ഷാര്‍ജ: ഓസ്‌ട്രേലിയന്‍ ക്രിക്കറ്റിലെ സ്ഥിര സാന്നിധ്യമാണ് മാര്‍ക്കസ് സ്‌റ്റോയിന്‍സും ആദം സാംബയും. ലെഗ് സ്പിന്നറായ സാംബയും ഓള്‍റൗണ്ടറായ സ്‌റ്റോയിന്‍സും ലോകകപ്പിനുള്ള ഓസീസ് ടീമില്‍ ഏകദേശം സ്ഥാനമുറപ്പിച്ചു കഴിഞ്ഞു. നിലവില്‍ പാകിസ്താനെതിരായ ഏകദിന പരമ്പരയ്ക്കായി ഷാര്‍ജയിലാണ് ഇരുവരും.

എന്നാല്‍ സ്വവര്‍ഗാനുരാഗികളായ ഇരുവരും തമ്മില്‍ പ്രണയത്തിലാണെന്നാണ് ഇപ്പോള്‍ പുറത്തുവരുന്ന റിപ്പോര്‍ട്ടുകള്‍. പാകിസ്താനെതിരായ ആദ്യ ഏകദിനത്തിനിടെ ഡ്രസ്സിങ് റൂമിലിരുന്നുള്ള ഇരുവരുടേയും പ്രണയ നിമിഷങ്ങള്‍ ഇപ്പോള്‍ സോഷ്യല്‍ മീഡിയയില്‍ ചര്‍ച്ചയാണ്. ഇരുവരും തമ്മില്‍ പ്രണയത്തിലാണ് എന്നതിനുള്ള തെളിവാണ് ആ വീഡിയോ എന്ന് ആരാധകര്‍ പറയുന്നു.

തന്റെ അടുത്തേക്ക് തല ചെരിച്ച സ്‌റ്റോയിന്‍സിന്റെ കവിളില്‍ ചുംബിക്കുന്നതുപോലെ ആംഗ്യം കാണിക്കുന്നുണ്ട് സാംബ. പിന്നാലെ സ്റ്റോയിന്‍സ് സാംബയുടെ അടുത്തേക്ക് നീങ്ങിയിരിക്കുകയായിരുന്നു. തുടര്‍ന്ന് സാംബ സ്‌റ്റോയിന്‍സിന്റെ തലയിലും കവിളിലുമെല്ലാം തലോടി. ഈ തലോടല്‍ സ്‌റ്റോയിന്‍സ് ആസ്വദിക്കുന്നതും വീഡിയോയില്‍ കാണാം. ഇനി ക്യാമറ കണ്ട് ഇരുവരും അഭിനയിക്കുകയാണോ എന്ന സംശയവും ആരാധകര്‍ പങ്കുവെക്കുന്നുണ്ട്.

 

 Content Highlights: Adam Zampa and Marcus Stoinis engage in PDA during the first ODI