Mike Hesson Photo: Twitter
മുംബൈ: കൊറോണ വൈറസ് ബാധയുടെ പശ്ചാത്തലത്തില്‍ പ്രധാനമന്ത്രി നരേന്ദ്ര മോദി പ്രഖ്യാപിച്ച ജനതാ കര്‍ഫ്യൂവിനോടുള്ള ജനങ്ങളുടെ സമീപനത്തെ അഭിനന്ദിച്ച് ന്യൂസീലന്‍ഡ് ക്രിക്കറ്റ് ടീമിന്റെ മുന്‍ പരിശീലകനും ഐ.പി.എല്‍ ടീം റോയല്‍ ചലഞ്ചേഴ്‌സ് ബാംഗ്ലൂരിന്റെ ഡയറക്ടറുമായ മൈക്ക് ഹെസ്സന്‍.
മുംബൈയിലെ വിജനമായ ബാന്ദ്ര-വര്‍ളി കടല്‍പ്പാലത്തിന്റെ വീഡിയോ ട്വീറ്റ് ചെയ്താണ് മൈക്ക് ഹസ്സന്റെ അഭിനന്ദനം. തന്റെ ഹോട്ടല്‍ മുറിയില്‍ നിന്നാണ് മൈക്ക് ഹെസ്സന്‍ ഈ വീഡിയോ പകര്‍ത്തിയത്.
'എന്റെ ഹോട്ടല്‍ മുറിയില്‍ നിന്ന് ഒരുപാട് തവണ ഈ കാഴ്ച്ച ഞാന്‍ കണ്ടിട്ടുണ്ട്. പക്ഷേ അപ്പോഴെല്ലാം ചുരുങ്ങിയത് 1000 കാറുകളെങ്കിലും ഈ പാലത്തിലുണ്ടാകും. എന്നാല്‍ ഇന്ത്യ ഇന്ന് കൊറോണ വൈറസിനോട് പൊരുതാന്‍ 14 മണിക്കൂര്‍ കര്‍ഫ്യൂ ആചരിക്കുകയാണ്. എല്ലാവരും ആ കര്‍ഫ്യൂ പാലിച്ചിരിക്കുന്നു.' വീഡിയോയ്‌ക്കൊപ്പം മൈക്ക് ഹെസ്സന്‍ ട്വീറ്റില്‍ പറയുന്നു.
കൊറോണ വൈറസ് വ്യാപിക്കുന്ന പശ്ചാത്തലത്തില്‍ മാര്‍ച്ച് 29-ന് തുടങ്ങേണ്ടിയിരുന്ന ഐ.പി.എല്‍ ബി.സി.സി.ഐ നീട്ടിവെച്ചിരുന്നു. ഏപ്രില്‍ 15-ലേക്കാണ് നീട്ടിയത്. ഐ.പി.എല്‍ മാറ്റിയെങ്കിലും ഇന്ത്യയില്‍ തുടരാന്‍ തീരുമാനിക്കുകയായിരുന്നു മൈക്ക് ഹെസ്സന്‍.
Content Highlights: Mike Hesson shares clip of empty Mumbai roads
RELATED STORIES
.jpg?$p=99d15b5&f=1x1&w=100&q=0.8)
.jpg?$p=6c212f7&f=1x1&w=100&q=0.8)
.jpg?$p=69d463a&f=1x1&w=100&q=0.8)
IN CASE YOU MISSED IT
.jpg?$p=6a12f4a&f=1x1&w=100&q=0.8)
.jpg?$p=430c1f1&q=0.8&f=16x11&w=104)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..