ജീവിതത്തില്‍ തോല്‍ക്കാതിരിക്കാന്‍ നജിമുദീന് വേണം, ഒരുകൈ സഹായം


ബളാല്‍ കല്ലന്‍ചിറ സ്വദേശിയായ നജിമുദീന്‍ സംസ്ഥാന ജൂനിയര്‍ വോളിബോള്‍ ടീമംഗമായിരുന്നു. 10 വര്‍ഷം ജില്ലാ സീനിയര്‍ ടീമംഗവും അഞ്ച് വര്‍ഷം ക്യാപ്റ്റനുമായിരുന്നു

നജിമുദീൻ വിദേശകളിക്കാർക്കൊപ്പം (ഫയൽചിത്രം)

വെള്ളരിക്കുണ്ട്: കളിക്കളങ്ങളിലെ മിന്നും താരത്തിന് ഇനി ഒരു മത്സരംകൂടി ജയിച്ചേ പറ്റൂ. വൃക്കരോഗം പിടിപെട്ട് ഗുരുതരാവസ്ഥയില്‍ കോഴിക്കോട് സ്വകാര്യ ആശുപത്രിയില്‍ കഴിയുന്ന മുന്‍ അന്താരാഷ്ട്ര വോളിബോള്‍ താരം നജിമുദീന്റെ ചികിത്സയ്ക്കുവേണ്ടി നാട് കൈകോര്‍ക്കുന്നു.

ബളാല്‍ കല്ലന്‍ചിറ സ്വദേശിയായ നജിമുദീന്‍ സംസ്ഥാന ജൂനിയര്‍ വോളിബോള്‍ ടീമംഗമായിരുന്നു. 10 വര്‍ഷം ജില്ലാ സീനിയര്‍ ടീമംഗവും അഞ്ച് വര്‍ഷം ക്യാപ്റ്റനുമായിരുന്നു. 2000-ത്തില്‍ സംസ്ഥാന ജൂനിയര്‍ ചാമ്പ്യന്‍ഷിപ്പ് നേടിയ ജില്ലാ ടീമംഗം 1998-ല്‍ തമിഴ്നാടില്‍ നടന്ന ദേശീയ ജൂനിയര്‍ ചാമ്പ്യന്‍ഷിപ്പിലെ കേരള ടീമംഗമായിരുന്നു.

ഇന്ത്യന്‍ ഇന്റര്‍നാഷണലില്‍ ബ്രസീല്‍, ഇറ്റലി, സെര്‍ബിയ, യു.എ.ഇ., ഇറാന്‍, ഒമാന്‍ എന്നീ രാജ്യങ്ങളിലെ താരങ്ങള്‍ക്കൊപ്പം കളിച്ചു. ആഡ്‌കോ, അല്‍ ജസീറ ക്ലബ്ബുകള്‍ക്കായും കളിച്ചു.

ഗള്‍ഫിലായിരിക്കെ 2017-ലാണ് വൃക്കരോഗം ബാധിച്ചത്. രോഗം ഗുരുതരമായി. കളിയും ജോലിയും വിട്ട് നാട്ടിലെത്തി ചികിത്സ തുടര്‍ന്നു. ഭീമമായ ചെലവ് വന്നു. ഡയാലിസിസ് നടത്തിയാണ് ഇപ്പോള്‍ ജീവന്‍ നിലനിര്‍ത്തുന്നത്. വൃക്ക മാറ്റിവെക്കലാണ് ഇനിയുള്ള ഏകവഴി. വൃക്ക നല്‍കാന്‍ സഹോദരന്‍ തയ്യാറുണ്ട്. ഇതിനുവേണ്ടുന്ന 30 ലക്ഷത്തോളം രൂപ കണ്ടെത്തലാണ് വെല്ലുവിളി. കഴിഞ്ഞ ദിവസം സംസ്ഥാന കായികവകുപ്പ് മൂന്നുലക്ഷം രൂപ സഹായം അനുവദിച്ചിരുന്നു.

ജില്ലാ വോളിബോള്‍ അസോസിയേഷന്‍ ചികിത്സാ സമിതി രൂപവത്കരിച്ചു. വി.വി. വിജയമോഹന്‍ (ചെയ.), ജയന്‍ വെള്ളിക്കോത്ത് (സെക്ര), ശിവജി വെള്ളിക്കോത്ത് (ഖജാ.) തുക ശേഖരിക്കാന്‍ യൂണിയന്‍ ബാങ്ക് ഓഫ് ഇന്ത്യയില്‍ അക്കൗണ്ട് തുടങ്ങി. നമ്പര്‍: 52010 126803 1847. ഐ.എഫ്.എസ്.സി. കോഡ് CORP0002901.

Content Highlights: Najimuddin former kerala volleyball player needs help for kidney transplantation


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


06:09

'വെട്ട് കിട്ടിയ ശേഷവും ചാടിക്കടിച്ചു'; പുലിയുടെ ആക്രമണ കഥ വിവരിച്ച് മാങ്കുളം ഗോപാലൻ 

Sep 27, 2022


11:48

ബ്രിട്ടന്‍, യു.കെ, ഇംഗ്ലണ്ട്... ഇതൊക്കെ രാജ്യങ്ങളാണോ? കണ്‍ഫ്യൂഷന്‍ തീര്‍ക്കാം | Inside Out

Sep 27, 2022

Most Commented