ചെന്നൈ: കൊറോണ വൈറസ് വ്യാപനം തടയുന്നതിന്റെ ഭാഗമായി പ്രധാനമന്ത്രി നരേന്ദ്ര മോദി കഴിഞ്ഞ ദിവസം ഇന്ത്യയില്‍ 21 ദിവസം ലോക്ക്ഡൗണ്‍ പ്രഖ്യാപിച്ചിരുന്നു. മോദിയുടെ ഈ പ്രഖ്യാപനത്തെ പിന്തുണച്ച് നിരവധി ക്രിക്കറ്റ് താരങ്ങള്‍ സോഷ്യല്‍ മീഡിയയിലൂടെ രംഗത്തെത്തി. ഇന്ത്യന്‍ സ്പിന്‍ ബൗളര്‍ ആര്‍.അശ്വിനും ഈ ലോക്ക്ഡൗണിന് പിന്തുണയുമായി ട്വീറ്റ് ചെയ്തു.
ഐ.പി.എല്ലിനിടെ നടന്ന മങ്കാദിങ് വിവാദത്തിന്റെ ചിത്രം ട്വീറ്റ് ചെയ്താണ് അശ്വിന്റെ പിന്തുണ. 'ഹഹഹ, ഈ ചിത്രം അയച്ചുതന്നിട്ട് ആരോ പറഞ്ഞു ഈ റണ്‍ഔട്ട് സംഭവിച്ച് ഒരു വര്‍ഷമായെന്ന്. രാജ്യം ലോക്ക്ഡൗണ്‍ ആയ ഈ സാഹചര്യത്തില്‍ ഇതൊരു മികച്ച ഓര്‍മപ്പെടുത്തലാണ്. പുറത്തു ചുറ്റിത്തിരിയാതെ വീട്ടിനുള്ളില്‍ തന്നെ ഇരിക്കുക. എല്ലാവരും സുരക്ഷിതരായിരിക്കുക.' അശ്വിന്‍ ട്വീറ്റ് ചെയ്തു.
Hahaha, somebody sent me this and told me it's exactly been 1 year since this run out happened.
— lets stay indoors India 🇮🇳 (@ashwinravi99) March 25, 2020
As the nation goes into a lockdown, this is a good reminder to my citizens.
Don't wander out. Stay inside, stay safe! #21DayLockdown pic.twitter.com/bSN1454kFt
ഒരു വര്‍ഷം മുമ്പാണ് ഐ.പി.എല്ലില്‍ രാജസ്ഥാന്‍ റോയല്‍സിന്റെ ഇംഗ്ലീഷ് താരം ജോസ് ബട്ലറെ കിങ്സ് ഇലവന്‍ പഞ്ചാബ് താരമായ അശ്വിന്‍ മങ്കാദിങ്ങിലൂടെ പുറത്താക്കിയത്. ആ സമയത്ത് ബട്ലര്‍ 69 റണ്‍സുമായി മികച്ച ഫോമിലായിരുന്നു. 13-ാം ഓവറില്‍ ബട്ലര്‍ പുറത്താകുമ്പോള്‍ രണ്ട് വിക്കറ്റിന് 108 എന്ന നിലയിലായിരുന്നു രാജസ്ഥാന്‍. എന്നാല്‍ ഈ ഔട്ടിലൂടെ രാജസ്ഥാന്റെ താളം നഷ്ടപ്പെട്ടു. നിശ്ചിത ഓവറില്‍ ഒമ്പത് വിക്കറ്റിന് 164 റണ്‍സെടുത്ത രാജസ്ഥാന്‍ 14 റണ്‍സിന് പരാജയപ്പെട്ടു.
Content Highlights: Corona, Covid19 Ashwin, Mankading LockDown
Subscribe
Subscribe
