11 June 2020, 02:54 PM IST

1 min read

Read later

Image Courtesy: Getty Images

ബെംഗളൂരു: 2004-ല്‍ സൗരവ് ഗാംഗുലി ക്യാപ്റ്റനായിരിക്കെയാണ് എം.എസ് ധോനി ഇന്ത്യയ്ക്കായി അരങ്ങേറ്റം കുറിക്കുന്നത്. തുടക്കത്തിലെ ഏതാനും മത്സരങ്ങള്‍ക്കു ശേഷം തന്റെ ശരിക്കുള്ള കഴിവ് പുറത്തെടുത്ത ധോനി നിശ്ചിത ഓവര്‍ ക്രിക്കറ്റിലെ മികച്ച ഫിനിര്‍മാരില്‍ ഒരാളായി മാറുകയും ടീമിലെ തന്റെ സ്ഥാനം ഉറപ്പിക്കുകയും ചെയ്തു.

ധോനിയുടെ വെടിക്കെട്ട് കാലത്ത് രാഹുല്‍ ദ്രാവിഡായിരുന്നു ഇന്ത്യന്‍ ക്യാപ്റ്റന്‍. ധോനിയുടെ മികച്ച ഇന്നിങ്‌സുകള്‍ പലതും പിറന്നത് ദ്രാവിഡിനു മുന്നിലായിരുന്നു. ഇപ്പോഴിതാ മത്സരത്തിന്റെ ഫലം എന്തായിരിക്കുമെന്നൊന്നും ചിന്തിക്കാതെ കളിക്കാന്‍ സാധിക്കുന്ന ധോനിയുടെ കഴിവാണ് അദ്ദേഹത്തെ നിശ്ചിത ഓവര്‍ ക്രിക്കറ്റിലെ മികച്ച ഫിനിഷര്‍മാരില്‍ ഒരാളാക്കിയതെന്ന് പറഞ്ഞിരിക്കുകയാണ് രാഹുല്‍ ദ്രാവിഡ്. സഞ്ജയ് മഞ്ജരേക്കറുമൊത്തുള്ള ഒരു വീഡിയോ പോഡ്കാസ്റ്റിലാണ് ദ്രാവിഡ് ഇക്കാര്യം പറഞ്ഞത്.

''ധോനി മികച്ച പ്രകടനം പുറത്തെടുത്ത ഒരു മത്സരം നിങ്ങള്‍ കാണുകയാണെങ്കില്‍ അവന്‍ അവന് പ്രധാനപ്പെട്ടതെന്തോ ചെയ്യുകയാണെന്നാണ് തോന്നുക. മത്സര ഫലം അത് എന്തു തന്നെയായാലും തനിക്ക് അതൊരു പ്രശ്‌നമല്ലെന്ന മട്ടിലാണ് ധോനി കളിക്കാറ്. അത്തരമൊരു കഴിവ് എല്ലാവര്‍ക്കും വേണമെന്നും അതിനായി പരിശീലിക്കണമെന്നുമാണ് എനിക്ക് തോന്നുന്നത്. എനിക്ക് അത്തരമൊരു കഴിവ് ഉണ്ടായിരുന്നില്ല. ധോനിക്ക് ഈ വഴിവ് സ്വാഭാവികമായി ലഭിച്ചതാണോ അതോ കഷ്ടപ്പെട്ട് നേടിയെടുത്തതാണോ എന്ന് എന്ന് അദ്ദേഹത്തോട് ചോദിക്കുന്നതു തന്നെ രസകരമാകും'', ദ്രാവിഡ് പറഞ്ഞു.

2006-ല്‍ പാകിസ്താനെ ഇന്ത്യ 4-1ന് തകര്‍ത്തപ്പോള്‍ ദ്രാവിഡായിരുന്നു ക്യാപ്റ്റന്‍. ധോനിയുടെയും യുവ്‌രാജ് സിങ്ങിന്റെയും പ്രകടനങ്ങളാണ് ഇന്ത്യയ്ക്ക് അന്ന് കാര്യങ്ങള്‍ അനുകൂലമാക്കിയത്.

Content Highlights: Rahul Dravid says what makes MS Dhoni to become top finishers in limited over cricket

കൂടുതല്‍ കായിക വാര്‍ത്തകള്‍ക്കും ഫീച്ചറുകള്‍ക്കുമായി വാട്ട്‌സ്ആപ്പ് ഗ്രൂപ്പില്‍ ജോയിന്‍ ചെയ്യൂ... https://mbi.page.link/1pKR