Photo: Twitter
ബേണ്‍: സ്വിസ് ഓപ്പണ്‍ ബാഡ്മിന്റണില്‍ ചരിത്രമെഴുതി ഇന്ത്യയുടെ സാത്വിക് സായ്‌രാജ് രംഗിറെഡ്ഡി-ചിരാഗ് ഷെട്ടി സഖ്യം. സ്വിസ് ഓപ്പണ്‍ സൂപ്പര്‍ സീരീസ് 300 ബാഡ്മിന്റണ്‍ പുരുഷ ഡബിള്‍സ് കിരീടത്തില്‍ മുത്തമിട്ടാണ് സാത്വിക്-ചിരാഗ് സഖ്യം പുതുചരിത്രമെഴുതിയത്. ഫൈനലില്‍ ചൈനയുടെ താങ് ക്വിയാന്‍-റെന്‍ യു സിയാങ് സഖ്യത്തെയാണ് സാത്വിക്-ചിരാഗ് സഖ്യം പരാജയപ്പെടുത്തിയത്.
നേരിട്ടുള്ള ഗെയിമുകള്‍ക്കാണ് സാത്വിക്-ചിരാഗ് സഖ്യത്തിന്റെ വിജയം. എതിരാളികള്‍ക്ക് ഒരവസരവും നല്‍കാതെ ആധികാരികമായാണ് ഇന്ത്യന്‍ സഖ്യം കിരീടത്തില്‍ മുത്തമിട്ടത്. സ്‌കോര്‍; 21-19, 24-22 . ലോക 21-ാം നമ്പറുകാരായ ചൈനീസ് സഖ്യത്തെ 54 മിനിറ്റ് നീണ്ട പോരാട്ടത്തിനൊടുക്കമാണ് കീഴടക്കിയത്.
സ്വിസ് ഓപ്പണ്‍ ചരിത്രത്തിലെ ഇന്ത്യയുടെ ആദ്യ ഡബിള്‍സ് കിരീടമെന്ന ചരിത്രനേട്ടമാണ് സാത്വിക്-ചിരാഗ് സഖ്യം സ്വന്തമാക്കിയത്. സ്വിസ് ഓപ്പണിന്റെ 68 വര്‍ഷത്തെ ചരിത്രത്തില്‍ ഇന്ത്യയ്ക്ക് ഇതുവരെ ഡബിള്‍സ് കിരീടം നേടാനായിട്ടില്ല.
കരിയറിലെ സാത്വിക്-ചിരാഗ് സഖ്യത്തിന്റെ അഞ്ചാം വേള്‍ഡ് ടൂര്‍ കിരീടമാണിത്. 2022 കോമണ്‍വെല്‍ത്തില്‍ സ്വര്‍ണം നേടിയ ഇന്ത്യന്‍ സഖ്യത്തിന്റെ സീസണിലെ ആദ്യ കിരീടം കൂടിയാണ് സ്വിസ് ഓപ്പണിലേത്. ഈയിടെ നടന്ന ഓള്‍ ഇംഗ്ലണ്ട് ചാമ്പ്യന്‍ഷിപ്പില്‍ സാത്വിക്-ചിരാഗ് സഖ്യത്തിന് കിരീടം നേടാനായിരുന്നില്ല. സ്വിസ് ഓപ്പണ്‍ കിരീടനേട്ടത്തോടെ ഉഗ്രന്‍ തിരിച്ചുവരവ് നടത്താനും ഇന്ത്യന്‍ സഖ്യത്തിനായി.
Content Highlights: Satwiksairaj Rankireddy and Chirag Shetty win Swiss Open title
Also Watch
RELATED STORIES
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..