ഓള്‍ ഇംഗ്ലണ്ട് ഓപ്പണ്‍ ബാഡ്മിന്റണിന്റെ ക്വാര്‍ട്ടറില്‍ സിന്ധുവും ലക്ഷ്യ സെന്നും ഇന്ന് മത്സരിക്കും


വനിതാ സിംഗിള്‍സില്‍ പി.വി.സിന്ധു ജപ്പാന്‍ താരമായ അകാനെ യമഗുച്ചിയെ നേരിടും. നിലവില്‍ ലോക അഞ്ചാം നമ്പര്‍ താരമാണ് യമഗുച്ചി. സിന്ധു എഴാം സീഡാണ്.

Photo: www.twitter.com

ബര്‍മിങ്ങാം: ഓള്‍ ഇംഗ്ലണ്ട് ഓപ്പണ്‍ ബാഡ്മിന്റണ്‍ ചാമ്പ്യന്‍ഷിപ്പിന്റെ ക്വാര്‍ട്ടര്‍ ഫൈനലില്‍ ഇന്ത്യന്‍ താരങ്ങളായ പി.വി.സിന്ധു, ലക്ഷ്യ സെന്‍, സിക്കി റെഡ്ഡി, അശ്വിനി പൊന്നപ്പ എന്നിവര്‍ കളിക്കും.

വനിതാ സിംഗിള്‍സില്‍ സിന്ധു ജാപ്പനീസ് താരമായ അകാനെ യമഗുച്ചിയെ നേരിടും. നിലവില്‍ ലോക അഞ്ചാം നമ്പര്‍ താരമാണ് യമഗുച്ചി. സിന്ധു എഴാം സീഡാണ്. പ്രീ ക്വാര്‍ട്ടറില്‍ ക്രിസ്റ്റഫര്‍സെനിനെ 21-8, 21-8 എന്ന സ്‌കോറിന് തകര്‍ത്താണ് സിന്ധു ക്വാര്‍ട്ടറില്‍ പ്രവേശിച്ചത്. വനിത സിംഗിള്‍സില്‍ ഇന്ത്യയുടെ ഏക പ്രതീക്ഷയാണ് സിന്ധു.

പുരുഷ സിംഗിള്‍സില്‍ ഇന്ത്യയുടെ യുവതാരം ലക്ഷ്യ സെന്‍ നെതര്‍ലന്‍ഡിന്റെ മാര്‍ക്ക് കാള്‍ഹൗവിനെ നേരിടും. പ്രീ ക്വാര്‍ട്ടറില്‍ റുക്‌സെലിനെ 21-18, 21-17 എന്ന സ്‌കോറിന് കീഴടക്കിയാണ് സെന്‍ അവസാന എട്ടിലെത്തിയത്. എന്നാല്‍ ഇന്ത്യയുടെ മറ്റ് പ്രതീക്ഷകളായിരുന്ന എച്ച്.എസ്.പ്രണോയിയും സായ് പ്രണീതും സൗരഭ് വര്‍മയും പ്രീ ക്വാര്‍ട്ടറില്‍ വീണു.

വനിതാ ഡബിള്‍സ് മത്സരത്തില്‍ റെഡ്ഡി-അശ്വിനി സഖ്യം നെതര്‍ലന്‍ഡിന്റെ സെയ്‌നെന്‍-പിയെക് സഖ്യത്തെ നേരിടും. മിക്‌സഡ് ഡബിള്‍സില്‍ ഇന്ത്യന്‍ താരങ്ങളുടെ പോരാട്ടം അവസാനിച്ചു. കിരീടപ്രതീക്ഷയായിരുന്ന അശ്വിനി-സാത്വിക് സഖ്യം പ്രീ ക്വാര്‍ട്ടറില്‍ തോറ്റ് പുറത്തായി.

Content Highlights: PV Sindhu and Lakshya Sen enter quarter finals of All England Championships

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


pinarayi karnival

1 min

മുഖ്യമന്ത്രിയുടെ വാഹന വ്യൂഹത്തിലേക്ക് പുതിയ കാര്‍ വാങ്ങുന്നു; കിയ കാര്‍ണിവല്‍, വില 33.31 ലക്ഷം

Jun 25, 2022


AMMA

1 min

ഷമ്മി തിലകനെതിരെ 'അമ്മ'യില്‍ പ്രതിഷേധമുണ്ട്; നടപടി എക്‌സിക്യൂട്ടീവ് തീരുമാനിക്കും - താരസംഘടന

Jun 26, 2022

Most Commented