ദ്രാവിഡ് ഇന്ത്യന്‍ ടീമിന്റെ പരിശീലകനാകുന്ന കാര്യം സ്ഥിരീകരിച്ചിട്ടില്ല : ഗാംഗുലി


നിലവില്‍ ദേശീയ ക്രിക്കറ്റ് അക്കാദമിയുടെ തലവനാണ് ദ്രാവിഡ്.

Photo: AFP

ന്യൂഡല്‍ഹി: ക്രിക്കറ്റ് ഇതിഹാസം രാഹുല്‍ ദ്രാവിഡ് ഇന്ത്യന്‍ ടീമിന്റെ പരിശീലകനാകുന്ന കാര്യം സ്ഥിരീകരിച്ചിട്ടില്ലെന്ന് ബി.സി.സി.ഐ. പ്രസിഡന്റ് സൗരവ് ഗാംഗുലി. പരിശീലകസ്ഥാനം ഏറ്റെടുക്കുന്നതുമായി ബന്ധപ്പെട്ട് ആലോചിക്കാന്‍ ദ്രാവിഡ് സമയം ആവശ്യപ്പെട്ടിട്ടുണ്ടെന്നും ഗാംഗുലി പറഞ്ഞു.

ആജ് തക് ചാനലിനോടാണ് ഗാംഗുലി ഇക്കാര്യം വ്യക്തമാക്കിയത്. ' ദ്രാവിഡ് ഇന്ത്യന്‍ ടീമിന്റെ പരിശീലകനാകുമെന്ന കാര്യം സ്ഥിരീകരിച്ചിട്ടില്ല. അദ്ദേഹം കുറച്ച് സമയം ആവശ്യപ്പെട്ടിട്ടുണ്ട്. ഔദ്യോഗിക വിവരം ഉടന്‍ തന്നെ പുറത്തുവിടും.' - ഗാംഗുലി പറഞ്ഞു.

ഇപ്പോള്‍ നടക്കുന്ന ട്വന്റി 20 ലോകകപ്പിനുശേഷം നിലവിലെ പരിശീലകനായ രവിശാസ്ത്രി ഇന്ത്യന്‍ ടീമില്‍ നിന്ന് പടിയിറങ്ങും. ഇതോടെ പുതിയ പരിശീലകനായി ദ്രാവിഡിലേക്ക് ഏവരുടെയും ശ്രദ്ധ പതിക്കുകയായിരുന്നു. നിലവില്‍ ദേശീയ ക്രിക്കറ്റ് അക്കാദമിയുടെ തലവനാണ് ദ്രാവിഡ്.

ദ്രാവിഡിനെ പരിശീലകനാക്കാന്‍ മുന്‍കൈ എടുത്തത് ഗാംഗുലിയായിരുന്നു. പരിശീലകനായാല്‍ ശമ്പളമായി 10 കോടി രൂപയും ബോണസും നല്‍കാമെന്നും ഗാംഗുലി പറഞ്ഞിട്ടുണ്ട്. നിലവില്‍ ദേശീയ ക്രിക്കറ്റ് അക്കാദമിയുടെ തലവനെന്ന നിലയില്‍ ദ്രാവിഡിന് ഏഴ് കോടി രൂപയാണ് ശമ്പളമായി ലഭിക്കുന്നത്.

ദ്രാവിഡ് ഇന്ത്യന്‍ ടീമിന്റെ പരിശീലകനാകുമെന്നാണ് ഏവരും കരുതുന്നത്. ദ്രാവിഡ് പരിശീലകസ്ഥാനം ഏറ്റെടുത്താല്‍ ദേശീയ ക്രിക്കറ്റ് അക്കാദമിയുടെ തലവനായി വി.വി.എസ് ലക്ഷ്മണിനെയാണ് പരിഗണിക്കുന്നത്.

Content Highlights: No confirmation on Rahul Dravid's appointment as head coach says Sourav Ganguly


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented