

Content Highlights: David Lloyd recalled Ravi Shastri incident during Yuvraj Singh's record sixes against Stuart Broad

PRINT
EMAIL
COMMENT
Next Story

അണ്ടര്‍ 19 ലോകകപ്പിലെ കോലിയുടെ കിരീട നേട്ടത്തിന് ഇന്ന് 13 വയസ്

വിരാട് കോലി എന്ന താരം ഇന്ത്യന്‍ ക്രിക്കറ്റിന് ഉണ്ടാക്കിയ മാറ്റങ്ങള്‍ നിരവധിയാണ്. .. 

Read More
 
 
  • Tags :
    • Ravi Shastri
    • Stuart Broad
    • Yuvraj Singh Six
    • Yuvraj Singh
    • 2007 world cup
    • London
More from this section
13 years ago on this day Virat Kohli wins U-19 World Cup title
അണ്ടര്‍ 19 ലോകകപ്പിലെ കോലിയുടെ കിരീട നേട്ടത്തിന് ഇന്ന് 13 വയസ്
Abhishek Sharma surpasses Virat Kohli 2nd fastest ton in List A cricket
ലിസ്റ്റ് എ ക്രിക്കറ്റിലെ വേഗമേറിയ സെഞ്ചുറി; വിരാട് കോലിയുടെ റെക്കോഡ് മറികടന്ന് അഭിഷേക് ശര്‍മ
Should Shahid Afridi still be the owner of the youngest ODI centurion record
സെഞ്ചുറിയടിച്ച ഏറ്റവും പ്രായം കുറഞ്ഞ താരമെന്ന റെക്കോഡ് ഇനിയും അഫ്രീദിയുടെ പേരില്‍ തന്നെ വേണോ?
Shahid Afridi s tweet on birthday triggers age debate once
41 എന്ന് ഐ.സി.സി, 44 എന്ന് താരം; ശരിക്കും ഈ അഫ്രീദിയുടെ പ്രായമെത്ര?
Vivian Richards slams Ahmedabad pitch critics
പിച്ചിനെ കുറിച്ചുള്ള ഈ വിലപിക്കല്‍ അവസാനിപ്പിക്കണം; വിമര്‍ശകരുടെ വായടച്ച് വിവിയന്‍ റിച്ചാര്‍ഡ്‌സ്
News+ Latest News Today's special Local News Gulf Crime Good News News in Pics News in Videos Kerala India World NRI
Views Columns Features Special Pages Interviews In-Depth Social Politics Web Exclusive Cartoon
Leisure Movies Sports Music Travel Books Magazines Kids Free E-book Game Zone Sudoku
Learn / Earn Money Auto Tech Careers Education Agriculture Youth Environment Science University News How To
Lifestyle Women Food MyHome Health Spirituality Astrology
Multimedia Videos Live TV Mojo News Web Shows Podcast Photostories Zoom In Gallery
Our Network English Edition Print Gulf NRI Mathrubhumi News TV Kappa TV Club FM Seed Silver Bullet FindHome Media School MBIFL Redmic
E- Paper
Subscription
Buy Books
Magazines
Classifieds
Archives
 
  • E- Paper
  • Subscription
  • Buy Books
  • Magazines
  • Classifieds
  • Archives
© Copyright Mathrubhumi 2021. All rights reserved.
Mathrubhumi

Click on ‘Get News Alerts’ to get the latest news alerts from Mathrubhumi

About Us Contact Us Privacy Policy
Terms of Use Archives
Ad Tariff Download App Classifieds
Buy Books Subscription e-Subscription
 
         
© Copyright Mathrubhumi 2021. All rights reserved.