മരണത്തോട് മല്ലിടുന്ന പ്രിയതമനുവേണ്ടി വിരമിച്ചു; മത്സരശേഷം ഗ്രൗണ്ടില്‍ തന്നെ മനസമ്മതവും


തലച്ചോറിലെ അര്‍ബുദത്തിന് ചികിത്സ നടത്തിക്കൊണ്ടിരിക്കുന്ന മുന്‍ ഫുട്‌ബോള്‍ താരം കൂടിയായ സ്‌റ്റോനമിനുവേണ്ടിയാണ് ഡോബ്‌സണ്‍ ഫുട്‌ബോള്‍ ഗ്രൗണ്ടിനോട് വിടപറയുന്നത്.

റാലി ഡോബ്സനോട് സ്റ്റോനം മനസമ്മതം ചോദിക്കുന്നു. Photo: Getty Images

ഏതൊരു റൊമാന്റിക് ബ്ലോക്ബസ്റ്ററിനെയും വെല്ലുന്ന ഹൃദയസ്പര്‍ശിയായ രംഗത്തിനാണ് കഴിഞ്ഞ ദിവസം മെല്‍ബണിലെ ഫ്രാങ്ക് ഹോളോഹാന്‍ റിസര്‍വ് സ്‌റ്റേഡിയം സാക്ഷ്യംവഹിച്ചത്. മെല്‍ബണ്‍ സിറ്റിയും പെര്‍ത്ത് ഗ്ലോറിയും തമ്മിലുള്ള ലീഗ് മത്സരത്തിനുശേഷം മുന്‍ ഓസ്‌ട്രേലിയന്‍ വനിതാ ടീം സ്‌ട്രൈക്കര്‍ റാലി ഡോബ്‌സണ്‍ വനിതാ ലീഗില്‍ നിന്ന് വിരമിക്കുന്ന നിമിഷമായിരുന്നു അത്. എന്നാല്‍, ഇരുപത്തിയെട്ടാം വയസിലെ ഡോബ്‌സന്റെ വിടവാങ്ങല്‍ ചടങ്ങിനെ അവിസ്മരണീയമാക്കിയത് മറ്റൊന്നാണ്. വിരമിക്കല്‍ മത്സരത്തിനുശേഷം ഡോബ്‌സണ്‍ നേരെ ചെന്നത് കോര്‍ണര്‍ ഫ്‌ളാഗിനരികേ ഇരിപ്പുറപ്പിച്ച മാറ്റ് സ്‌റ്റോനമിനരികിലേയ്ക്കാണ്. ഡോബ്‌സണ്‍ അടുത്തെത്തിയപ്പോള്‍ സ്‌റ്റോനം കീശയില്‍ നിന്നൊരു കുഞ്ഞ് പെട്ടി പുറത്തെടുത്തു. അതില്‍ നിന്ന് ഒരു ചെറിയ മോതിരവും. പിന്നെ അത് തുറന്ന് മുട്ടുകുത്തി ഡോബ്‌സനോട് മനസ്സമ്മതം ചോദിച്ചു. കണ്ണീരടക്കാന്‍ പാടുപെട്ട് ഡോബ്‌സണ്‍ സമ്മതം മൂളിയത്. സ്‌റ്റോനം മുട്ടുകുത്തിനിന്ന് മോതിരം അണിയിക്കുന്നതിന് ടീമംഗങ്ങള്‍ ഒന്നടങ്കം സാക്ഷികളായിരുന്നു. മോതിരമണിഞ്ഞശേഷം ഡോബ്‌സണ്‍ പൊട്ടിക്കരഞ്ഞുകൊണ്ട് സ്‌റ്റോനമിനെ ആശ്ലേഷിക്കുമ്പോള്‍ സ്‌റ്റേഡിയം കളിക്കാരുടെ കരഘോഷം കൊണ്ട് നിറഞ്ഞു.
തലച്ചോറിലെ അര്‍ബുദത്തിന് ചികിത്സ നടത്തിക്കൊണ്ടിരിക്കുന്ന മുന്‍ ഫുട്‌ബോള്‍ താരം കൂടിയായ സ്‌റ്റോനമിനുവേണ്ടിയാണ് ഡോബ്‌സണ്‍ ഫുട്‌ബോള്‍ ഗ്രൗണ്ടിനോട് വിടപറയുന്നത്. കളി നിര്‍ത്തി സ്‌റ്റോനമിനൊപ്പം നില്‍ക്കാന്‍ ന്യൂസൗത്ത് വെയ്ല്‍സിലേയ്ക്ക് പോകാന്‍ ഒരുങ്ങുകയാണ് ഡോബ്‌സണ്‍. ഇയ്യിടെയാണ് സ്‌റ്റോനം തലച്ചോറില്‍ ഒരു വലിയ ശസ്ത്രക്രിയക്ക് വിധേയനായത്. ഇനി മെയ് വരെ റേഡിയോ തെറാപ്പിക്ക് വിധേയനാവാന്‍ പോവുകയാണ്. അതുകഴിഞ്ഞ് ഒരു കൊല്ലം കീമോതെറാപ്പി. ഇതിന് തുണയാവാനാണ് ഡോബ്‌സണ്‍ കളി നിര്‍ത്തി കൂടെ പോകുന്നത്. ആറു വര്‍ഷം മുന്‍പ് ഒരു മത്സരത്തിനിടെ ബോധരഹിതനായി വീണ സ്റ്റോനമിന് പിന്നീട് വിദഗ്ദ്ധ പരിശോധനയിലാണ് തലച്ചോറിന് അര്‍ബുദം ബാധിച്ചതായി കണ്ടെത്തിയത്.
തന്റെ നൂറ്റിയൊന്‍പതാമത്തെ വനിതാ ലീഗ് മത്സരത്തിനുശേഷമാണ് ഡോബ്‌സണ്‍ ബൂട്ടഴിച്ചത്. അറുപത്തിമൂന്നാം മിനിറ്റില്‍ ഡോബ്‌സണ്‍ നേടിയ ഗോളിനാണ് സിറ്റി വിജയിച്ചത്.
Content Highlights: Rhali Dobson scores, retires then accepts marriage proposal from partner Undergoing cancer treatment

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


Balussery mob attack

1 min

തോട്ടില്‍ മുക്കി, ക്രൂരമര്‍ദനം; ബാലുശ്ശേരി ആള്‍ക്കൂട്ട ആക്രമണത്തിന്റെ കൂടുതല്‍ ദൃശ്യങ്ങള്‍

Jun 26, 2022


pinarayi karnival

1 min

മുഖ്യമന്ത്രിയുടെ വാഹന വ്യൂഹത്തിലേക്ക് പുതിയ കാര്‍ വാങ്ങുന്നു; കിയ കാര്‍ണിവല്‍, വില 33.31 ലക്ഷം

Jun 25, 2022

Most Commented