സുരക്ഷയില്‍ വിട്ടുവീഴ്ച്ചയില്ല; റാണി രാംപാല്‍ ഖേല്‍രത്‌ന സ്വീകരിക്കാനെത്തിയത് പിപിഇ കിറ്റ് ധരിച്ച്


ബെംഗളൂരുവിലെ ദേശീയ ക്യാമ്പിലായിരുന്നു റാണി രാംപാല്‍. അവിടെ നിന്ന് ശനിയാഴ്ച്ച രാവിലെ പിപിഇ കിറ്റ് ധരിച്ച് സായ് സെന്ററിലെത്തുകയായിരുന്നു.

Photo Courtesy: SAI Media

ബെംഗളൂരു: ഇന്ത്യൻ വനിതാ ഹോക്കി ടീം ക്യാപ്റ്റൻ റാണി രാംപാൽ രാജീവ് ഗാന്ധി ഖേൽരത്ന പുരസ്കാരം സ്വീകരിക്കാനായി ബെംഗളൂരുവിലെ സ്പോർട്സ് അതോറിറ്റി ഓഫ് ഇന്ത്യ സെന്ററിലെത്തിയത് പിപിഇ കിറ്റ് ധരിച്ച്. കോവിഡ്-19 വ്യാപിക്കുന്ന സാഹചര്യത്തിൽ സുരക്ഷ കണക്കിലെടുത്താണ് റാണി സാരിക്ക് മുകളിൽ പിപിഇ കിറ്റ് ധരിച്ചെത്തിയത്. ബെംഗളൂരുവിലെ ദേശീയ ക്യാമ്പിലായിരുന്നു റാണി രാംപാൽ. അവിടെ നിന്ന് ശനിയാഴ്ച്ച രാവിലെ പിപിഇ കിറ്റ് ധരിച്ച് സായ് സെന്ററിലെത്തുകയായിരുന്നു. ഞായറാഴ്ച്ചയാണ് പുരസ്കാരവിതരണം നടക്കുക.

ഇന്ത്യയിലെ വ്യത്യസ്ത നഗരങ്ങളിലെ ഒമ്പത് സായ് സെന്ററുകളിലായാണ് ഇത്തവണ പുരസ്കാരദാനച്ചടങ്ങ് നടക്കുന്നത്. 74 പുരസ്കാര ജേതാക്കളിൽ 60 പേർ ഒമ്പത് സായ് സെന്ററുകളിലായി ഒത്തുകൂടും. രാഷ്ട്രപതി ഭവനിലെ ചടങ്ങിന് പകരം ഇവർക്ക് വെർച്വൽ ചടങ്ങിലൂടെയാണ്് രാഷ്ട്രപതി രാം നാഥ് കോവിന്ദ് പുരസ്കാരങ്ങൾ വിതരണം ചെയ്യുക. കോവിഡ് പോസിറ്റീവ് ഉൾപ്പെടെയുള്ള പല കാരണങ്ങൾ കൊണ്ടാണ് ശേഷിക്കുന്ന 14 താരങ്ങൾ ചടങ്ങിൽ നിന്ന് വിട്ടുനിൽക്കുന്നത്.

ഈ വർഷം ഖേൽരത്ന പുരസ്കാരം അഞ്ചു പേർക്കാണ് ലഭിച്ചത്. റാണി രാംപാലിനെക്കൂടാതെ ക്രിക്കറ്റ് താരം രോഹിത് ശർമ, ഗുസ്തി ലോകചാമ്പ്യൻഷിപ്പിൽ വെങ്കലം നേടിയ വിനേശ് ഫോഗാട്ട്, കോമൺവെൽത്ത് ഗെയിംസ് ടേബിൾ ടെന്നീസ് ചാമ്പ്യൻ മണിക ബത്ര, പാരാ അത്ലറ്റ് മാരിയപ്പൻ തങ്കവേലു എന്നിവർക്കാണ് ഖേൽരത്ന സമ്മാനിക്കുക.

ഇതിൽ റാണി രാംപാലും മാരിയപ്പൻ തങ്കവേലുവും ബെംഗളൂരുവിൽ നിന്നാണ് ചടങ്ങിൽ പങ്കെടുക്കുക. മണിക പത്ര പുണെയിൽ നിന്ന് ഇവരോടൊപ്പം ചേരും. നേരത്തെ കൊറോണ ടെസ്റ്റ് പോസിറ്റീവായ വിനേശ് ചടങ്ങിൽ പങ്കെടുക്കില്ല. ഐ.പി.എല്ലിനായി യു.എ.ഇയിലെത്തിയ രോഹിത് ശർമയും ചടങ്ങിനെത്തില്ല. വിനേശിനും രോഹിതിനും പുരസ്കാരം പിന്നീട് സമ്മാനിക്കും. ഖേൽരത്ന ജേതാക്കൾക്കൊപ്പം അർജുന ജേതാക്കൾക്കും ദ്രോണാചാര്യ ജേതാക്കൾക്കും പുരസ്കാരം സമ്മാനിക്കും.

Content Highlights: Womens hockey captain Rani Rampal attends National Sports Awards ceremony in PPE kit

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022

Most Commented