കോവിഡ് കാലത്ത് കോര്‍ട്ട് മാറിയൊരു കളി; അക്കാദമിക് മികവിന് കളി തടസമല്ലെന്ന് തെളിയിച്ച് ശ്രുതി


ലോക്ക്ഡൗണില്‍ എല്ലാം നിശ്ചലമായ സമയത്ത് കാലിക്കറ്റ് യൂണിവേഴ്സിറ്റി കോച്ചായ ജെ. കീര്‍ത്തന്റെ പ്രേരണയിലാണ് അവസാനദിവസം നെറ്റ് പരീക്ഷക്ക് അപേക്ഷിച്ചത്. പരിശീലനവും കളിയുമെല്ലാം മുടങ്ങിയതോടെ കൂടുതല്‍ സമയം പഠനത്തിനായി മാറ്റിവെച്ചത് ഗുണം ചെയ്തതായി ശ്രുതി പറയുന്നു

അന്താരാഷ്ട്ര ബാഡ്മിന്റൺതാരം കെ.പി. ശ്രുതി കാലിക്കറ്റ് സർവകലാശാലാ കോച്ച് ജെ. കീർത്തനൊപ്പം | Photo: Special Arrangement

തേഞ്ഞിപ്പലം: നെറ്റിന് മുകളിലൂടെ മാത്രം മികച്ച ഷോട്ടുകളെടുത്തിരുന്ന അന്താരാഷ്ട്ര ബാഡ്മിന്റണ്‍ താരമായ കെ.പി. ശ്രുതി കോവിഡ് ലോക്ക്ഡൗണ്‍ കാലത്ത് നെറ്റിനകത്തേക്ക് ഒരു ഷോട്ടെടുക്കാനുള്ള പ്രയത്നത്തിലായിരുന്നു. ആ ഷോട്ട് മിസ്സായില്ല. യു.ജി.സിയുടെ നാഷണല്‍ എലിജിബിലിറ്റി ടെസ്റ്റ് (നെറ്റ്) ഫലം വന്നപ്പോള്‍ മികച്ച മാര്‍ക്കോടെ ശ്രുതിയും പട്ടികയില്‍ ഇടം നേടി. നിസ്സാര മാര്‍ക്ക് കൂടി ഉണ്ടായിരുന്നെങ്കില്‍ ജെ.ആര്‍.എഫ്. കൂടി ലഭിക്കുമായിരുന്നു. ഇനി കളിക്കളമോ അധ്യാപനമോ ഇഷ്ടമുള്ള കോര്‍ട്ട് തിരഞ്ഞെടുക്കാം ശ്രുതിക്ക്.

ബിരുദപഠനം എം.ജി. സര്‍വകലാശാലയിലായിരുന്ന ശ്രുതി 2017-ലാണ് കോഴിക്കോട് ഗുരുവായൂരപ്പന്‍ കോളേജില്‍ എം.കോം. പ്രവേശനം നേടിയത്. ക്ലാസുള്ളപ്പോഴെല്ലാം കളിയും പരിശീലനവുമായി ഓടിനടക്കുകയായിരുന്നു കാലിക്കറ്റിന്റെ ദേശീയ ടീമംഗവും അന്താരാഷ്ട്ര ബാഡ്മിന്റണ്‍ താരവുമായ ശ്രുതി.

കളി കാരണം നഷ്ടമായ രണ്ടാം സെമസ്റ്ററിലെ ചില പേപ്പറുകള്‍ക്ക് പ്രത്യേക പരീക്ഷ കാത്തിരിപ്പാണ്. ബാഡ്മിന്റണ്‍ അക്കാദമി പരിശീലനവും, ഇന്ത്യന്‍ ക്യാമ്പും, ദേശീയ മത്സരങ്ങളും, അന്താരാഷ്ട്ര മത്സരങ്ങളുമൊക്കെയായി നിറഞ്ഞ് നില്‍ക്കുമ്പോള്‍ ക്ലാസ്സിലെ ഹാജര്‍ നിലയും കുറവായിരുന്നു.
സഹപാഠികളുടെയും അധ്യാപകരുടെയും സഹകരണത്തോടെയായിരുന്നു പഠനം. ലോക്ക്ഡൗണില്‍ എല്ലാം നിശ്ചലമായ സമയത്ത് കാലിക്കറ്റ് യൂണിവേഴ്സിറ്റി കോച്ചായ ജെ. കീര്‍ത്തന്റെ പ്രേരണയിലാണ് അവസാനദിവസം നെറ്റ് പരീക്ഷക്ക് അപേക്ഷിച്ചത്. പരിശീലനവും കളിയുമെല്ലാം മുടങ്ങിയതോടെ കൂടുതല്‍ സമയം പഠനത്തിനായി മാറ്റിവെച്ചത് ഗുണം ചെയ്തതായി ശ്രുതി പറയുന്നു. കളിക്കളത്തില്‍ നിറഞ്ഞുനില്‍ക്കെ തന്നെ നേടിയ അക്കാദമിക് മികവിന് ഇരട്ടിമധുരമുണ്ട്.

ഇന്ത്യയിലെ ഒന്നാം റാങ്ക് ഡബിള്‍സ് താരമായിരുന്ന ശ്രുതി 2018, 2019 വര്‍ഷങ്ങളില്‍ രണ്ട് തവണ ഏഷ്യന്‍ ചാമ്പ്യന്‍ഷിപ്പിലും 2013, 2014 വര്‍ഷങ്ങളില്‍ രണ്ട് തവണ ജൂനിയര്‍ വേള്‍ഡ് ചാമ്പ്യന്‍ഷിപ്പിലും ഇന്ത്യയെ പ്രതിനിധീകരിച്ചിട്ടുണ്ട്. 2013-2019 കാലയളവില്‍ നിരവധി ദേശീയ-അന്തര്‍ദേശീയ ജൂനിയര്‍-സീനിയര്‍ മത്സരങ്ങളിലും അനേകം മെഡലുകള്‍ കരസ്ഥമാക്കി. നാഷണല്‍ ഗെയിംസിലും മെഡല്‍ കരസ്ഥമാക്കിയ താരം സര്‍ക്കാര്‍ പ്രഖ്യാപിച്ച ജോലി പ്രതീക്ഷയിലാണ്.

ശ്രുതിയുടെ വരവോടെയാണ് കാലിക്കറ്റ് യൂണിവേഴ്സിറ്റി ബാഡ്മിന്റണ്‍ ടീം ദേശീയനിലവാരത്തില്‍ മുന്‍നിരയിലെത്തിയതും 10 വര്‍ഷത്തിന് ശേഷം പ്രതാപ കാലത്തേക്ക് തിരിച്ചെത്തിയതെന്നും കാലിക്കറ്റിലെ പരിശീലകനായ ജെ. കീര്‍ത്തന്‍ സാക്ഷ്യപ്പെടുത്തുന്നു. കോഴിക്കോട് നടക്കാവ് സ്വശേദിയായി ശ്രുതി എജ്യുക്കേഷന്‍ വകുപ്പില്‍ നിന്നു വിരമിച്ച അനില്‍കുമാറിന്റെയും ചാലിയം ഇമ്പിച്ചി ഹാജി ഹയര്‍സെക്കന്‍ഡറി സ്‌കൂള്‍ അധ്യാപിക ബിന്ദുവിന്റെയും മകളാണ്.

Content Highlights: Sruthi proves that game is not a barrier to academic excellence

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
നരേന്ദ്രമോദി, നിതീഷ് കുമാര്‍

2 min

ചിലത് കാണാനിരിക്കുന്നതേയുള്ളൂവെന്ന് നിതീഷ് കുമാര്‍; മോദിയെ തളര്‍ത്തുമോ 2024?

Aug 12, 2022


priya varghees

1 min

റിസര്‍ച്ച് സ്‌കോര്‍ ഏറ്റവും കുറവ്; പ്രിയ വര്‍ഗീസിന്റെ വിവാദ നിയമനത്തില്‍ നിര്‍ണായക രേഖ പുറത്ത്

Aug 13, 2022


One of the Rajasthan Royals owners slapped me 3-4 times after I got a duck Ross Taylor reveals

1 min

ഡക്കായതിന് മൂന്ന് നാല് തവണ മുഖത്തടിച്ചു; ഐപിഎല്‍ ടീം ഉടമയ്‌ക്കെതിരായ വെളിപ്പെടുത്തലുമായി ടെയ്‌ലര്‍

Aug 13, 2022

Most Commented