.jpg?$p=e1fda36&f=16x10&w=852&q=0.8)
Photo: AP
യൂജിന്‍: ഇക്കുറി ലോക അത്ലറ്റിക്സില് ഇന്ത്യയ്ക്ക് ആഗ്രഹിക്കാന്‍ പലതുമുണ്ടായിരുന്നു. പക്ഷേ, പ്രതീക്ഷിക്കാന്‍ ഒരേയൊരു മെഡലേയുള്ളൂ, ജാവലിന്‍ ത്രോയില്‍ ഒളിമ്പിക് ജേതാവായ നീരജ് ചോപ്രയിലൂടെ. 130 കോടിയിലേറെ ജനങ്ങളുടെ പ്രതീക്ഷകള്‍ നെഞ്ചിലേറ്റി നീരജ് ചോപ്ര വെള്ളിയാഴ്ച രാവിലെ ഫീല്‍ഡിലേക്ക്. പുരുഷന്‍മാരുടെ ജാവലിന്‍ ത്രോ യോഗ്യതാ റൗണ്ടില്‍ എ ഗ്രൂപ്പിലെ മത്സരം ഇന്ത്യന്‍ സമയം വെള്ളിയാഴ്ച പുലര്‍ച്ചെ 5.35-നും ബി ഗ്രൂപ്പ് മത്സരം രാവിലെ 7.15-നും. ഫൈനല്‍ ഞായറാഴ്ച പുലര്‍ച്ചെ.
കഴിഞ്ഞവര്‍ഷം ടോക്യോയില്‍ 87.58 മീറ്റര്‍ എറിഞ്ഞ് സ്വര്‍ണം നേടിയ നീരജ് ചോപ്ര ഒളിമ്പിക്‌സിലെ അത്ലറ്റിക്സില് ഇന്ത്യക്കാരന്റെ ആദ്യ മെഡല്‍ സ്വന്തമാക്കി. തുടര്‍ന്ന് കുറച്ചുകാലം മത്സരരംഗത്തുനിന്ന് മാറിനിന്നെങ്കിലും കഴിഞ്ഞമാസം ഫിന്‍ലന്‍ഡില്‍ നടന്ന പാവോ നൂര്‍മി ഗെയിംസില്‍ 89.30 മീറ്റര്‍ എറിഞ്ഞ് സ്വന്തം റെക്കോഡ് മെച്ചപ്പെടുത്തി. തുടര്‍ന്ന് സ്വീഡനില്‍ നടന്ന ഡയമണ്ട് ലീഗില്‍ 89.94 മീറ്റര്‍ എറിഞ്ഞ് ഒരിക്കല്‍ക്കൂടി റെക്കോഡ് മെച്ചപ്പെടുത്തി ഉജ്ജ്വല ഫോമിലാണെന്ന് തെളിയിച്ചു.
നീരജിന്റെ സാധ്യത
89.94 മീറ്ററുമായി സീസണിലെ പ്രകടനങ്ങളില്‍ മൂന്നാംസ്ഥാനത്താണ് നീരജ്. 93.07 മീറ്റര്‍ എറിഞ്ഞ ഗ്രാനഡയുടെ ആന്‍ഡേഴ്സന്‍ പീറ്റേഴ്സ് മുന്നില്‍ നില്‍ക്കുന്നു. 2019 ദോഹ ചാമ്പ്യന്‍ഷിപ്പിലെ ജേതാവുകൂടിയാണ് ആന്‍ഡേഴ്സന്‍. ചെക്ക് റിപ്പബ്ലിക്കിന്റെ ജാക്കൂബ് വാദ്ലെച്ചാണ് (90.88 മീറ്റര്‍) രണ്ടാമത്. ജര്‍മനിയുടെ ജൂലിയന്‍ വെബര്‍ (89.54 മീറ്റര്‍) നാലാമതുണ്ട്. തന്റെ മികച്ചദൂരം കണ്ടെത്താനായാല്‍ നീരജിന് മെഡല്‍ പ്രതീക്ഷിക്കാമെന്ന് ഇന്ത്യന്‍ സംഘം കണക്കുകൂട്ടുന്നു.
റെക്കോഡ് 98.48 മീറ്റര്‍
ജാവലിന്‍ ത്രോയിലെ റെക്കോഡും ചാമ്പ്യന്‍ഷിപ്പ് റെക്കോഡും ചെക്ക് റിപ്പബ്ലിക്കിന്റെ യാന്‍ സെലെസ്നിയുടെ പേരിലാണ്.
ലോക റെക്കോഡ് 98.48 മീറ്റര്‍ (1996)
ചാമ്പ്യന്‍ഷിപ്പ് റെക്കോഡ് 92.80 മീറ്റര്‍ (2001)
Content Highlights: Neeraj Chopra eyes history at World Athletics Championships
കൂടുതല്‍ കായിക വാര്‍ത്തകള്‍ക്കും ഫീച്ചറുകള്‍ക്കുമായി വാട്ട്‌സ്ആപ്പ് ഗ്രൂപ്പില്‍ ജോയിന്‍ ചെയ്യൂ... https://mbi.page.link/1pKR
Also Watch
RELATED STORIES
.jpg?$p=e4e93ab&f=1x1&w=100&q=0.8)
.jpg?$p=8896326&f=1x1&w=100&q=0.8)
.jpg?$p=1a21421&f=1x1&w=100&q=0.8)
IN CASE YOU MISSED IT
.jpg?$p=7c255b7&q=0.8&f=16x11&w=104)
.jpg?$p=3ca10ba&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..