ഏഷ്യന്‍ ബോക്‌സിങ് ചാമ്പ്യന്‍ഷിപ്പ്; ഇന്ത്യന്‍ താരം പൂജാ റാണിക്ക് സ്വര്‍ണം


ചാമ്പ്യന്‍ഷിപ്പില്‍ ഇന്ത്യയുടെ ആദ്യ സ്വര്‍ണമാണിത്. 

സ്വർണം നേടിയ പൂജാ റാണി കോച്ചിനോടൊപ്പം | Photo: Twitter| Kiren Rijiju

ദുബായ്: ഏഷ്യൻ ബോക്സിങ് ചാമ്പ്യൻഷിപ്പിൽ സ്വർണം നേടി ഇന്ത്യൻ താരം പൂജാ റാണി. ദുബായിൽ നടക്കുന്ന ചാമ്പ്യൻഷിപ്പിന്റെ 75കിലോഗ്രോം വിഭാഗത്തിലാണ് പൂജ സ്വർണം സ്വന്തമാക്കിയത്. ഫൈനലിൽ ഉസ്ബെകിസ്താന്റെ മവ്ലൂദ മവ്ലൊനോവ ഇന്ത്യൻ താരത്തിന് മുന്നിൽ വീണു. ചാമ്പ്യൻഷിപ്പിൽ ഇന്ത്യയുടെ ആദ്യ സ്വർണമാണിത്.

നേരത്തെതന്നെ ടോക്കിയോ ഒളിമ്പിക്സിന് യോഗ്യത പൂജയുടെ വിജയം ആധികാരികമായിരുന്നു. ഉസ്ബെക്ക് താരത്തെ 5-0ത്തിനാണ് പൂജ തോൽപ്പിച്ചത്. 2019-ലെ ഏഷ്യൻ ചാമ്പ്യൻഷിപ്പിൽ 81 കിലോഗ്രാം വിഭാഗത്തിൽ ഇന്ത്യൻ താരം സ്വർണം നേടിയിരുന്നു. എന്നാൽ കഴിഞ്ഞ വർഷം കോവിഡ് വ്യാപനത്തെ തുടർന്ന് ഏഷ്യൻ ചാമ്പ്യൻഷിപ്പ് റദ്ദാക്കിയിരുന്നു. 2012-ൽ വെങ്കലവും 2015-ൽ വെള്ളിയും സ്വന്തമാക്കിയ പൂജയുടെ രണ്ടാം സ്വർണമാണിത്.

അതേസമയം 51 കിലോഗ്രാം വിഭാഗത്തിൽ ഇന്ത്യയുടെ ലോകചാമ്പ്യൻ എംസി മേരികോം ഫൈനലിൽ തോറ്റു. ചാമ്പ്യൻഷിപ്പിൽ ഇതുവരെ 15 മെഡലുകളാണ് ഇന്ത്യ നേടിയത്. ഏഷ്യൻ ചാമ്പ്യൻഷിപ്പിൽ ഇന്ത്യയുടെ ഏറ്റവും മികച്ച പ്രകടനമാണിത്. ഇതിന് മുമ്പ് 13 മെഡലുകൾ നേടിയത് ആയിരുന്നു മികച്ച പ്രകടനം. ഡൽഹിയിൽ നടക്കേണ്ടിയിരുന്ന ഏഷ്യൻ ചാമ്പ്യൻഷിപ്പ് ഇന്ത്യയിലെ കോവിഡ് വ്യാപനത്തെ തുടർന്ന് ദുബായിലേക്ക് മാറ്റുകയായിരുന്നു.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022

Most Commented