Photo: twitter.com|realmanubhaker
ന്യൂഡല്‍ഹി: ഡല്‍ഹി വിമാനത്താവളത്തില്‍ വെച്ച് അധികൃതരില്‍ നിന്ന് മോശം പെരുമാറ്റമുണ്ടായെന്ന ആരോപണവുമായി ഇന്ത്യന്‍ വനിതാ ഷൂട്ടര്‍ മനു ഭാകര്‍.
ഭോപ്പാലിലേക്ക് പോകാനായി വിമാനത്താവളത്തിലെത്തിയപ്പോഴാണ് സംഭവമെന്ന് താരം ട്വിറ്ററില്‍ കുറിച്ചു. തന്നെ വിമാനത്തില്‍ കയറുന്നതില്‍ നിന്ന് തടഞ്ഞുവെന്നും പരിശീലനത്തിന്റെ ഭാഗമായി തോക്കുകളും വെടിയുണ്ടകളും കൈവശമുണ്ടായിരുന്നതിനാല്‍ ക്രിമിനലിനോടെന്ന പോലെയാണ് വിമാനത്താവള അധികൃതര്‍ പെരുമാറിയതെന്നും താരം ആരോപിച്ചു.
കേന്ദ്ര വ്യോമയാന മന്ത്രി ഹര്‍ദീപ് സിങ് പുരി, കേന്ദ്ര കായിക മന്ത്രി കിരണ്‍ റിജിജു എന്നിവരെ ടാഗ് ചെയ്തായിരുന്നു ഭാകറിന്റെ ട്വീറ്റ്.
ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ പെര്‍മിറ്റ് അടക്കമുള്ള സാധുവായ എല്ലാ രേഖകളും തന്റെ പക്കല്‍ ഉണ്ടായിരുന്നുവെന്നും എന്നിട്ടും താന്‍ അപമാനിക്കപ്പെട്ടുവെന്നും 19-കാരിയായ താരം കുറിച്ചു. അതേസമയം എയര്‍ലൈന്‍ അധികൃതര്‍ തന്നോട് 10,200 രൂപ ആവശ്യപ്പെട്ടുവെന്നും താരം പറയുന്നു.
എന്നാല്‍ പിന്നീട് കേന്ദ്രമന്ത്രി കിരൺ റിജിജുവിന്റെ ഇടപെടലിനെ തുടര്‍ന്ന് താരത്തിന് വിമാനത്തില്‍ കയറാന്‍ സാധിച്ചു.
വനിതകളുടെ 10 മീറ്റര്‍ എയര്‍ പിസ്റ്റളില്‍ ടോക്കിയോ ഒളിമ്പിക്‌സില്‍ ഇന്ത്യയുടെ മെഡല്‍ പ്രതീക്ഷയാണ് മനു ഭാകര്‍. കഴിഞ്ഞ വര്‍ഷം വ്യക്തിഗത ഇനങ്ങളില്‍ അഞ്ച് ലോകകപ്പ് സ്വര്‍ണ മെഡലുകള്‍ സ്വന്തമാക്കിയ താരമാണ്.
Content Highlights: Manu Bhaker accuses officials at Delhi airport of treating her like criminal
Also Watch
RELATED STORIES
IN CASE YOU MISSED IT
.jpg?$p=cc29bd4&f=1x1&w=100&q=0.8)
.jpg?$p=e46f401&f=1x1&w=100&q=0.8)
.jpg?$p=c686dae&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..