പനാജി: ഇന്ത്യന് സൂപ്പര് ലീഗിന്റെ പുതിയ സീസണ് പകുതി പിന്നിടുമ്പോള് രണ്ട് താരങ്ങളെ തട്ടകത്തിലെത്തിച്ച് കേരള ബ്ലാസ്റ്റേഴ്സ്. പരിക്കേറ്റ് നാട്ടിലേക്ക് മടങ്ങിയ നായകന് സിഡോയ്ക്ക് പകരം സ്പാനിഷ് താരം യുവാന്ഡെയും ഇന്ത്യന് യുവതാരം ശുഭ ഘോഷിനെയുമാണ് ബ്ലാസ്റ്റേഴ്സ് ടീമിലെടുത്തിരിക്കുന്നത്.
He has arrived! 🛬😍
— K e r a l a B l a s t e r s F C (@KeralaBlasters) December 28, 2020
Our newest recruit is all settled in and comfortable! 👌
Can't wait to see you on the pitch, @JVIIID8 ⏳#HolaJuande #YennumYellow pic.twitter.com/9NE0mcxICD
സ്പാനിഷ് താരമായ യുവാന്ഡെ ഓസ്ട്രേലിയന് എ.ലീഗ് ടീമായ പെര്ത്ത് ഗ്ലോറിയില് നിന്നാണ് ബ്ലാസ്റ്റേഴ്സിലെത്തുന്നത്. 2018 മുതല് പെര്ത്ത് ഗ്ലോറിയ്ക്കായി കളിച്ചുവരുന്ന യുവാന്ഡെ 43 മത്സരങ്ങളില് നിന്നും ടീമിനായി രണ്ടു ഗോളുകള് നേടിയിട്ടുണ്ട്. 2007-ല് സ്പെയിന് അണ്ടര് 21 ടീമിലും അംഗമായിരുന്നു. സിഡോയുടെ സ്ഥാനത്ത് ഇനിമുതല് യുവാന്ഡെ കളിക്കും.
Adding some more Spanish flavour to our side 🇪🇸
— K e r a l a B l a s t e r s F C (@KeralaBlasters) December 28, 2020
How excited are you to see him in 🟡? #HolaJuande #YennumYellow pic.twitter.com/mbtwVEshBj
എ.ടി.കെ മോഹന് ബഗാനില് നിന്നാണ് മുന്നേറ്റതാരമായ ശുഭ ഘോഷിനെ ബ്ലാസ്റ്റേഴ്സ് കൊണ്ടുവരുന്നത്. കൊല്ക്കത്ത സ്വദേശിയായ ഘോഷ് ഐ ലീഗില് മോഹന് ബഗാന് വേണ്ടി രണ്ടു മത്സരങ്ങളില് നിന്നും മൂന്നുഗോളുകള് നേടിയിട്ടുണ്ട്. ശുഭം ഘോഷിനെ മൂന്നുവര്ഷത്തേക്കാണ് ബ്ലാസ്റ്റേഴ്സ് നിലനിര്ത്തിയിരിക്കുന്നത്. ഘോഷിന് പകരം മറ്റൊരു ബ്ലാസ്റ്റേഴ്സ് താരമായ നോങ്ഡാംബ നയോറത്തെ എ.ടി.കെ മോഹന് ബഗാന് കരാര് അടിസ്ഥാനത്തില് നല്കി.
ANOTHER ONE! 😍
— K e r a l a B l a s t e r s F C (@KeralaBlasters) December 29, 2020
Welcome to the KBFC Family, Subha Ghosh!
The young forward is ready to don 🟡 till 2023 ✍️#SwagathamSubha #YennumYellow pic.twitter.com/fiwMOAv7Xa
നിലവില് ഇന്ത്യന് സൂപ്പര് ലീഗില് ഏഴുമത്സരങ്ങളില് നിന്നും ആറുപോയന്റുകളുള്ള ബ്ലാസ്റ്റേഴ്സ് പോയന്റ് പട്ടികയില് ഒന്പതാം സ്ഥാനത്താണ്.
Content Highlights: Kerala Blasters signs Juande as Cidoncha replacement