Photo: AFP
ഗ്യാങ്ഷു: 2022-ല്‍ നടക്കേണ്ടിയിരുന്ന ഏഷ്യന്‍ ഗെയിംസ് 2023-ല്‍ നടത്താന്‍ തീരുമാനമായി. 2022-ല്‍ വേദിയായി തിരഞ്ഞെടുത്ത ചൈന തന്നെ 2023-ല്‍ ഏഷ്യന്‍ ഗെയിംസിന് വേദിയാകും. ഒളിമ്പിക് കൗണ്‍സില്‍ ഓഫ് ഏഷ്യയാണ് ഇക്കാര്യമറിയിച്ചത്.
2023 സെപ്റ്റംബര്‍ 23 മുതല്‍ ഒക്ടോബര്‍ എട്ടുവരെയാണ് ഏഷ്യന്‍ ഗെയിംസ് നടക്കുക. 2022 സെപ്റ്റംബറിലാണ് ആദ്യം ഏഷ്യന്‍ ഗെയിംസ് നടത്താന്‍ തീരുമാനിച്ചത്. എന്നാല്‍ കോവിഡ് വ്യാപനത്തെ തുടര്‍ന്ന് 2023-ലേക്ക് നീട്ടിവെച്ചു.
ചൈനയ്ക്ക് പകരം മറ്റേതെങ്കിലുമൊരു ഏഷ്യന്‍ രാജ്യം ഗെയിംസിന് ആതിഥേയത്വം വഹിക്കുമെന്നാണ് കരുതപ്പെട്ടത്. എന്നാല്‍ അവസാനനിമിഷം ചൈന തന്നെ തിരഞ്ഞെടുക്കപ്പെടുകയായിരുന്നു.
ചൈനയിലെ ഹാങ്ഷൂ നഗരമാണ് ഗെയിംസിന് വേദിയാകുന്നത്. ഏകദേശം പതിനായിരത്തിലധികം കായികതാരങ്ങള്‍ പങ്കെടുക്കുന്ന കായികമാമാങ്കമാണ് ഏഷ്യന്‍ ഗെയിംസ്. 2018-ലാണ് അവസാനമായി ഏഷ്യന്‍ ഗെയിംസ് നടന്നത്. ഇന്‍ഡൊനീഷ്യയിലെ ജക്കാര്‍ത്ത വേദിയായ 2018 ഏഷ്യന്‍ ഗെയിംസില്‍ 289 മെഡലുകളുമായി ചൈനയാണ് ഒന്നാമതെത്തിയത്. ഇന്ത്യ 69 മെഡലുകള്‍ നേടി എട്ടാം സ്ഥാനത്തെത്തി.
Content Highlights: asian games, asian games 2022, asian games 2023, asian games venue, asian games dates, sports
Also Watch
RELATED STORIES
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=22a6963&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..