'ഞാന്‍ നന്നായി ബാറ്റു ചെയ്യുന്നുണ്ട്‌, ചില സമയത്ത് അത് സ്‌കോര്‍ ബോര്‍ഡില്‍ കാണുന്നില്ല'


മത്സരശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു ഇന്ത്യന്‍ ക്യാപ്റ്റന്‍.

മത്സരശേഷം കോലി മാധ്യമങ്ങളെ കാണുന്നു ഫോട്ടോ: ട്വിറ്റർ

വെല്ലിങ്ടണ്‍: ന്യൂസീലന്‍ഡിനെതിരായ ഒന്നാം ടെസ്റ്റില്‍ പത്ത് വിക്കറ്റ് തോല്‍വി ഏറ്റുവാങ്ങിയതിന് പിന്നാലെ പ്രതികരണവുമായി ക്യാപ്റ്റന്‍ വിരാട് കോലി. ഒന്നര ദിവസം ശേഷിക്കെ നാണംകെട്ട തോല്‍വി ഏറ്റുവാങ്ങിയ ഇന്ത്യന്‍ ക്യാപ്റ്റനെതിരേ വിമര്‍ശനങ്ങളുയര്‍ന്നിരുന്നു. കഴിഞ്ഞ കുറച്ചു ഇന്നിങ്‌സുകളില്‍ കോലിയുടെ പ്രകടനം മോശമാണ്. എന്നാല്‍ ഈ പ്രകടനത്തെ ന്യായീകരിക്കുന്നതായിരുന്നു കോലിയുടെ പ്രതികരണം. മികച്ച രീതിയില്‍ ബാറ്റു ചെയ്യുന്നുണ്ടെങ്കിലും അതിന്റെ ഫലം സ്‌കോര്‍ബോര്‍ഡില്‍
കാണുന്നില്ലെന്ന് കോലി പറയുന്നു. മത്സരശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു ഇന്ത്യന്‍ ക്യാപ്റ്റന്‍.

'എനിക്ക് ഒന്നും സംഭവിച്ചിട്ടില്ല. ഞാന്‍ മികച്ച രീതിയില്‍ തന്നെയാണ് ബാറ്റു ചെയ്യുന്നത്. ഫോംഔട്ട് അല്ല. ചില സമയത്ത് എങ്ങനെ ബാറ്റു ചെയ്യുന്നു എന്നത് സ്‌കോറില്‍ പ്രകടമാകാറില്ല. മനസ്സിലുള്ളത് അതുപോലെ നടപ്പിലാക്കാന്‍ കഴിയാതെ വരുമ്പോള്‍ ഇതെല്ലാം സ്വാഭാവികമാണ്. ദീര്‍ഘകാലം കൂടുതല്‍ മത്സരങ്ങള്‍ കളിക്കുമ്പോള്‍ മൂന്നു നാലു ഇന്നിങ്‌സുകള്‍ നന്നായിരിക്കില്ല. പുറത്തുനടക്കുന്ന ചര്‍ച്ചകളെ ഗൗനിക്കുന്നില്ല. കഠിനപരിശീലനം നടത്തി തിരിച്ചുവരാനാണ് ശ്രമിക്കുന്നത്. ടീം വിജയിക്കുന്നുണ്ടെങ്കില്‍ ഒരാള്‍ നേടുന്ന 40 റണ്‍സ് പോലും മികച്ചതായിരിക്കും. സെഞ്ചുറികള്‍ക്ക് അവിടെ പ്രാധാന്യമില്ല.' കോലി വ്യക്തമാക്കുന്നു.



വെല്ലിങ്ടണ്‍ ടെസ്റ്റിന്റെ ആദ്യ ഇന്നിങ്‌സില്‍ രണ്ടു റണ്‍സിന് പുറത്തായ കോലി രണ്ടാം ഇന്നിങ്‌സില്‍ നേടിയത് 19 റണ്‍സ് മാത്രമാണ്. കഴിഞ്ഞ 20 ഇന്നിങ്‌സുകളില്‍ ഇന്ത്യന്‍ ക്യാപ്റ്റന് ഒരു സെഞ്ചുറി പോലും കണ്ടെത്താനായിട്ടില്ല. ന്യൂസീലന്‍ഡില്‍ ട്വന്റി-20, ഏകദിന, ടെസ്റ്റ് ഫോര്‍മാറ്റുകളിലായി ഇതുവരെ കളിച്ച ഒമ്പത് ഇന്നിങ്‌സില്‍ ഒരൊറ്റ അര്‍ധ സെഞ്ചുറി മാത്രമാണ് കോലി നേടിയത്.

Content Highlights: Virat Kohli comment after India vs New Zealand first test


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented