'ഞാനും ബ്രാഹ്മണനാണ്, തമിഴ്‌നാടിന്റെ സംസ്‌കാരം ഇഷ്ടപ്പെടുന്നു'; വിവാദത്തില്‍ കുരുങ്ങി റെയ്‌ന


തമിഴ്‌നാട് പ്രീമിയര്‍ ലീഗില്‍ ലൈക്ക കോവയ് കിങ്‌സും സേലം സ്പാര്‍ടാന്‍സും തമ്മിലുള്ള ഉദ്ഘാടന മത്സരത്തില്‍ അതിഥിയായി എത്തിയതായിരുന്നു റെയ്‌ന

സുരേഷ് റെയ്‌ന | Photo: twitter| Suresh Raina

ചെന്നൈ: തമിഴ്‌നാട് പ്രീമിയര്‍ ലീഗ് ക്രിക്കറ്റ് മത്സരത്തിനിടെ മുന്‍ ഇന്ത്യന്‍ താരം സുരേഷ് റെയ്‌ന നടത്തിയ പരാമര്‍ശം വിവാദമാകുന്നു. പ്രീമിയര്‍ ലീഗില്‍ ലൈക്ക കോവയ് കിങ്‌സും സേലം സ്പാര്‍ടാന്‍സും തമ്മിലുള്ള ഉദ്ഘാടന മത്സരത്തില്‍ അതിഥിയായി എത്തിയതായിരുന്നു റെയ്‌ന. ഇതിനിടയില്‍ കമന്റേറ്ററുടെ ചോദ്യത്തിന് മറുപടി നല്‍കുമ്പോള്‍ താന്‍ ബ്രാഹ്മണനാണെന്ന് പറയുകയായിരുന്നു റെയ്ന.

ദക്ഷിണേന്ത്യന്‍ സംസ്‌കാരത്തെ എങ്ങനെ സ്വീകരിക്കുന്നുവെന്ന് കമന്റേറ്റര്‍ റെയ്‌നയോട് ചോദിക്കുകയായിരുന്നു. താന്‍ ബ്രാഹ്മണനാണെന്നും ചെന്നൈയുടെ സംസ്‌കാരം ഇഷ്ടപ്പെടുന്നുവെന്നും റെയ്‌ന മറുപടി നല്‍കി.

'ഞാനും ബ്രാഹ്മണനാണ്, 2004 മുതല്‍ ചെന്നൈക്കായി കളിക്കുന്നു. ഞാന്‍ ഇവിടുത്തെ സംസ്‌കാരം ഇഷ്ടപ്പെടുന്നു. സഹതാരങ്ങളെയെല്ലാം എനിക്കിഷ്ടമാണ്. അനിരുദ്ധ് ശ്രീകാന്ത്, സുബ്രമണ്യന്‍ ബദ്രിനാഥ്, ലക്ഷ്മിപതി ബാലാജി എന്നിവരുടേ കൂടെ ഞാന്‍ കളിച്ചിട്ടുണ്ട്. ഇവിടെ നിന്ന് ഒരുപാട് നല്ല കാര്യങ്ങള്‍ പഠിക്കാനായി. ചെന്നൈ ടീമിന്റെ ഭാഗമാകാന്‍ കഴിഞ്ഞത് ഭാഗ്യമായി കാണുന്നു. കൂടുതല്‍ മത്സരങ്ങള്‍ ഇനിയും കളിക്കാനാകുമെന്നാണ് പ്രതീക്ഷ.' റെയ്‌ന വ്യക്തമാക്കുന്നു.

വര്‍ഷങ്ങളായി ചെന്നൈ സൂപ്പര്‍ കിങ്‌സിന്റെ ഭാഗമാണ് റെയ്‌ന. തമിഴ്‌നാട് സ്‌റ്റൈലില്‍ വസ്ത്രം ധരിച്ച് പൊതു പരിപാടികളില്‍ എത്തിയിട്ടുണ്ട്. മുപ്പത്തിനാലുകാരനായ റെയ്‌ന 2020-ലാണ് അന്താരാഷ്ട്ര ക്രിക്കറ്റില്‍ നിന്ന് വിരമിച്ചത്.

Content Highlights: Suresh Raina called out on Twitter for his ‘I am also a Brahmin’ comment

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
IN DEPTH

11:43

ഷെയര്‍ മാര്‍ക്കറ്റിലെ വിജയമന്ത്രം; ഓഹരി രാജാവ് വിടപറയുമ്പോള്‍ | Rakesh Jhunjunwala

Aug 14, 2022


Yuan Wang-5

1 min

ഇന്ത്യയുടെ ആശങ്കകള്‍ തള്ളി ശ്രീലങ്ക; ചൈനീസ് ചാരക്കപ്പലിന് നങ്കൂരമിടാന്‍ അനുമതി നല്‍കി

Aug 13, 2022


bjp

1 min

നെഹ്‌റുവിനെ ലക്ഷ്യമിട്ട് വിഭജനത്തേക്കുറിച്ചുള്ള വീഡിയോയുമായി ബിജെപി; തിരിച്ചടിച്ച് കോണ്‍ഗ്രസ്

Aug 14, 2022

Most Commented