Photo: PTI
ന്യൂഡല്‍ഹി: അടുത്ത ആഴ്ച ആരംഭിക്കുന്ന യൂജീന്‍ ഡയമണ്ട് ലീഗില്‍ നിന്ന് പിന്മാറി ഇന്ത്യയുടെ മലയാളി ലോങ്ജംപ്‌ താരം എം. ശ്രീശങ്കര്‍. ഏഷ്യന്‍ ഗെയിംസില്‍ കൂടുതല്‍ ശ്രദ്ധ ചെലുത്തുന്നതിനുവേണ്ടിയാണ് താരം ഡയമണ്ട് ലീഗില്‍ നിന്ന് പിന്മാറിയത്. ഏഷ്യന്‍ ഗെയിംസിലെ ഇന്ത്യയുടെ സുവര്‍ണ പ്രതീക്ഷയാണ് ശ്രീശങ്കര്‍.
ചൈനയിലെ ഹാങ്ഷൂവില്‍ വെച്ചാണ് ഇത്തവണ ഏഷ്യന്‍ ഗെയിംസ് നടക്കുന്നത്. ശ്രീശങ്കര്‍ ഡയമണ്ട് ലീഗില്‍ നിന്ന് പിന്മാറിയ വിവരം ഏഷ്യന്‍ ഗെയിംസിന്റെ ഔദ്യോഗിക പേജിലൂടെ അധികൃതര്‍ അറിയിച്ചു. സൂറിച്ച് ഡയമണ്ട് ലീഗിലെ മികച്ച പ്രകടനത്തിന്റെ ബലത്തില്‍ ശ്രീശങ്കര്‍ ഡയമണ്ട് ലീഗ് ഫൈനല്‍സിലേക്ക് യോഗ്യത നേടിയിരുന്നു. യൂജീനില്‍ വെച്ചാണ് ഫൈനല്‍ നടക്കുന്നത്. സെപ്റ്റംബര്‍ 16, 17 തീയ്യതികളിലായാണ് മത്സരം നടക്കുന്നത്. സൂറിച്ച് ഡയമണ്ട് ലീഗില്‍ 7.99 മീറ്റര്‍ ചാടി ശ്രീശങ്കര്‍ അഞ്ചാം സ്ഥാനം നേടിയിരുന്നു.
ഏഷ്യന്‍ ഗെയിംസ് സെപ്റ്റംബര്‍ 23 മുതല്‍ ഒക്ടോബര്‍ എട്ടുവരെയാണ് നടക്കുന്നത്. അത്‌ലറ്റിക്‌സ് വിഭാഗത്തില്‍ നിന്ന് ഗെയിംസിന് യോഗ്യത നേടിയ 65 താരങ്ങളിലൊരാളാണ് ശ്രീശങ്കര്‍. ഇത്തവണ മികച്ച ടീമിനെയാണ് ഇന്ത്യ ഏഷ്യന്‍ ഗെയിംസിനായി അയയ്ക്കുന്നത്.
Content Highlights: With Focus On Asian Games, Murali Sreeshankar To Skip Diamond League Final
കൂടുതല്‍ കായിക വാര്‍ത്തകള്‍ക്കും ഫീച്ചറുകള്‍ക്കുമായി വാട്ട്‌സ്ആപ്പ് ഗ്രൂപ്പില്‍ ജോയിന്‍ ചെയ്യൂ... https://mbi.page.link/1pKR
Also Watch
RELATED STORIES
.jpg?$p=c686dae&f=1x1&w=100&q=0.8)
.jpg?$p=9815a1a&f=1x1&w=100&q=0.8)
.jpg?$p=c686dae&f=1x1&w=100&q=0.8)
IN CASE YOU MISSED IT
.jpg?$p=c8a05f8&q=0.8&f=16x11&w=104)
.jpg?$p=c686dae&q=0.8&f=16x11&w=104)
.jpg?$p=e4e93ab&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..