.jpg?$p=ada105f&f=16x10&w=856&q=0.8)
Photo: AFP
മെല്‍ബണ്‍: ഓസ്‌ട്രേലിയന്‍ ഓപ്പണ്‍ ടെന്നീസ് തുടങ്ങാന്‍ ദിവസങ്ങള്‍ മാത്രം ബാക്കിനില്‍ക്കേ നിലവിലെ ലോക ഒന്നാം നമ്പര്‍ താരമായ കാര്‍ലോസ് അല്‍ക്കാരസ് ടൂര്‍ണമെന്റില്‍ നിന്ന് പിന്മാറി. പരിക്ക് മൂലം അല്‍ക്കാരസിന് ഓസ്‌ട്രേലിയന്‍ ഓപ്പണില്‍ പങ്കെടുക്കാനാവില്ല.
വലത്തേ കാലിലെ പേശിയ്ക്ക് പരിക്കേറ്റത്തിനെത്തുടര്‍ന്നാണ് സ്പാനിഷ് താരം ടൂര്‍ണമെന്റില്‍ നിന്ന് വിട്ടുനില്‍ക്കുന്നത്. ഓസ്‌ട്രേലിയന്‍ ഓപ്പണ്‍ നഷ്ടമാകുന്നതില്‍ കടുത്ത നിരാശയുണ്ടെന്ന് താരം അറിയിച്ചു. ' പ്രീ സീസണില്‍ ഞാന്‍ നന്നായി കളിച്ചിരുന്നു. പക്ഷേ പരിശീലനത്തിനിടെ പരിക്കുപറ്റി. പരിക്കില്‍ നിന്ന് മോചിതനാവാനായി ഞാന്‍ പരമാവധി ശ്രമിച്ചു. പക്ഷേ നടന്നില്ല. ഓസ്‌ട്രേലിയന്‍ ഓപ്പണില്‍ പങ്കെടുക്കാന്‍ കഴിയാത്തതില്‍ കടുത്ത നിരാശയുണ്ട്'- അല്‍ക്കാരസ് സമൂഹമാധ്യമങ്ങളിലൂടെ കുറിച്ചു.
19 വയസ്സ് മാത്രം പ്രായമുള്ള അല്‍ക്കാരസ് നിലവിലെ യു.എസ്.ഓപ്പണ്‍ ചാമ്പ്യനാണ്. ഈ നേട്ടത്തോടെയാണ് താരം ലോക ഒന്നാം നമ്പറായത്. ടെന്നീസില്‍ ലോക ഒന്നാം നമ്പറിലെത്തുന്ന ഏറ്റവും പ്രായം കുറഞ്ഞ പുരുഷതാരം എന്ന റെക്കോഡും അല്‍ക്കാരസ് നേടിയിരുന്നു. ജനുവരി 16 നാണ് ഓസ്‌ട്രേലിയന്‍ ഓപ്പണ്‍ ആരംഭിക്കുന്നത്. പുരുഷവിഭാഗത്തില്‍ റാഫേല്‍ നദാലും വനിതാ വിഭാഗത്തില്‍ ആഷ്‌ലി ബാര്‍ട്ടിയുമാണ് നിലവിലെ ഓസ്‌ട്രേലിയന്‍ ഓപ്പണ്‍ കിരീടജേതാക്കള്‍. ബാര്‍ട്ടി ഈയിടെ ടെന്നീസില്‍ നിന്ന് വിരമിച്ചിരുന്നു.
Content Highlights: carlos alcarez, world number 1 tennis player, australian open 2023, tennis news, tennis
Also Watch
RELATED STORIES
.jpg?$p=0addcd3&f=1x1&w=100&q=0.8)
IN CASE YOU MISSED IT
.jpg?$p=0b4f5b8&f=1x1&w=100&q=0.8)
.jpg?$p=a80322e&f=1x1&w=100&q=0.8)
.jpg?$p=ef6eb26&q=0.8&f=16x11&w=104)
.jpg?$p=86eb8fa&q=0.8&f=16x11&w=104)
.jpg?$p=0addcd3&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..