Photo: AFP
ന്യൂയോര്‍ക്ക്‌: യു.എസ്. ഓപ്പണിലെ ഇന്ത്യയുടെ പ്രതീക്ഷയായിരുന്ന രോഹന്‍ ബൊപ്പണ്ണ പ്രീ ക്വാര്‍ട്ടറില്‍ പുറത്തായി. പുരുഷന്മാരുടെ ഡബിള്‍സ് മത്സരത്തില്‍ ബൊപ്പണ്ണ-ഇവാന്‍ ഡോഡിജ് സഖ്യം രാജീവ് റാം-ജോ സാലിസ്ബറി സഖ്യത്തോടാണ് തോല്‍വി വഴങ്ങിയത്.
മൂന്ന് സെറ്റ് നീണ്ട പോരാട്ടത്തിനൊടുവിലാണ് ബൊപ്പണ്ണ-ഡോഡിജ് സഖ്യത്തിന്റെ തോല്‍വി. സ്‌കോര്‍: 7-6, 4-6, 6-7. ഡോഡിജ് ക്രൊയേഷ്യന്‍ താരമാണ്. മത്സരം രണ്ട് മണിക്കൂറും 30 മിനിട്ടും നീണ്ടു.
ആദ്യ സെറ്റ് ടൈബ്രേക്കറിലൂടെ സ്വന്തമാക്കിയ ബൊപ്പണ്ണ സഖ്യം രണ്ടാം സെറ്റിലും മൂന്നാം സെറ്റിലും പിന്നോട്ടുപോയി. ടൂര്‍ണമെന്റിലെ 13-ാം സീഡാണ് ബൊപ്പണ്ണ- ഡോഡിജ് സഖ്യം. റാം-സാലിസ്ബറി സഖ്യം നാലാം സീഡാണ്.
ഈ തോല്‍വിയോടെ 2021 യു.എസ് ഓപ്പണിലെ ഇന്ത്യന്‍ പ്രതീക്ഷകള്‍ അവസാനിച്ചു. നേരത്തേ ഇന്ത്യയുടെ സാനിയ മിര്‍സ വനിതാ ഡബിള്‍സിനും മിക്‌സഡ് ഡബിള്‍സിലും പുറത്തായിരുന്നു. ആദ്യ റൗണ്ടില്‍ തന്നെയാണ് രണ്ട് വിഭാഗങ്ങളില്‍ നിന്നും സാനിയ പുറത്തായത്.
Content Highlights: Bopanna-Dodig pair goes down fighting in US Open
RELATED STORIES
IN CASE YOU MISSED IT
.jpg?$p=dd6a0d8&f=1x1&w=100&q=0.8)
.jpg?$p=2922c1a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..