മന്ത്രി മണി ചോദിച്ചു: 'പഴച്ചാറു പോലുള്ള ഈ ഗ്രൗണ്ടില്‍ ഓടിയാൽ മെഡൽ കിട്ടുമോ?


ട്രാക്കില്‍ക്കൂടി പെരുമഴയത്ത് പിള്ളേരോടുന്നു. എറിയുന്നു. അവര്‍ തെന്നുന്നു. ആശാന് സ്വാഭാവികമായി അരിശം വന്നു

തൊടുപുഴ: റവന്യു ജില്ലാ കായിക മേള ഉദ്ഘാടനം ചെയ്യാനാണ് മന്ത്രി എം.എം.മണി രാവിലെ എന്‍.ആര്‍.സിറ്റിയില്‍ എത്തിയത്. നോക്കിയപ്പോള്‍ ചളിക്കുണ്ടായ ട്രാക്കില്‍ക്കൂടി പെരുമഴയത്ത് പിള്ളേരോടുന്നു. എറിയുന്നു. അവര്‍ തെന്നുന്നു. ആശാന് സ്വാഭാവികമായി അരിശം വന്നു. ഉദ്ഘാടന പ്രസംഗത്തില്‍ അതങ്ങ് വൃത്തിയായി തീര്‍ത്തു.

മഴ പെയ്ത് പഴച്ചാറ് പോലെയായ ഈ ഗ്രൗണ്ടില്‍ എങ്ങനെ കുട്ടികള്‍ ഓടും..? തെന്നി വീഴാതെ ഓടാന്‍ നോക്കുന്നതിനിടെ കുട്ടികള്‍ക്ക് നന്നായി മത്സരിക്കാനാകുമോ..? സംഘാടകരോടായിരുന്നു മുഴുവന്‍ ചോദ്യങ്ങളും. ഇതു കൊണ്ടും നിര്‍ത്തിയില്ല.

'ഓടുന്ന കുട്ടികളുടെ പുറകെ ട്രാക്കിലിടാന്‍ മണല്‍ ചാക്കുമായി മറ്റുള്ളവര്‍ ഓടുകയാണ്. ഇതില്‍പ്പരം മര്യാദകേടുണ്ടോ.? കുട്ടികള്‍ ഓട്ടം കണ്ട് സങ്കടം വന്നു. ഇങ്ങനെ കായികതാരങ്ങളുടെ ബലപരീക്ഷണം നടത്തരുത്.' സദസ് കരഘോഷത്തോടെയാണ് മന്ത്രിയുടെ വാക്കുകള്‍ സ്വീകരിച്ചത്.

ആഫ്രിക്കന്‍ രാജ്യങ്ങളടക്കം കായികമേളകളില്‍ സ്വര്‍ണം വാരിക്കൂട്ടുമ്പോള്‍ ഇന്ത്യയ്ക്ക് ആകെ കിട്ടുന്നത് വല്ലപ്പോഴുമൊരു വെങ്കലമാണെന്നും തുടര്‍ന്ന് അദ്ദേഹം പറഞ്ഞു. ഇരുമ്പ് ഇല്ലാത്തതു കൊണ്ട് അത് കിട്ടുന്നില്ലെന്ന് പറഞ്ഞത് സദസിനെ കുടുകുടാ ചിരിപ്പിച്ചു.

ജില്ലാ പഞ്ചായത്ത് പ്രസിഡന്റ് കൊച്ചു ത്രേസ്യാപൗലോസ് അദ്ധ്യക്ഷയായിരുന്നു. ജില്ലാ വിദ്യാഭ്യാസ ഉപഡയറക്ടര്‍ എ. അബൂബക്കര്‍ സ്വാഗതമാശംസിച്ചു.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
poornima indrajith

'ഓക്കേ അല്ലേ..ഇതു പെര്‍ഫെക്റ്റ് ആണ്'; വീട് നിര്‍മാണത്തിനിടെ ഭിത്തി തേച്ച് പൂര്‍ണിമ

May 16, 2022


SUDHAKARAN

1 min

'സുധാകരന് ആറ് വയസുകാരന്റെ ബുദ്ധിയും ആറാളുടെ വലുപ്പവും'; പരാമര്‍ശം രാഷ്ട്രീയ ആയുധമാക്കി സിപിഎം

May 18, 2022


Ukraine

1 min

യുക്രൈനില്‍നിന്നെത്തിയ മെഡിക്കല്‍ വിദ്യാര്‍ഥികള്‍ക്ക് രാജ്യത്ത് തുടര്‍പഠനം നടത്താനാകില്ല- കേന്ദ്രം

May 17, 2022

More from this section




Most Commented