Photo: AP
ടെക്‌സാസ്: അമേരിക്കന്‍ കായികരംഗത്തെ ഇതിഹാസങ്ങളിലൊരാളും മനുഷ്യാവകാശ പോരാട്ടങ്ങളിലെ മുന്നണിപ്പോരാളിയുമായ ബില്‍ റസ്സലിന് (88) വിട. 11 എന്‍.ബി.എ. കിരീടങ്ങള്‍ക്കുടമയാണ് ഈ ബാസ്കറ്റ്ബോള് താരം.
ബാസ്കറ്റ്ബോള് ടീമായി ബോസ്റ്റണ്‍ കെല്‍റ്റിക്കിനുവേണ്ടി കളിച്ചിരുന്ന ബില്‍ റസ്സല്‍ 1956-69 കാലത്ത് നാഷണല്‍ ബാസ്കറ്റ്ബോള് അസോസിയേഷന്റെ (എന്‍.ബി.എ.) 11 കിരീടങ്ങള്‍ നേടി. 13 വര്‍ഷത്തെ എന്‍.ബി.എ. കരിയറിനിടെയാണ് ഇത്രയും കിരീടങ്ങള്‍. ഇതില്‍ എട്ടുവര്‍ഷം തുടര്‍ച്ചയായി കിരീടം നേടി. അഞ്ചുതവണ ടൂര്‍ണമെന്റിലെ ഏറ്റവും മൂല്യമേറിയ താരവുമായി.
1956 മെല്‍ബണ്‍ ഒളിമ്പിക്സില്‍ കിരീടം നേടിയ അമേരിക്കന്‍ ദേശീയ ബാസ്കറ്റ്ബോള് ടീമിന്റെ ക്യാപ്റ്റനുമായി. പ്രൊഫഷണല്‍
ബാസ്‌കറ്റ്ബോളില്‍നിന്ന് വിരമിച്ചശേഷം ബോസ്റ്റണ്‍ കെല്‍റ്റിക്, സിയാറ്റില്‍ സൂപ്പര്‍സോണിക്സ്, സാക്രമെന്റോ കിങ്സ് എന്നീ ടീമുകളുടെ പരിശീലകനായി.
1975-ല്‍ ബാസ്കറ്റ്ബോള് ഹാള്‍ ഓഫ് ഫെയിമില്‍ ഇടംനേടി. ഈ നേട്ടം സ്വന്തമാക്കുന്ന ആദ്യത്തെ കറുത്തവര്‍ഗക്കാരനാണ്. അമേരിക്കന്‍ പ്രസിഡന്റിന്റെ പരമോന്നത പുരസ്‌കാരമായ ഫ്രീഡം അവാര്‍ഡ് 2011-ല്‍ നേടി. ബാരക് ഒബാമയില്‍നിന്നാണ് പുരസ്‌കാരം ഏറ്റുവാങ്ങിയത്.
Content Highlights: bill russell, basketball legend, basketball, nba, NBA, nba basketball, sports news, sports
Also Watch
RELATED STORIES
IN CASE YOU MISSED IT
.jpg?$p=430c1f1&f=1x1&w=100&q=0.8)
.jpg?$p=298ab5c&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..