അഗര്‍ത്തല: റിയോ ഒളിമ്പിക്‌സിലെ മികച്ച പ്രകടനത്തെ തുടര്‍ന്ന് സമ്മാനമായി ലഭിച്ച ബി.എം.ഡബ്ല്യു കാര്‍ തിരിച്ചു നല്‍കുന്നുവെന്ന റിപ്പോര്‍ട്ടില്‍ പ്രതികരണവുമായി ജിംനാസ്റ്റിക്‌സ് താരം ദിപ കര്‍മാക്കര്‍.
ബി.എം.ഡബ്ല്യു കാര്‍ തിരിച്ചു നല്‍കുന്നുവെന്നോ നിരസിക്കുന്നുവെന്നോ പറഞ്ഞിട്ടില്ലെന്നും അഗര്‍ത്തലയില്‍ കാര്‍ പരിപാലനത്തിന് സൗകര്യമില്ലാത്തതിനാല്‍ തിരിച്ചു നല്‍കുകയെന്ന സാധ്യതയെക്കുറിച്ച് മാത്രമാണ് സംസാരിച്ചതെന്നും ദിപ വ്യക്തമാക്കി.
സച്ചിന്റെ കൈയില്‍ നിന്ന് ഒരു സമ്മാനം സ്വീകരിക്കുന്നത് വലിയ കാര്യമാണെന്നും അങ്ങനെയൊരു സമ്മാനം തിരിച്ചുനല്‍കുന്നതിനെ കുറിച്ച് ആലോചിക്കാന്‍ കൂടിയാകില്ലെന്നും ദിപ പറഞ്ഞു.
മറ്റൊരു വാഹനം ലഭ്യമാകുമോയെന്ന കാര്യം ഹൈദരാബാദ് ബാഡ്മിന്റണ്‍ അസോസിയേഷനുമായി സംസാരിച്ചിട്ടുണ്ടെന്നും അവര്‍ ഇക്കാര്യത്തില്‍ തീരുമാനമറിയിക്കുമെന്നും ദിപ വ്യക്തമാക്കി.
അഗര്‍ത്തലയിലെ റോഡുകള്‍ മോശമാണെന്നും ബി.എം.ഡബ്ല്യുവിനായുള്ള സര്‍വീസ് സെന്ററില്ലെന്നും ചൂണ്ടിക്കാട്ടി ദിപ കാര്‍ തിരിച്ചു നല്‍കുന്നുവെന്നാണ് റിപ്പോര്‍ട്ടുകളുണ്ടായിരുന്നത്.
കാര്‍ തിരികെ നല്‍കുമെന്നുള്ളത് ദിപയുടെ തീരുമാനമല്ലെന്നും ദിപയുടെ കുടുംബവും താനും ഒന്നിച്ചെടുത്ത തീരുമാനമാണെന്നും ദിപയുടെ കോച്ച് ബിശേശ്വര്‍ നന്തി നേരത്തെ വ്യക്തമാക്കിയിരുന്നു.
ഇക്കാര്യം ഹൈദരാബാദ് ബാഡ്മിന്റണ്‍ അസോസിയേഷനെ അറിയിച്ചിട്ടുണ്ടെന്നും പറ്റുമെങ്കില്‍ വാഹനത്തിന്റെ മൂല്യത്തിന് അനുസരിച്ചുള്ള തുക ദിപയുടെ അക്കൗണ്ടിലേക്ക് നല്‍കുമെന്ന് അധികൃതര്‍ അറിയിച്ചതായും ബിശേശ്വര്‍ നന്തി പറഞ്ഞിരുന്നു.
കൂടുതല്‍ കായിക വാര്‍ത്തകള്‍ക്കും ഫീച്ചറുകള്‍ക്കുമായി വാട്ട്‌സ്ആപ്പ് ഗ്രൂപ്പില്‍ ജോയിന്‍ ചെയ്യൂ... https://mbi.page.link/1pKR
Also Watch
RELATED STORIES
.jpg?$p=24a406c&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
IN CASE YOU MISSED IT
.jpg?$p=e4e93ab&f=1x1&w=100&q=0.8)
.jpg?$p=4a48d09&f=1x1&w=100&q=0.8)
.jpg?$p=c686dae&q=0.8&f=16x11&w=104)
.jpg?$p=e4e93ab&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..