യാത്രാ നിയന്ത്രണങ്ങള്‍ കടുപ്പിച്ചു;സാനിയയേയും കുഞ്ഞിനേയും കാണാന്‍ മാലിക്ക് ഇനിയും കാത്തിരിക്കണം


ഇംഗ്ലണ്ട് പര്യടനത്തിനുള്ള പാകിസ്താന്‍ ടീമില്‍ അംഗമായിരുന്ന മാലിക്കിന് ഭാര്യയേയും കുഞ്ഞിനേയും കാണാനുള്ള അവസരമൊരുക്കുന്നതിന് ടീമിനൊപ്പം ഇംഗ്ലണ്ടിലേക്ക് പോകുന്നതില്‍ പാക് ക്രിക്കറ്റ് ബോര്‍ഡ് ഇളവ് നല്‍കിയിരുന്നു

-

ഇസ്ലാമാബാദ്: കോവിഡ് വ്യാപനത്തെ തുടർന്ന് ഇന്ത്യയിലേക്കുള്ള യാത്രാ നിയന്ത്രണങ്ങൾ കർശനമായതോടെ സാനിയ മിർസയേയും കുഞ്ഞിനേയും കാണാൻ പാക് ക്രിക്കറ്റ് താരം ഷുഐബ് മാലിക്ക് ഇനിയും കാത്തിരിക്കണം. സാനിയയേയും കുഞ്ഞിനേയും കാണാൻ പാക് ക്രിക്കറ്റ് ബോർഡ് മാലിക്കിന് നൽകിയ ഇളവ് നീട്ടിനൽകി. ഓഗസ്റ്റ് പകുതിയോടെ ഇംഗ്ലണ്ടിലുള്ള ടീമിനൊപ്പം ചേർന്നാൽ മതിയെന്നാണ് പുതിയ നിർദ്ദേശം. അതിനുള്ളിൽ ഇന്ത്യയിലെത്തി ഭാര്യയേയും കുഞ്ഞിനേയും കാണാൻ മാലിക്കിന് അവസരം കിട്ടുമെന്നാണ് പ്രതീക്ഷ.

ഇംഗ്ലണ്ട് പര്യടനത്തിനുള്ള പാകിസ്താൻ ടീമിൽ അംഗമായിരുന്ന മാലിക്കിന് ഭാര്യയേയും കുഞ്ഞിനേയും കാണാനുള്ള അവസരമൊരുക്കുന്നതിന് ടീമിനൊപ്പം ഇംഗ്ലണ്ടിലേക്ക് പോകുന്നതിൽ പാക് ക്രിക്കറ്റ് ബോർഡ് ഇളവ് നൽകിയിരുന്നു. പാക് ടീം പരമ്പരയ്ക്കായി കഴിഞ്ഞമാസം ഇംഗ്ലണ്ടിലേക്ക് പോകുകയും ചെയ്തു. മാലിക്ക് ഹൈദരാബാദിലുള്ള സാനിയയേയും കുഞ്ഞിനേയും കണ്ടശേഷം ജൂലൈ 24-ന് ഇംഗ്ലണ്ടിലുള്ള ടീമിനൊപ്പം ചേർന്നാൽ മതിയെന്നായിരുന്നു ക്രിക്കറ്റ് ബോർഡിന്റെ നിർദ്ദേശം. എന്നാൽ കോവിഡ് കേസുകൾ വർധിച്ചതോടെ ഇന്ത്യയിലേക്കുള്ള യാത്രാ നിയന്ത്രണങ്ങൾ കടുപ്പിച്ചത് മാലിക്കിന് വിനയായി. പാക് താരത്തിന് നേരത്ത നിശ്ചയിച്ച സമയത്ത് ഹൈദരാബാദിൽ എത്താൻ കഴിഞ്ഞില്ല. ഇതോടെ പിസിബി മാലിക്കിന് ഇളവ് നീട്ടിനൽകുകയായിരുന്നു.

ഓഗസ്റ്റിലും സെപ്റ്റംബറിലുമായി ഇംഗ്ലണ്ടിൽ നടക്കുന്ന പരമ്പരയിൽ മൂന്നുവീതം ടെസ്റ്റുകളും ട്വന്റി-20 മത്സരങ്ങളുമാണുള്ളത്. ടെസ്റ്റിൽ നിന്ന് നേരത്തെ വിരമിച്ച മാലിക്ക് ട്വന്റി-20 പരമ്പരയ്ക്കുള്ള ടീമിലാണുള്ളത്. ഓഗസ്റ്റ് 28-ന് മാഞ്ചസ്റ്ററിലാണ് ട്വന്റി-20 പരമ്പര തുടങ്ങുക. നിലവിൽ ഇംഗ്ലണ്ടും വെസ്റ്റിൻഡീസും തമ്മിലുള്ള പരമ്പര നടക്കുകയാണ്. അതുകഴിഞ്ഞ ശേഷമാണ് ഇംഗ്ലണ്ട് പാകിസ്താനെ നേരിടുക. ഇംഗ്ലണ്ടിലെത്തിയ പാക് ടീം നിലവിൽ ക്വാറന്റീൻ കഴിഞ്ഞ് പരിശീലനത്തിനുള്ള ഒരുക്കത്തിലാണ്.

Content Highlights: Shoaib Maliks Travel Plans to England and India, Further Delayed by Flight Ban

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rape survivor vijay babu

1 min

9-ാം ക്ലാസുകാരനെതിരായ പീഡനക്കേസില്‍ ട്വിസ്റ്റ്; പെണ്‍കുട്ടിയുടെ പിതാവ് മകളെ പീഡിപ്പിച്ചകേസില്‍ പ്രതി

Aug 12, 2022


thomas isaac

2 min

'ആ അഞ്ചുവര്‍ഷം നഷ്ടപ്പെട്ടില്ലായിരുന്നെങ്കില്‍ വേറൊരു കേരളമായേനെ, ഇ.ഡിയുടെ നീക്കം പാര്‍ട്ടി നേരിടും'

Aug 11, 2022


14:00

'ഞാൻ ചെല്ലുമ്പോഴേക്കും അ‌ച്ഛന്റെ ദേഹത്തെ ചൂടുപോലും പോയിരുന്നു' | Suresh Gopi | Gokul | Talkies

Jul 26, 2022

Most Commented