യൂബര്‍ കപ്പ് ബാഡ്മിന്റണില്‍ സ്‌കോട്‌ലന്‍ഡിനെ തകര്‍ത്ത് ഇന്ത്യ ക്വാര്‍ട്ടറില്‍


അടുത്ത മത്സരത്തില്‍ കരുത്തരായ തായ്‌ലന്‍ഡാണ് ഇന്ത്യയുടെ എതിരാളി

Photo: twitter.com|Media_SAI

ആര്‍ഹസ്: ഡെന്മാര്‍ക്കില്‍ വെച്ച് നടക്കുന്ന യൂബര്‍ കപ്പ് ബാഡ്മിന്റണ്‍ ടൂര്‍ണമെന്റില്‍ ഇന്ത്യന്‍ വനിതാ ടീം ക്വാര്‍ട്ടര്‍ ഫൈനലില്‍ പ്രവേശിച്ചു. സ്‌കോട്‌ലന്‍ഡിനെ തകര്‍ത്താണ് ഇന്ത്യന്‍ വനിതകള്‍ കരുത്തുകാട്ടിയത്. 4-1 എന്ന സ്‌കോറിനാണ് ഇന്ത്യയുടെ വിജയം.

നിലവില്‍ ഗ്രൂപ്പ് ബി യില്‍ ഇന്ത്യ രണ്ടാം സ്ഥാനത്താണ്. സ്‌കോട്‌ലന്‍ഡുമായുള്ള ആദ്യ മത്സരത്തില്‍ വനിതാ സിംഗിള്‍സില്‍ ഇന്ത്യയുടെ മാളവിക ബന്‍സോദ് കിര്‍സ്റ്റി ഗില്‍മൗറിനോട് പരാജയപ്പെട്ടു (13-21, 9-21). എന്നാല്‍ രണ്ടാം മത്സരത്തില്‍ അദിതി ഭട്ട് റേച്ചല്‍ സുഗ്‌ഡെനെ കീഴടക്കിയതോടെ (21-14, 21-8) ഇന്ത്യ സ്‌കോട്‌ലന്‍ഡിനൊപ്പമെത്തി.

പിന്നീടുള്ള മൂന്ന് മത്സരങ്ങളിലും വിജയം നേടിക്കൊണ്ടാണ് ഇന്ത്യന്‍ വനിതകള്‍ ക്വാര്‍ട്ടറിലേക്ക് മുന്നേറിയത്. ഇന്ത്യയ്ക്ക് വേണ്ടി ഡബിള്‍സില്‍ തനിഷ ക്രാസ്റ്റോ-റുതപര്‍ണ പാണ്ഡ സഖ്യം വിജയം നേടി. പിന്നാലെ നടന്ന സിംഗിള്‍സ് മത്സരത്തില്‍ തസ്‌നിം വിജയിച്ചതോടെ ഇന്ത്യ 3-1 ന് ലീഡെടുത്തു. അവസാന റിവേഴ്‌സ് ഡബിള്‍സ് മത്സരത്തില്‍ ഇന്ത്യയുടെ യുവതാരങ്ങളായ ട്രീസ ജോളിയും ഗായത്രി ഗോപിചന്ദും വിജയം നേടി. ഇതോടെ ഇന്ത്യ 4-1 ന് സ്‌കോട്‌ലന്‍ഡിനെ കടപുഴക്കി.

അടുത്ത മത്സരത്തില്‍ കരുത്തരായ തായ്‌ലന്‍ഡാണ് ഇന്ത്യയുടെ എതിരാളി. യൂബര്‍ കപ്പില്‍ രണ്ട് തവണ സെമി ഫൈനലിലെത്തിയാണ് ഇതുവരെയുള്ള ഇന്ത്യയുടെ മികച്ച പ്രകടനം. 2014, 2016 വര്‍ഷങ്ങളിലാണ് ഇന്ത്യ സെമിയിലെത്തിയത്. ഇത്തവണ മത്സരത്തിനിടെ സൂപ്പര്‍ താരം സൈന നേവാള്‍ പരിക്കേറ്റ് മടങ്ങിയത് ഇന്ത്യന്‍ ടീമിന് തിരിച്ചടി സമ്മാനിച്ചു.

Content Highlights: India Women Shuttlers Shine Bright, Qualify for Quarterfinals of Uber Cup

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Sreejith Ravi

1 min

ആദ്യകേസ് കെട്ടിച്ചമച്ചതാണെന്ന് ശ്രീജിത്ത് രവി, വീണ്ടും സമാനകേസില്‍ പിടിയില്‍

Jul 7, 2022


Sreejith Ravi

1 min

കുട്ടികള്‍ക്ക് മുന്നില്‍ നഗ്നതാ പ്രദര്‍ശനം; നടന്‍ ശ്രീജിത്ത് രവി പോക്‌സോ കേസില്‍ അറസ്റ്റില്‍

Jul 7, 2022


Swapna Suresh

1 min

സ്വപ്‌ന സുരേഷിനെ എച്ച്ആര്‍ഡിഎസ് പിരിച്ചുവിട്ടു

Jul 6, 2022

Most Commented