'ധോനിയെ ഉപദേശകനാക്കിയത് എന്തിന്?'; ഗാംഗുലി പറയുന്നു


കഴിഞ്ഞ ഓഗസ്റ്റില്‍ അന്താരാഷ്ട്ര ക്രിക്കറ്റില്‍നിന്ന് വിരമിക്കല്‍ പ്രഖ്യാപിച്ച ശേഷം ധോനി ഇന്ത്യന്‍ ടീമിനൊപ്പം ആദ്യമായി ചേരുകയാണ്.

സൗരവ് ഗാംഗുലി | Photo: AFP

മുംബൈ: ട്വന്റി-20 ലോകകപ്പിനുള്ള പതിനഞ്ചംഗ ഇന്ത്യന്‍ ടീമിനെ പ്രഖ്യാപിച്ചപ്പോള്‍ ആര്‍. അശ്വിന്റെ തിരിച്ചുവരവും ശിഖര്‍ ധവാന്റേയും യുസ്‌വേന്ദ്ര ചാഹലിന്റേയും പുറത്താകലുമാണ് ഏറ്റവും കൂടുതല്‍ ചര്‍ച്ചയായത്. എന്നാല്‍ എം.എസ്. ധോനിയുടെ തിരിച്ചുവരവ് ആ ചര്‍ച്ചയ്‌ക്കിടയില്‍ മുങ്ങിപ്പോയി. ഒക്ടോബര്‍ 18-ന് തുടങ്ങുന്ന ലോകകപ്പില്‍ ടീം ഉപദേശകനായി ധോനി യു.എ.ഇയിലേക്ക് വിമാനം കയറും. ഒമാനിലും യു.എ.ഇയിലുമായാണ് ലോകകപ്പ് നടക്കുന്നത്.

കഴിഞ്ഞ ഓഗസ്റ്റില്‍ അന്താരാഷ്ട്ര ക്രിക്കറ്റില്‍നിന്ന് വിരമിക്കല്‍ പ്രഖ്യാപിച്ച ശേഷം ധോനി ഇന്ത്യന്‍ ടീമിനൊപ്പം ആദ്യമായി ചേരുകയാണ്. 2019 ലോകകപ്പില്‍ ന്യൂസീലന്റിനെതിരായ സെമി ഫൈനലാണ് ധോനിയുടെ അവസാന അന്താരാഷ്ട്ര മത്സരം.

അതേസമയം ധോനി വീണ്ടും ഇന്ത്യന്‍ ടീമിനൊപ്പം എത്തിയതിന്റെ കാരണം വ്യക്തമാക്കുകയാണ് ബി.സി.സി.ഐ. പ്രസിഡന്റ് സൗരവ് ഗാംഗുലി. 'ധോനിയുടെ സാന്നിധ്യം ലോകകപ്പില്‍ ഇന്ത്യന്‍ ടീമിന് സഹായമാകും. ട്വന്റി-20 ഫോര്‍മാറ്റില്‍ ധോനിക്ക് മികച്ച പരിചയസമ്പത്തുണ്ട്. ഇന്ത്യന്‍ ടീമിനും ചെന്നൈ സൂപ്പര്‍ കിങ്‌സിനുമായി ധോനി മികച്ച പ്രകടനമാണ് പുറത്തെടുത്തത്. ഒരുപാട് കൂടിയാലോചനകള്‍ക്ക് ശേഷമാണ് അദ്ദേഹത്തെ ടീമിന്റെ ഭാഗമാക്കിയത്. 2013-ന് ശേഷം നമ്മള്‍ ഐ.സി.സി. കിരീടങ്ങള്‍ ഒന്നും നേടിയിട്ടില്ല.' ഗാംഗുലി വ്യക്തമാക്കുന്നു.

ആഷസ് പരമ്പരയില്‍ ഓസ്‌ട്രേലിയന്‍ ടീം സ്റ്റീവ് വോയെ ഉപദേശകനായി നിയമിച്ച കാര്യവും ഗാംഗുലി ഓര്‍മിപ്പിച്ചു. 2013-ല്‍ ധോനിക്ക് കീഴിലാണ് ഇന്ത്യ അവസാനമായി ഐ.സി.സി. കിരീടം നേടിയത്.

Content Highlights: Sourav Ganguly reveals why BCCI appointed MS Dhoni as team mentor for T20 World Cup

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
IN DEPTH

11:43

ഷെയര്‍ മാര്‍ക്കറ്റിലെ വിജയമന്ത്രം; ഓഹരി രാജാവ് വിടപറയുമ്പോള്‍ | Rakesh Jhunjunwala

Aug 14, 2022


Yuan Wang-5

1 min

ഇന്ത്യയുടെ ആശങ്കകള്‍ തള്ളി ശ്രീലങ്ക; ചൈനീസ് ചാരക്കപ്പലിന് നങ്കൂരമിടാന്‍ അനുമതി നല്‍കി

Aug 13, 2022


bjp

1 min

നെഹ്‌റുവിനെ ലക്ഷ്യമിട്ട് വിഭജനത്തേക്കുറിച്ചുള്ള വീഡിയോയുമായി ബിജെപി; തിരിച്ചടിച്ച് കോണ്‍ഗ്രസ്

Aug 14, 2022

Most Commented