കോവിഡുള്ള കാര്യംമറച്ചുവെച്ച് ദിമിത്രോവ് കളിക്കാനെത്തി;ജോക്കോവിച്ചിനെ പഴിക്കരുതെന്ന് മാതാപിതാക്കള്‍


ജോക്കോവിച്ച് സംഘടിപ്പിച്ച 'അഡ്രിയ പ്രദര്‍ശന ടെന്നീസ് ടൂര്‍ണമെന്റി'ല്‍ പങ്കെടുത്ത മൂന്ന് താരങ്ങള്‍ക്ക് കോവിഡ്-19 സ്ഥിരീകരിച്ചിരുന്നു.

-

ബെൽഗ്രേഡ്: സെർബിയൻ ടെന്നീസ് താരം നൊവാക് ജോക്കോവിച്ചിനെതിരേ ഉയരുന്ന വിമർശനങ്ങളെ പ്രതിരോധിച്ച് താരത്തിന്റെ മാതാപിതാക്കൾ. ജോക്കോവിച്ച് സംഘടിപ്പിച്ച 'അഡ്രിയ പ്രദർശന ടെന്നീസ് ടൂർണമെന്റി'ൽ പങ്കെടുത്ത മൂന്ന് താരങ്ങൾക്ക് കോവിഡ്-19 സ്ഥിരീകരിച്ചിരുന്നു. പിന്നാലെ ജോക്കോവിച്ചിന്റേയും ഭാര്യയുടേയും പരിശോധനാഫലം പോസിറ്റീവായി. തുടർന്ന് സെർബിയൻ താരത്തിനെതിരെ വിമർശനങ്ങളുയർന്നിരുന്നു.

സാമൂഹിക അകലം പാലിക്കാതെയാണ് ടൂർണമെന്റ് നടത്തിയെന്നും ടൂർണമെന്റിന്റെ ഭാഗമായി നിശാപാർട്ടി സംഘടിപ്പിച്ചിരുന്നുവെന്നും ആരോപണമുയർന്നു. എന്നാൽ ബൾഗേറിയയുടെ ഗ്രിഗർ ദിമിത്രോവിന് നേരത്തെ കോവിഡ് ഉണ്ടായിരുന്നെന്നും ഇതുമറച്ചുവെച്ച് താരം ടൂർണമെന്റിൽ പങ്കെടുത്തതാണ് പ്രശ്‌നങ്ങള്‍ക്ക് കാരണമെന്നും ജോക്കോവിച്ചിന്റെ അച്ഛൻ വ്യക്തമാക്കുന്നു. ആർടിഎൽ ക്രൊയേഷ്യ ടിവിക്ക് നൽകിയ അഭിമുഖത്തിൽ സംസാരിക്കുകയായിരുന്നു ജോക്കോവിച്ചിന്റെ മാതാപിതാക്കൾ.

ടൂർണമെന്റിന്റെ രണ്ടാം പാദം നടന്ന ക്രൊയേഷ്യയിൽ നിന്ന് ബെൽഗ്രേഡിലെത്തിയ ഉടൻ ജോക്കോവിച്ചും ഭാര്യയും മക്കളും പരിശോധനയ്ക്ക് വിധേയരാകുകയായിരുന്നു. ഈ പരിശോധയിലാണ് ലോക ഒന്നാം നമ്പർ താരത്തിനും ഭാര്യക്കും കോവിഡ് സ്ഥിരീകരിച്ചത്. അതേസമയം മക്കളുടെ പരിശോധനാഫലം നെഗറ്റീവാണ്. ഇതിന് പിന്നാലെ ക്ഷമാപണവുമായി ജോക്കോവിച്ച് രംഗത്തെത്തി. സോഷ്യൽ മീഡിയയിൽ പോസ്റ്റ് ചെയ്ത നീണ്ട കുറിപ്പിലൂടെയാണ് താരം എല്ലാവരോടും ക്ഷമ ചോദിച്ചത്.

നേരത്തെ ടൂർണമെന്റിൽ പങ്കെടുത്തവരിൽ ഗ്രിഗർ ദിമിത്രോവിനാണ് ആദ്യം കോവിഡ് സ്ഥിരീകരിച്ചത്. ഇതോടെ ടൂർണമെന്റിന്റെ ഫൈനൽ മത്സരം റദ്ദാക്കി. പിന്നാലെ ക്രൊയേഷ്യൻ താരം ബോർന കോറിച്ച്, സെർബിയയുടെ വിക്ടർ ട്രോയ്സ്ക്കി എന്നിവർക്കും കോവിഡ് സ്ഥിരീകരിച്ചു. ജോക്കോവിച്ചിന് പുറമെ ഡൊമിനിക് തീം, അലക്സാണ്ടർ സവരേവ് എന്നിവരും ടൂർണമെന്റിൽ പങ്കെടുത്തിരുന്നു.

content highlights: Novak Djokovics parents hit back at critics after Serbian star tests positive for COVID 19

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022

Most Commented