'ഭിന്നതാത്പര്യങ്ങളൊന്നുമില്ല'; ഇരട്ടപദവി വിവാദത്തില്‍ ഓംബുഡ്‌സ്മാന് മറുപടിയുമായി ഗാംഗുലി


നിലവില്‍ ബംഗാള്‍ ക്രിക്കറ്റ് അസോസിയേഷന്‍ പ്രസിഡന്റായ ഗാംഗുലി ഐ.പി.എല്ലില്‍ ഡല്‍ഹി ക്യാപ്പിറ്റല്‍സിന്റെ ഉപദേശകനായും പ്രവര്‍ത്തിക്കുന്നുണ്ട്.

ന്യൂഡല്‍ഹി: ഇരട്ടപദവി വിവാദത്തില്‍ തനിക്ക് നോട്ടീസ് അയച്ച ബി.സി.സി.ഐ ഓംബുഡ്‌സ്മാന്‍ റിട്ട. ജസ്റ്റിസ് ഡി.കെ ജെയ്‌നിന് മറുപടിയുമായി മുന്‍ ഇന്ത്യന്‍ ക്യാപ്റ്റന്‍ സൗരവ് ഗാംഗുലി.

നിലവില്‍ ബംഗാള്‍ ക്രിക്കറ്റ് അസോസിയേഷന്‍ പ്രസിഡന്റായ ഗാംഗുലി ഐ.പി.എല്ലില്‍ ഡല്‍ഹി ക്യാപ്പിറ്റല്‍സിന്റെ ഉപദേശകനായും പ്രവര്‍ത്തിക്കുന്നുണ്ട്. ഗാംഗുലിയുടെ ഈ ഇരട്ടപദവിയില്‍ ഭിന്നതാത്പര്യങ്ങളുണ്ടെന്ന ആരോപണവുമായി നേരത്തെ മൂന്നു പേര്‍ രംഗത്തെത്തിയിരുന്നു. ഇതിനു പിന്നാലെയാണ് ഈ ആരോപണത്തില്‍ ബി.സി.സി.ഐ ഓംബുഡ്‌സ്മാന്‍, ഗാംഗുലിയോട് വിശദീകരണം തേടിയത്.

ഇക്കാര്യത്തില്‍ തനിക്ക് നേരിട്ടോ അല്ലാതെയോ യാതൊരു പ്രത്യേക താത്പര്യങ്ങളുമില്ലെന്ന് ഗാംഗുലി ഓംബുഡ്‌സ്മാനയച്ച കത്തില്‍ പറയുന്നു. ബി.സി.സി.ഐയുടെ ഭരണഘടന മറികടന്നുള്ള ഒരു നടപടിയും താത്പര്യവും താന്‍ സ്വീകരിച്ചിട്ടില്ലെന്നും ഗാംഗുലി വ്യക്തമാക്കി.

നിലവില്‍ താന്‍ ബി.സി.സി.ഐയിലെ ഒരു പദവിയും വഹിക്കുന്നില്ല. ബി.സി.സി.ഐയുടെ ഉന്നതാധികാര സമിതിയിലോ, ബി.സി.സി.ഐക്ക് കീഴിലുള്ള ഏതെങ്കിലും ക്രിക്കറ്റ് കമ്മിറ്റികളിലോ അംഗമല്ലെന്നും അദ്ദേഹം ചൂണ്ടിക്കാട്ടി.

അതുപോലെ തന്നെ ഐ.പി.എല്ലുമായി ബന്ധപ്പെട്ട ഭരണസമിതിയുമായോ മാനേജ്‌മെന്റ് കമ്മിറ്റികളുമായോ താന്‍ യാതൊരു തരത്തിലും ബന്ധപ്പെട്ടിട്ടില്ല. നേരത്തെ ബി.സി.സി.ഐ ടെക്‌നിക്കല്‍ കമ്മിറ്റിയുടെയും ഐ.പി.എല്‍ ടെക്‌നിക്കല്‍ കമ്മിറ്റിയുടെയും ഭാഗമായിരുന്നെങ്കിലും ഇതില്‍ നിന്നെല്ലാം താന്‍ രാജിവെച്ചിരുന്നുവെന്നും ഗാംഗുലി കത്തില്‍ കുറിച്ചു.

Content Highlights: no conflict of interest says sourav ganguly to bcci ombudsman on his dual role

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022

Most Commented