ഇന്ത്യന്‍ ടീമില്‍ കാര്യമായ മാറ്റങ്ങള്‍ കൊണ്ടുവരണമെന്ന് സുനില്‍ ഗവാസ്‌കര്‍


ഓസ്‌ട്രേലിയയ്‌ക്കെതിരായ ആദ്യ ടെസ്റ്റില്‍ ഇന്ത്യ നാണംകെട്ട തോല്‍വി വഴങ്ങിയിരുന്നു. അടുത്ത ടെസ്റ്റ് മത്സരം ഡിസംബര്‍ 26 നാണ് ആരംഭിക്കുന്നത്

Photo: AFP

ന്യൂഡല്‍ഹി: ഓസ്‌ട്രേലിയയ്‌ക്കെതിരേ അവശേഷിക്കുന്ന ടെസ്റ്റ് മത്സരങ്ങള്‍ക്കുള്ള ഇന്ത്യന്‍ ടീമില്‍ കാര്യമായ മാറ്റങ്ങള്‍ കൊണ്ടുവരണമെന്ന് മുന്‍ക്രിക്കറ്റ് താരവും ക്രിക്കറ്റ് നിരീക്ഷകനുമായ സുനില്‍ ഗവാസ്‌കര്‍.

മെല്‍ബണ്‍ ടെസ്റ്റിന് മുന്‍പായി ഇന്ത്യന്‍ ടീമില്‍ മാറ്റങ്ങള്‍ അനിവാര്യമാണെന്നും ഓസിസിന്റെ പോരായ്മകള്‍ കണ്ടെത്തി അതില്‍ അവരെ തളയ്ക്കണമെന്നും ഗവാസ്‌കര്‍ അഭിപ്രായപ്പെട്ടു. മത്സരത്തില്‍ പൃഥ്വി ഷായ്ക്ക് പകരം കെ.എല്‍.രാഹുലിനെയും വിരാട് കോലിയ്ക്ക് പകരം ശുഭ്മാന്‍ ഗില്ലിനെയും കൊണ്ടുവരണമെന്ന് സുനില്‍ ഗവാസ്‌കര്‍ പറഞ്ഞു.

''ഇന്ത്യന്‍ ടീം നിലവിലെ സാഹചര്യത്തില്‍ രണ്ടുമാറ്റങ്ങളാണ് പ്രധാനമായും വരുത്തേണ്ടത്. പൃഥ്വി ഷായ്ക്ക് പകരം രാഹുല്‍ ഓപ്പണറായി വരണം. അതോടൊപ്പം അഞ്ചാമനോ ആറാമനോ ആയി ശുഭ്മാന്‍ ഗില്ലിനെയും ഇറക്കണം. ഇരുവരും മികച്ച ഫോമിലാണ്. ഇതുവഴി ബാറ്റിങ് പോരായ്മകള്‍ പരിഹരിക്കാനാകും.''-ഗവാസ്‌കര്‍ വ്യക്തമാക്കി.

''ആദ്യമത്സരത്തില്‍ ഇന്ത്യ തോല്‍ക്കാനുള്ള പ്രധാന കാരണം ബാറ്റിങ്ങലുണ്ടായ അപാകതയും ഫീല്‍ഡിങ് പ്രശ്‌നങ്ങളുമാണ്. മികച്ച ഫീല്‍ഡിങ് കാഴ്ചവെയ്ക്കാന്‍ ഇന്ത്യന്‍ താരങ്ങള്‍ക്ക് കഴിഞ്ഞില്ല. ടിം പെയ്‌നും ലബൂഷെയ്‌നും നേരത്തേ മടങ്ങേണ്ടവരാണ്. അവരെ പുറത്താക്കാനുള്ള അവസരം ലഭിച്ചിട്ടും പാഴാക്കിയതാണ് ഇന്ത്യയ്ക്ക് തിരിച്ചടിയായത്. അവര്‍ നേരത്തേ പുറത്തായിരുന്നെങ്കില്‍ ചുരുങ്ങിയത് 120 റണ്‍സിന്റെ ലീഡെങ്കിലും നമുക്ക് ലഭിച്ചേനേ.''-ഗവാസ്‌കര്‍ കൂട്ടിച്ചേര്‍ത്തു.

ഓസ്‌ട്രേലിയയ്‌ക്കെതിരായ ആദ്യ ടെസ്റ്റില്‍ ഇന്ത്യ നാണംകെട്ട തോല്‍വി വഴങ്ങിയിരുന്നു. അടുത്ത ടെസ്റ്റ് മത്സരം ഡിസംബര്‍ 26 നാണ് ആരംഭിക്കുന്നത്.

Content Highlights: Sunil Gavaskar suggests major changes in playing XI at MCG


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


Virat Kohli shares picture of Rafael Nadal Crying Alongside Roger Federer

1 min

'ഏറ്റവും സുന്ദരമായ കായിക ചിത്രം'; കണ്ണീരണിയുന്ന ഫെഡററുടെയും റാഫയുടെയും ചിത്രം പങ്കുവെച്ച് കോലി

Sep 24, 2022


v muraleedharan

1 min

കേരളം കത്തുമ്പോള്‍ പിണറായി ചെണ്ടകൊട്ടി രസിച്ചു, ഒരുമഹാന്‍ കണ്ടെയ്‌നറില്‍ കിടന്നുറങ്ങി- വി മുരളീധരന്‍

Sep 24, 2022

Most Commented