ഹല്ലി ഓപ്പണ്‍ ടെന്നീസ്: ലോക ഒന്നാംനമ്പര്‍ താരമായ മെദ്‌വെദേവിന് ഫൈനലില്‍ തോല്‍വി


പുല്‍കോര്‍ട്ടില്‍ ഹര്‍കാക്‌സ് നേടുന്ന ആദ്യ കിരീടമാണിത്

Photo: AFP

ഹല്ലി: ഹല്ലി ഓപ്പണ്‍ ടെന്നീസ് ടൂര്‍ണമെന്റിന്റെ ഫൈനലില്‍ ലോക ഒന്നാം നമ്പര്‍ താരമായ റഷ്യയുടെ ഡാനില്‍ മെദ്‌വെദേവിന് തോല്‍വി. അഞ്ചാം സീഡായ പോളണ്ടിന്റെ ഹ്യൂബര്‍ട്ട് ഹര്‍കാക്‌സാണ് മെദ്‌വെദേവിനെ ഫൈനലില്‍ അട്ടിമറിച്ചത്.

നേരിട്ടുള്ള സെറ്റുകള്‍ക്ക് ഹര്‍കാക്‌സ് മെദ്‌വെദേവിനെ കീഴടക്കി. സ്‌കോര്‍: 6-1, 6-4. പുല്‍കോര്‍ട്ടില്‍ ഹര്‍കാക്‌സ് നേടുന്ന ആദ്യ കിരീടമാണിത്. മത്സരം വെറും 63 മിനിറ്റ് മാത്രമാണ് നീണ്ടുനിന്നത്.

ഈ വിജയത്തോടെ ഹര്‍കാക്‌സ് ലോകറാങ്കിങ്ങില്‍ ആദ്യ പത്തിലിടം നേടി. നിലവില്‍ പത്താം റാങ്കിലാണ് താരം. 3738 പോയന്റാണ് ഹര്‍കാക്‌സിനുള്ളത്. തോറ്റെങ്കിലും മെദ്‌വെദേവ് റാങ്കിങ്ങില്‍ ഒന്നാം സ്ഥാനത്ത് തുടരുന്നു. 8160 പോയന്റാണ് താരത്തിനുള്ളത്.

ജര്‍മനിയുടെ അലക്‌സാണ്ടര്‍ സ്വെരേവ് രണ്ടാമതും സെര്‍ബിയയുടെ നൊവാക് ജോക്കോവിച്ച് മൂന്നാം റാങ്കിലും നില്‍ക്കുന്നു. സ്‌പെയിനിന്റെ ഇതിഹാസതാരം റാഫേല്‍ നദാല്‍ നാലാമതാണ്. ഫ്രഞ്ച് ഓപ്പണ്‍ ഫൈനലിസ്റ്റ് കാസ്പര്‍ റൂഡ് അഞ്ചാം സ്ഥാനത്ത് തുടരുന്നു.

Content Highlights: halle open, daniil medvedev, hubert hurkaczm tennis news, tennis ranking, sports news

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
vijay babu

3 min

സമ്മതപ്രകാരമുള്ള ബന്ധത്തെ ബലാത്സംഗമായി മാറ്റുന്നതിനെതിരേ ജാഗ്രത വേണം -ഹൈക്കോടതി

Jun 23, 2022


Tom Mann

2 min

കല്ല്യാണ വീട് മരണവീടായി മാറി; പ്രിയതമയെ നഷ്ടപ്പെട്ട ഗായകന്‍ കണ്ണീര്‍ക്കടലില്‍

Jun 22, 2022


Droupadi Murmu

5 min

ദ്രൗപദി മുർമുവിനെ സര്‍വ്വസമ്മതയായ സ്ഥാനാര്‍ഥിയായി നിര്‍ത്തണം; സിന്‍ഹയെ പിന്‍വലിക്കണം | പ്രതിഭാഷണം

Jun 23, 2022

Most Commented