Photo: twitter.com/rpragchess
ചെന്നൈ: നോര്‍വേ ചെസ് ഓപ്പണ്‍ കിരീടത്തില്‍ മുത്തമിട്ട് ഇന്ത്യയുടെ യുവ ഗ്രാന്‍ഡ് മാസ്റ്റര്‍ ആര്‍.പ്രജ്ഞാനന്ദ. ഗ്രൂപ്പ് എ വിഭാഗത്തില്‍ ഒന്‍പത് റൗണ്ടുകളില്‍ നിന്നായി 7.5 പോയന്റ് നേടിക്കൊണ്ടാണ് പ്രജ്ഞാനന്ദ കിരീടം നേടിയത്.
വെറും 16 വയസ്സ് മാത്രമുള്ള പ്രജ്ഞാനന്ദയായിരുന്നു ടൂര്‍ണമെന്റിലെ ടോപ്‌ സീഡ്. ഒന്‍പത് റൗണ്ടില്‍ ഒറ്റ തോല്‍വി പോലും നേടാതെയാണ് പ്രജ്ഞാനന്ദ ജേതാവായത്. ഇസ്രായേലിന്റെ മാര്‍സല്‍ എഫ്രോയിംസ്‌കി രണ്ടാമതും സ്വീഡന്റെ ഇം യങ് മിന്‍ സിയോ മൂന്നാമതുമെത്തി.
മറ്റൊരു ഇന്ത്യന്‍ താരമായ പ്രണീത് ആറുപോയന്റുമായി ആറാം സ്ഥാനത്തെത്തി. അവസാന റൗണ്ടില്‍ പ്രണീതിനെ തകര്‍ത്താണ് പ്രജ്ഞാനന്ദ കിരീടം നേടിയത്. ആറുവിജയവും മൂന്ന് സമനിലയുമാണ് പ്രജ്ഞാനന്ദ ടൂര്‍ണമെന്റില്‍ നിന്ന് നേടിയത്.
ഈയിടെയായി ചെസ്സ് ലോകത്ത് തരംഗമാകുകയാണ് പ്രജ്ഞാനന്ദ. ലോകചാമ്പ്യനായ മാഗ്നസ് കാള്‍സണെ രണ്ട് തവണ അട്ടിമറിച്ച ഈ കൗമാരതാരം ഇതിനോടകം വാര്‍ത്തകളില്‍ ഇടംനേടിയിട്ടുണ്ട്. ഈ വിജയത്തോടെ അടുത്ത മാസം ഇന്ത്യയില്‍ വെച്ച് നടക്കുന്ന ചെസ്സ് ഒളിമ്പ്യാഡില്‍ പങ്കെടുക്കാന്‍ പ്രജ്ഞാനന്ദ യോഗ്യത നേടി. ഇന്ത്യ ടീം ബിയിലാണ് താരം ഉള്‍പ്പെട്ടിരിക്കുന്നത്.
Content Highlights: R Praggnanandhaa, norway chess tournament, praggnanandhaa, chess, indian grand master
RELATED STORIES
.jpg?$p=79c0b37&f=1x1&w=100&q=0.8)
.jpg?$p=1dd8c95&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
IN CASE YOU MISSED IT
.jpg?$p=4f96ebc&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.jpg?$p=8a6554b&f=1x1&w=100&q=0.8)
.jpg?$p=e1fda36&q=0.8&f=16x11&w=104)
.jpg?$p=41baf8f&q=0.8&f=16x11&w=104)
.jpg?$p=ef4b105&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..