Photo: AP
പാരിസ്: ചരിത്ര നേട്ടവുമായി സെര്‍ബിയയുടെ ടെന്നീസ് ഇതിഹാസം നൊവാക് ജോക്കോവിച്ച്. ഏറ്റവുമധികം ആഴ്ചകള്‍ റാങ്കിങ്ങില്‍ ഒന്നാം നമ്പറില്‍ നിന്ന ടെന്നീസ് താരം എന്ന റെക്കോഡ് ജോക്കോവിച്ചിന് സ്വന്തമാക്കി. ഇതിഹാസം സ്‌റ്റെഫി ഗ്രാഫ് കുറിച്ച റെക്കോഡിനൊപ്പമാണ് ജോക്കോവിച്ച് എത്തിയിരിക്കുന്നത്.
377 ആഴ്ചകളാണ് ജോക്കോവിച്ച് ഒന്നാം റാങ്കില്‍ തുടര്‍ന്നത്. അടുത്ത ആഴ്ചയോടെ ഈ റെക്കോഡ് ജോക്കോവിച്ച് ഒറ്റയ്ക്ക് സ്വന്തമാക്കും. 35 കാരനായ ജോക്കോവിച്ച് ഓസ്‌ട്രേലിയന്‍ ഓപ്പണില്‍ കിരീടം നേടിയതോടെയാണ് വീണ്ടും ഒന്നാം റാങ്കിലേക്കെത്തിയത്. കിരീടത്തില്‍ മുത്തമിട്ടതോടെ ജോക്കോവിച്ചിന്റെ ഗ്രാന്‍ഡ്സ്ലാം നേട്ടം 22 ആയി ഉയര്‍ന്നു. റാഫേല്‍ നദാല്‍ സ്ഥാപിച്ച റെക്കോഡിനൊപ്പമെത്താനും താരത്തിന് സാധിച്ചു.
നിലവില്‍ 7070 പോയന്റാണ് ഒന്നാം റാങ്കിലുള്ള ജോക്കോവിച്ചിനുള്ളത്. 6480 പോയന്റുമായി സ്‌പെയിനിന്റെ കാര്‍ലോസ് അല്‍ക്കാരസ് രണ്ടാമതും 5940 പോയന്റ് നേടി ഗ്രീസിന്റെ സ്‌റ്റെഫാനോസ് സിറ്റ്‌സിപാസ് മൂന്നാം സ്ഥാനത്തും നില്‍ക്കുന്നു. ആന്ദ്രെ റുബലേവ്, റാഫേല്‍ നദാല്‍ എന്നിവരാണ് നാല്, അഞ്ച് സ്ഥാനങ്ങളില്‍.
Content Highlights: Novak Djokovic equals Steffi Graf's record
Also Watch
RELATED STORIES
.jpg?$p=0addcd3&f=1x1&w=100&q=0.8)
IN CASE YOU MISSED IT
.jpg?$p=aa62323&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..