Photo: PTI
മഡ്രിഡ്: 2023 മഡ്രിഡ് ഓപ്പണ്‍ ടെന്നീസ് ടൂര്‍ണമെന്റിലെ പുരുഷ ഡബിള്‍സ് ഫൈനലില്‍ പ്രവേശിച്ച് ഇന്ത്യയുടെ രോഹന്‍ ബൊപ്പണ്ണയും പങ്കാളി മാത്യു എബ്‌ഡെനും. പുരുഷ ഡബിള്‍സ് സെമി ഫൈനലില്‍ ബൊപ്പണ്ണ-മാത്യു സഖ്യം സാന്റിയാഗോ ഗോണ്‍സാലസ്-എഡ്വാര്‍ഡ് റോജര്‍ വാസ്സെലിന്‍ സഖ്യത്തെ തകര്‍ത്താണ് ഫൈനലിലെത്തിയത്.
മൂന്ന് സെറ്റ് നീണ്ട പോരാട്ടത്തിനൊടുവിലാണ് ബൊപ്പണ്ണയും മാത്യുവും വിജയം നേടിയത്. ആദ്യ സെറ്റ് നഷ്ടപ്പെട്ടിട്ടും ഇന്ത്യന്‍-ഓസ്‌ട്രേലിയന്‍ സഖ്യം മികച്ച പ്രകടനം പുറത്തെടുത്ത് പിന്നീടുള്ള രണ്ട് സെറ്റുകള്‍ പിടിച്ചെടുത്ത് മത്സരം സ്വന്തമാക്കി. സ്‌കോര്‍: 5-7, 7-6, 10-4.
ഫൈനലില്‍ അതിശക്തരായ റഷ്യയുടെ കാരെന്‍ ഖച്ചനോവ്-ആന്ദ്രെ റുബലേവ് സഖ്യമാണ് ബൊപ്പണ്ണയുടെയും മാത്യുവിന്റെയും എതിരാളികള്‍. സെമിയില്‍ ഫ്രഞ്ച് ഓപ്പണ്‍ ചാമ്പ്യന്മാരായ മാഴ്‌സെലോ അറേവാലോ-ജീന്‍ ജൂലിയന്‍ റോജര്‍ സഖ്യത്തെ തകര്‍ത്താണ് റഷ്യന്‍ ടീം ഫൈനലിലെത്തിയത്.
എ.ടി.പി മാസ്റ്റേഴ്സ് 1000 ചാമ്പ്യനാകുന്ന ഏറ്റവും പ്രായം കൂടിയ താരം എന്ന റെക്കോഡ് ബൊപ്പണ്ണ മാര്‍ച്ചില്‍ സ്വന്തമാക്കിയിരുന്നു. മാത്യുവിനൊപ്പം ബി.എന്‍.ബി പരിബാസ് ഓപ്പണ്‍ നേടിയതോടെയാണ് ബൊപ്പണ്ണ ചരിത്രം കുറിച്ചത്.
Content Highlights: Rohan Bopanna-Matthew Ebden dua enter into the final of madrid open 2023
Also Watch
RELATED STORIES
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..