Photo: PTI
ക്വാലാലംപുര്‍: ഇന്ത്യയുടെ ഒളിമ്പിക് മെഡല്‍ ജേതാവായ പി.വി.സിന്ധുവും മലയാളി താരം എച്ച്.എസ്.പ്രണോയിയും മലേഷ്യ മാസ്റ്റേഴ്സ് ബാഡ്മിന്റണ്‍ ടൂര്‍ണമെന്റിന്റെ ക്വാര്‍ട്ടര്‍ ഫൈനലില്‍.
വനിതാ സിംഗിള്‍സ് പ്രീ ക്വാര്‍ട്ടറില്‍ സിന്ധു ജപ്പാന്റെ ആയ ഒഹോരിയെ തകര്‍ത്തു. നേരിട്ടുള്ള ഗെയിമുകള്‍ക്കാണ് സിന്ധുവിന്റെ വിജയം. സ്‌കോര്‍: 21-16, 21-11. മത്സരം വെറും 40 മിനിറ്റ് കൊണ്ട് അവസാനിച്ചു. ടൂര്‍ണമെന്റിലെ ആറാം സീഡായ സിന്ധു നിലവില്‍ ലോകറാങ്കിങ്ങില്‍ 13-ാം സ്ഥാനത്താണ്. ഇതുവരെ ഒഹോരിയ്‌ക്കെതിരേ 12 തവണ മത്സരിച്ചപ്പോഴും വിജയം സിന്ധുവിനൊപ്പം നിന്നു. ക്വാര്‍ട്ടറില്‍ ചൈനയുടെ യി മാന്‍ ഷാങ്ങാണ് സിന്ധുവിന്റെ എതിരാളി.
പുരുഷ സിംഗിള്‍സില്‍ ലോക ഒന്‍പതാം നമ്പര്‍ താരമായ പ്രണോയ് 11-ാം റാങ്കുകാരനായ ചൈനയുടെ ലി ഷിഫെങ്ങിനെ കീഴടക്കി. മൂന്ന് ഗെയിം നീണ്ട തകര്‍പ്പന്‍ പോരാട്ടത്തിനൊടുവിലാണ് മലയാളിതാരം വിജയം നേടിയത്. ആദ്യ ഗെയിം നഷ്ടപ്പെട്ടിട്ടും പ്രണോയ് തിരിച്ചുവന്നു. സ്‌കോര്‍: 13-21, 21-16, 21-11. ക്വാര്‍ട്ടറില്‍ ജൊനാതന്‍ ക്രിസ്റ്റിയോ കെന്റ നിഷിമോട്ടോയോ ആയിരിക്കും താരത്തിന്റെ എതിരാളി.
Content Highlights: Malaysia Masters 2023 Sindhu, Prannoy enter quarterfinals
Also Watch
RELATED STORIES
.jpg?$p=055e3e3&f=1x1&w=100&q=0.8)
.jpg?$p=fc07f96&f=1x1&w=100&q=0.8)
.jpg?$p=fdf1e0b&f=1x1&w=100&q=0.8)
.jpg?$p=71e446e&f=1x1&w=100&q=0.8)
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..