'കോലി കൂടുതല്‍ അച്ചടക്കവും ക്ഷമയും കാണിക്കണം'; ഉപദേശവുമായി വിവിഎസ് ലക്ഷ്മണ്‍


ആദ്യ ഇന്നിങ്‌സില്‍ രണ്ട് റണ്‍സിന് പുറത്തായ കോലി രണ്ടാം ഇന്നിങ്‌സില്‍ 43 പന്തില്‍ നിന്ന് 19 റണ്‍സ് മാത്രമാണ് നേടിയത്.

ബൗൾട്ടിന്റെ പന്തിൽ പുറത്തായപ്പോൾ കോലിയുടെ നിരാശ ഫോട്ടോ: എഎഫ്പി

വെല്ലിങ്ടണ്‍: ന്യൂസീലന്‍ഡിനെതിരായ ആദ്യ ടെസ്റ്റില്‍ പരാജയമായ ഇന്ത്യന്‍ ക്യാപ്റ്റന്‍ വിരാട് കോലിയെ ഉപദേശിച്ച് മുന്‍താരം വി.വി.എസ് ലക്ഷ്മണ്‍. കോലി കൂടതല്‍ അച്ചടക്കവും ക്ഷമയും കാണിക്കണമെന്ന് വി.വി.എസ് ലക്ഷ്മണ്‍ പറയുന്നു. ആദ്യ ഇന്നിങ്‌സില്‍ രണ്ട് റണ്‍സിന് പുറത്തായ കോലി രണ്ടാം ഇന്നിങ്‌സില്‍ 43 പന്തില്‍ നിന്ന് 19 റണ്‍സ് മാത്രമാണ് നേടിയത്. റണ്‍മെഷീന്‍ എന്ന് വിശേഷിക്കപ്പെടുന്ന കോലിക്ക് കഴിഞ്ഞ 20 ഇന്നിങ്‌സിലും സെഞ്ചുറി കണ്ടെത്താന്‍ കഴിഞ്ഞിട്ടില്ല.

ഇതിന് പിന്നാലെയാണ് ടെസ്റ്റ് സ്‌പെഷ്യലിസ്റ്റ് ബാറ്റ്‌സ്മാനായ ലക്ഷ്മണ്‍ പ്രതികരണവുമായെത്തിയത്. 'കോലി കൂടുതല്‍ ക്ഷമയും അച്ചടക്കവും കാണിക്കണം. ഇന്നിങ്‌സിന്റെ തുടക്കത്തില്‍ മികച്ച പന്തുകളെ ബഹുമാനിക്കണം. ഇന്നിങ്‌സിന്റെ തുടകത്തില്‍ കാണിക്കുന്ന ക്ഷമ പിന്നീട് കോലിക്ക് നഷ്ടപ്പെടുന്നു. സ്റ്റമ്പിന് നേര്‍ക്ക് പന്തെറിയുമ്പോള്‍ റണ്‍സ് കണ്ടെത്തുന്നു. എന്നാല്‍ ഷോര്‍ട്ട് പിച്ച് പന്തുകള്‍ കോലിയുടെ ക്ഷമ പരീക്ഷിക്കുന്നു. കിവീസ് ബൗളര്‍മാര്‍ കോലിക്ക് സ്‌കോര്‍ കണ്ടെത്താനുള്ള ഒരവസരവും നല്‍കിയില്ല.' ടെസ്റ്റില്‍ മൂന്നാം ദിവസത്തെ മത്സരം അവസാനിച്ചശേഷം ലക്ഷ്മണ്‍ വ്യക്തമാക്കി.



Read More: പൂജാരയുടെ കണക്കുകൂട്ടല്‍ തെറ്റി; ബെയ്ല്‍സ് ഇളക്കി ബൗള്‍ട്ടിന്റെ ഇന്‍ സ്വിങ്ങര്‍

രണ്ടാം ഇന്നിങ്‌സില്‍ പൂജാര പുറതത്തായശേഷം ക്രീസിലെത്തിയ കോലി കിവീസ് ബൗളര്‍മാരുടെ ഫുള്‍ ലെങ്ത് പന്തുകള്‍ നേരിട്ടപ്പോള്‍തന്നെ സമ്മര്‍ദ്ദത്തിലായിരുന്നു. പിന്നാലെ ട്രെന്റ് ബൗള്‍ട്ടിന്റെ ഷോര്‍ട്ട് പിച്ച് പന്തില്‍ പുറത്തായി. വിക്കറ്റ് കീപ്പര്‍ ബി.ജെ വാട്‌ലിങ്ങ് ക്യാച്ചെടുത്തു. ആദ്യ ഇന്നിങ്‌സില്‍ കെയ്ല്‍ ജാമിസണാണ് കോലിയുടെ വിക്കറ്റെടുത്തത്.

Content Highlights: VVS Laxman reacts on Virat Kohli Batting India vs New Zealand


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:44

രാത്രിയാണറിഞ്ഞത് സിന്തറ്റിക് ട്രാക്കാണെന്ന്, സ്പീഡ് കുറയുമെന്ന് പേടിച്ചാണ് ഷൂസിടാതെ ഓടിയത്

Nov 28, 2022


37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented