'എന്തു സംഭവിച്ചാലും എന്റെ പിന്തുണ ഇന്ത്യയ്ക്ക് മാത്രം'; അന്ന് സാനിയ മാലിക്കിനോട് പറഞ്ഞു


ഒരു ദേശീയ മാധ്യമത്തിന് നല്‍കിയ അഭിമുഖത്തിലാണ് സാനിയ ഇക്കാര്യം വിവരിച്ചത്. 

-

ഹൈദരാബാദ്:എന്തൊക്കെ സംഭവിച്ചാലും തന്റെ പിന്തുണ എക്കാലവും ഇന്ത്യക്ക് മാത്രമായിരിക്കുമെന്ന് വിവാഹത്തിന് മുമ്പ് പാകിസ്താൻ ക്രിക്കറ്റ് താരവും ഭർത്താവുമായ ഷുഐബ് മാലിക്കിനോട് വ്യക്തമാക്കിയിരുന്നതായി ഇന്ത്യൻ ടെന്നീസ് താരം സാനിയ മിർസ. ഒരു ദേശീയ മാധ്യമത്തിന് നൽകിയ അഭിമുഖത്തിലാണ് സാനിയ ഇക്കാര്യം വിവരിച്ചത്.

കോവിഡിനിടെ ഇരുവരും നടത്തിയ ഇൻസ്റ്റഗ്രാം ലൈവ് ചാറ്റിനെ കുറിച്ചും സാനിയ അഭിമുഖത്തിൽ വാചാലയായി. ആ ലൈവ് ചാറ്റ് ആരാധകർക്ക് ചില തിരിച്ചറിവുകൾ നൽകിയെന്നും തന്നേക്കാൾ സംസാരിക്കുന്ന ആളാണ് മാലിക്കെന്ന് മിക്കവർക്കും അന്ന് മനസ്സിലായെന്നും അഭിമുഖത്തിൽ സാനിയ പറയുന്നു.

'ഞങ്ങളുടെ ബന്ധം വളരെ രസകരമാണ്. ഇൻസ്റ്റഗ്രാം ലൈവ് ചാറ്റ് കണ്ടതോടെയാണ് ഞങ്ങൾ തമ്മിലുള്ള ബന്ധത്തെ കുറിച്ച് ആളുകൾക്ക് ഏതാണ്ടൊരു ധാരണ കിട്ടിയത്. ഞങ്ങൾ വളരെ ലളിതമായി സംസാരിക്കാന് ആഗ്രഹിക്കുന്നവരാണ്. മാലിക്കിനേക്കാൾ സംസാരിക്കുന്ന ആളാണ് ഞാനെന്നായിരുന്നു ആളുകളുടെ ധാരണ. എന്നാൽ ലൈവ് ചാറ്റിലൂടെ ആ തെറ്റിദ്ധാരണ മാറിക്കിട്ടി.' സാനിയ കൂട്ടിച്ചേർത്തു.

ഇന്ത്യക്കെതിരേ കളിക്കാൻ മാലിക്കിന് എപ്പോഴും ഇഷ്ടമായിരുന്നെന്നും അതുകൊണ്ടുതന്നെ പ്രണയത്തിലായിരുന്ന സമയത്ത് ഇതേക്കുറിച്ച് എപ്പോഴും സംസാരമുണ്ടാകുമെന്നും സാനിയ ചൂണ്ടിക്കാട്ടുന്നു. 'അദ്ദേഹം ഇന്ത്യക്കെതിരേ കളിക്കുന്നതിനെ കുറിച്ച് പറയും. 'എന്തൊക്കെ സംഭവിച്ചാലും ഞാൻ ഇന്ത്യയെ മാത്രമേ പിന്തുണക്കൂ' എന്ന് ഞാൻ അപ്പോഴെല്ലാം മറുപടി പറയും. അപ്പോൾ അദ്ദേഹം പറയും-ഇന്ത്യക്കെതിരേയുള്ള എന്റെ പ്രകടനങ്ങളാണ് നിനക്കുള്ള മറുപടി- എന്ന്. വളരെ നീണ്ട കരിയറിന് ഉടമയായ അദ്ദേഹത്തെ കുറിച്ച് എനിക്ക് അഭിമാനം മാത്രമേയുള്ളൂ.' സാനിയ വ്യക്തമാക്കുന്നു.

പാക് ക്രിക്കറ്റ് ടീമിന്റെ മുൻ ക്യാപ്റ്റൻ കൂടിയായ ഷുഐബ് മാലിക്കും സാനിയയും തമ്മിലുള്ള വിവാഹം നടന്നത് 2010-ലാണ്. 2018-ൽ ഇരുവർക്കും ഇഷാൻ എന്ന മകൻ പിറന്നു.

Content Highlights: Sania Mirza recalls banter with Shoaib Malik

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rape survivor vijay babu

1 min

9-ാം ക്ലാസുകാരനെതിരായ പീഡനക്കേസില്‍ ട്വിസ്റ്റ്; പെണ്‍കുട്ടിയുടെ പിതാവ് മകളെ പീഡിപ്പിച്ചകേസില്‍ പ്രതി

Aug 12, 2022


thomas isaac

2 min

'ആ അഞ്ചുവര്‍ഷം നഷ്ടപ്പെട്ടില്ലായിരുന്നെങ്കില്‍ വേറൊരു കേരളമായേനെ, ഇ.ഡിയുടെ നീക്കം പാര്‍ട്ടി നേരിടും'

Aug 11, 2022


14:00

'ഞാൻ ചെല്ലുമ്പോഴേക്കും അ‌ച്ഛന്റെ ദേഹത്തെ ചൂടുപോലും പോയിരുന്നു' | Suresh Gopi | Gokul | Talkies

Jul 26, 2022

Most Commented