കോമണ്‍വെല്‍ത്ത് ഫെന്‍സിങ് ചാമ്പ്യന്‍ഷിപ്പില്‍ ഭവാനി ദേവിയ്ക്ക് സ്വര്‍ണം


ഫൈനലില്‍ ഓസ്‌ട്രേലിയയുടെ വെറോണിക വസിലേവയെ കീഴടക്കിയാണ് ഭവാനി ദേവി സ്വര്‍ണം നേടിയത്

Photo: twitter.com/IamBhavaniDevi

ലണ്ടന്‍: 2022 കോമണ്‍വെല്‍ത്ത് ഫെന്‍സിങ് ചാമ്പ്യന്‍ഷിപ്പില്‍ ഇന്ത്യന്‍ താരം സി.എ. ഭവാനി ദേവിയ്ക്ക് സ്വര്‍ണം. വനിതാ വിഭാഗം ഫൈനലില്‍ ഓസ്‌ട്രേലിയയുടെ വെറോണിക വസിലേവയെ കീഴടക്കിയാണ് ഭവാനി ദേവി സ്വര്‍ണം നേടിയത്.

വമ്പന്‍ അട്ടിമറി നടത്തിയാണ് ഭവാനി ദേവി വിജയം നേടിയത്. ടൂര്‍ണമെന്റിലെ രണ്ടാം സീഡായ വെറോണിക്കയ്‌ക്കെതിരേ 42-ാം റാങ്കുകാരിയായ ഭവാനി തകര്‍പ്പന്‍ പ്രകടനമാണ് പുറത്തെടുത്തത്. സ്‌കോര്‍: 15-10. നിലവിലെ ചാമ്പ്യന്‍ കൂടിയാണ് ഭവാനി ദേവി.

ഒളിമ്പിക്‌സിന് യോഗ്യത നേടിയ ആദ്യ ഇന്ത്യന്‍ ഫെന്‍സര്‍ എന്ന ഖ്യാതി നേടിയ ഭവാനി ദേവി തമിഴ്‌നാട് ചെന്നൈ സ്വദേശിനിയാണ്. കിരീടം നേടിയതില്‍ അഭിമാനമുണ്ടെന്ന് ഭവാനി ദേവി പ്രതികരിച്ചു. ' കിരീടം നിലനിര്‍ത്താന്‍ സാധിച്ചതില്‍ അഭിമാനമുണ്ട്. ഫൈനല്‍ വളരെ കടുപ്പമേറിയതായിരുന്നു. ഇന്ത്യയ്ക്ക് വേണ്ടി സ്വര്‍ണം നേടാനായതില്‍ സന്തോഷണുണ്ട്. ഈ വര്‍ഷം മികച്ച പ്രകടനം വിവിധ ടൂര്‍ണമെന്റുകളിലായി പുറത്തെടുക്കാന്‍ സാധിച്ചു. വരാനിരിക്കുന്ന ടൂര്‍ണമെന്റുകളിലും നന്നായി പൊരുതാനാകുമെന്നാണ് പ്രതീക്ഷ' - ഭവാനി ദേവി പറഞ്ഞു.

1970 വരെ ഫെന്‍സിങ് കോമണ്‍വെല്‍ത്ത് ഗെയിംസിന്റെ ഭാഗമായിരുന്നു. പിന്നീട് ഈ ഇനം പ്രത്യേക ചാമ്പ്യന്‍ഷിപ്പായി തന്നെ നടത്താന്‍ തീരുമാനിക്കുകയായിരുന്നു. കോമണ്‍വെല്‍ത്ത് ഗെയിംസ് പോലെ ഈ ടൂര്‍ണമെന്റും നാല് വര്‍ഷത്തിലൊരിക്കലാണ് നടക്കാറ്.

Content Highlights: fencer bhavani devi, bhavani devi, fencing, sports news, commonwealth fencing 2022, sports


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


xi jinping

2 min

ചൈനയില്‍ അട്ടിമറിയോ? 9000-ലേറെ വിമാനങ്ങള്‍ റദ്ദാക്കിയെന്ന് അഭ്യൂഹം; ഹൈസ്പീഡ് ട്രെയിനുകള്‍ നിര്‍ത്തി?

Sep 25, 2022

Most Commented