കാളി പൂജയില്‍ പങ്കെടുത്ത ഷാക്കിബിനെ വെട്ടിനുറുക്കുമെന്ന് ഭീഷണി; ഒടുവില്‍ മാപ്പപേക്ഷയുമായി താരം


തന്റെ പ്രവൃത്തി മുസ്ലീം സമുദായത്തില്‍പ്പെട്ട ആരുടെയെങ്കിലും വികാരത്തെ വ്രണപ്പെടുത്തിയിട്ടുണ്ടെങ്കില്‍ അവരോട് മാപ്പു ചോദിക്കുന്നതായി ഷാക്കിബ് പറഞ്ഞു

-

ധാക്ക: കൊല്‍ക്കത്തയില്‍ നടന്ന കാളി പൂജയില്‍ പങ്കെടുത്തിന് ബംഗ്ലാദേശ് ഓള്‍റൗണ്ടര്‍ ഷാക്കിബ് അല്‍ ഹസന് നേരെ വധഭീഷണി. സോഷ്യല്‍ മീഡിയയില്‍ പ്രതിഷേധം രൂക്ഷമായതോടെ താരം ഒടുവില്‍ മാപ്പപേക്ഷയുമായി രംഗത്തെത്തി.

നവംബര്‍ 12-നാണ് കൊല്‍ക്കത്തയിലെ കാകുറഗാച്ചിയില്‍ നടന്ന കാളിപൂജയില്‍ ഷാക്കിബ് പങ്കെടുത്തത്. ഇതിന്റെ വീഡിയോ പുറത്തുവന്നതിനു പിന്നാലെ ഒരു യുവാവ് ഫേസ്ബുക്ക് ലൈവിലെത്തി ഷാക്കിബിനെ വെട്ടിനുറുക്കുമെന്ന് ഭീഷണി മുഴക്കുകയായിരുന്നു.

ബംഗ്ലാദേശിലെ സിലെട്ട് സ്വദേശിയായ മൊഹ്‌സിന്‍ തലുക്ദര്‍ എന്ന ഈ യുവാവിനെ പോലീസ് പിന്നീട് അറസ്റ്റ് ചെയ്തു. കാളിപൂജയില്‍ പങ്കെടുത്തതിന് സോഷ്യല്‍ മീഡിയയിലൂടെ മറ്റ് പലരും താരത്തിനെതിരേ കടുത്ത വിമര്‍ശനങ്ങളുയര്‍ത്തിയിരുന്നു.

ഇതിനു പിന്നാലെയാണ് താരം മാപ്പപേഷയുമായി രംഗത്തെത്തിയത്. തന്റെ പ്രവൃത്തി മുസ്ലീം സമുദായത്തില്‍പ്പെട്ട ആരുടെയെങ്കിലും വികാരത്തെ വ്രണപ്പെടുത്തിയിട്ടുണ്ടെങ്കില്‍ അവരോട് മാപ്പു ചോദിക്കുന്നതായി ഷാക്കിബ് പറഞ്ഞു.

''ഒരിക്കലും എന്റെ സ്വന്തം മതത്തെ മോശമായി കാണിക്കണമെന്ന് ഞാന്‍ ഉദ്ദേശിച്ചിട്ടില്ല. ഇസ്ലാം സമാധാനത്തിന്റെ മതമാണെന്ന് ഞാന്‍ വിശ്വസിക്കുന്നു. ഇസ്ലാമിലെ എല്ലാ ആചാരങ്ങളും പിന്തുടരാന്‍ ഞാന്‍ എപ്പോഴും ശ്രമിക്കാറുണ്ട്. കൊല്‍ക്കത്ത എന്റെ വീടു പോലെയാണ്. അവിടം സന്ദര്‍ശിക്കാനുള്ള ഒരു അവസരവും ഞാന്‍ നഷ്ടപ്പെടുത്താറില്ല. വിവിധ മതത്തിലുള്ള ആളുകള്‍ തമ്മിലുള്ള ബന്ധം ദൃഢമായി നിലനില്‍ക്കണമെന്ന് നാമെല്ലാം പ്രാര്‍ഥിക്കണം.'' - ഷാക്കിബ് പറഞ്ഞു.

Content Highlights: Shakib Al Hasan faces death threats for attending Kali Puja apologises later

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022

Most Commented