പ്രജ്ഞാനന്ദ
ചെന്നൈ: ലോക ചെസ് ചാമ്പ്യന്‍ മാഗ്നസ് കാള്‍സണെ അട്ടിമറിച്ച് ലോകശ്രദ്ധയാകര്‍ഷിച്ച ഇന്ത്യന്‍ കൗമാരതാരം ആര്‍ പ്രജ്ഞാനന്ദയ്ക്ക് എയര്‍തിങ്‌സ് മാസ്റ്റേഴ്‌സ് ഓണ്‍ലൈന്‍ ടൂര്‍ണമെന്റില്‍ വീണ്ടും വിജയം.
രണ്ട് വിജയങ്ങളാണ് പ്രജ്ഞാനന്ദ നേടിയെടുത്തത്. റാങ്കിങ്ങില്‍ തന്നേക്കാള്‍ ഏറെ മുന്നിലുള്ള റഷ്യയുടെ ആന്‍ഡ്രെ എസിപെന്‍കോ, മുന്‍ ലോക ചാമ്പ്യനായ അലക്‌സാണ്ട കോസ്‌റ്റെനിയൂക്ക് എന്നീ താരങ്ങളെയാണ് പ്രജ്ഞാനന്ദ അട്ടിമറിച്ചത്.
ഈ വിജയങ്ങളുടെ കരുത്തില്‍ പ്രജ്ഞാനന്ദ 15 പോയന്റുമായി 12-ാം സ്ഥാനത്തെത്തി. എസിപെന്‍കോയെ 42 നീക്കങ്ങള്‍ക്കൊടുവിലാണ് പ്രജ്ഞാനന്ദ കീഴടക്കിയത്. കോസ്‌റ്റെനിയൂക്കിനെതിരേ 63 നീക്കങ്ങള്‍ക്കൊടുവില്‍ പ്രജ്ഞാനന്ദ വിജയം നേടി. മുന്‍ ലോക ചാമ്പ്യന്‍ കൂടിയായ കോസ്‌റ്റെനിയൂക്ക് ഇന്ത്യന്‍ താരത്തിന് മുന്നില്‍ അടിയറവുപറഞ്ഞു.
ഇതിനുമുന്‍പ് ശക്തനായ നോദിര്‍ബെക് അബ്ദുസത്തറോവിനെ സമനിലയില്‍ തളയ്ക്കാനും പ്രജ്ഞാനന്ദയ്ക്ക് കഴിഞ്ഞിരുന്നു. ആകെ 15 റൗണ്ട് മത്സരങ്ങളാണ് പ്രാഥമിക ഘട്ടത്തിലുള്ളത്. ആദ്യ എട്ടിനുള്ളില്‍ വരുന്ന താരങ്ങള്‍ നോക്കൗട്ട് ഘട്ടത്തിലേക്ക് കടക്കും.
Content Highlights: R Praggnanandhaa Follows Up Win Over Magnus Carlsen With 2 More Victories In Airthings Masters Chess
Also Watch
RELATED STORIES
.jpg?$p=c686dae&f=1x1&w=100&q=0.8)
.jpg?$p=c686dae&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=a80322e&f=1x1&w=100&q=0.8)
.jpg?$p=8896326&q=0.8&f=16x11&w=104)
.jpg?$p=c686dae&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..