ഡാരെന്‍ സമി പറഞ്ഞതല്ലേം സത്യം?  'കാലു' എന്നു വിളിച്ചവരില്‍ രണ്ടു ഇന്ത്യന്‍ താരങ്ങളും!


വംശീയാധിക്ഷേപം നടത്തിയവരുടെ പേരുകള്‍ വെളിപ്പെടുത്തുമെന്നും അല്ലെങ്കില്‍ അന്ന് 'കാലു' എന്നു വിളിച്ചവര്‍ തന്നെ ബന്ധപ്പെടണമെന്നും ആ വാക്കിന് സ്‌നേഹത്തോടെയുള്ള മറ്റൊരു അര്‍ഥം കൂടിയുണ്ടെന്ന് തന്നെ ബോധ്യപ്പെടുത്തണമെന്നുമായിരുന്നു സമിയുടെ മുന്നറിയിപ്പ്.

-

മുംബൈ: വെസ്റ്റിൻഡീസ് ക്രിക്കറ്റ് ടീം മുൻ ക്യാപ്റ്റൻ ഡാരെൻ സമി ഇന്ത്യൻ പ്രീമിയർ ലീഗിനെതിരേ കഴിഞ്ഞ ദിവസം കടുത്ത ആരോപണമുന്നയിച്ചിരുന്നു. ഐ.പി.എല്ലിൽ കളിക്കുന്ന സമയത്ത് കാണികൾ തന്നെ 'കാലു' എന്നു വിളിച്ച് വംശീയമായി അധിക്ഷേപിച്ചുവെന്നും ആ വാക്കിന്റെ അർഥം ഇപ്പോഴാണ് മനസ്സിലാകുന്നതെന്നുമായിരുന്നു സമി വെളിപ്പെടുത്തിയിരുന്നത്.

ഈ ആരോപണം ചർച്ചയാകുന്നതിനിടെ സമി വീണ്ടും രംഗത്തെത്തിയിരുന്നു. വംശീയാധിക്ഷേപം നടത്തിയവരുടെ പേരുകൾ വെളിപ്പെടുത്തുമെന്നും അല്ലെങ്കിൽ അന്ന് 'കാലു' എന്നു വിളിച്ചവർ തന്നെ ബന്ധപ്പെടണമെന്നും ആ വാക്കിന് സ്നേഹത്തോടെയുള്ള മറ്റൊരു അർഥം കൂടിയുണ്ടെന്ന് തന്നെ ബോധ്യപ്പെടുത്തണമെന്നുമായിരുന്നു സമിയുടെ മുന്നറിയിപ്പ്. സമിയുടെ ഈ ഇൻസ്റ്റഗ്രാം കുറിപ്പു വന്നതോടെ കാണികൾക്കൊപ്പം താരങ്ങളും വംശീയാധിക്ഷേപത്തിൽ പങ്കാളികളാണെന്ന് ഉറപ്പായി.

ഇതോടെ ആ താരങ്ങളെ തേടിപ്പിടിക്കുന്ന തിരക്കിലായിരുന്നു ആരാധകർ. 2013-2014 കാലഘട്ടത്തിൽ സമിക്കൊപ്പം ഐ.പി.എല്ലിൽ കളിച്ചിരുന്ന താരങ്ങളുടെ ചരിത്രം തപ്പിയായിരുന്നു ആരാധകരുടെ അന്വേഷണം. ഒടുവിൽ ഒരു ആരാധകൻ അതു കണ്ടെത്തി. ഇന്ത്യയുടെ പേസ് ബൗളർ ഇഷാന്ത് ശർമയുടെ ഒരു ഇൻസ്റ്റഗ്രാം പോസ്റ്റാണ് ഈ ആരാധകൻ കുത്തിപ്പൊക്കിയത്. സമിക്കൊപ്പമുള്ള ചിത്രം പോസ്റ്റുചെയ്തിട്ടുള്ള ഇഷാന്ത് അതിൽ വിൻഡീസ് താരത്തെ വിശേഷിപ്പിച്ചിരിക്കുന്നത് കാലു എന്നാണ്. ഈ ചിത്രത്തിൽ ഇരുവർക്കുമൊപ്പം സൺറൈസേഴ്സ് താരങ്ങളായിരുന്ന ഭുവനേശ്വർ കുമാറും ഡെയ്ൽ സ്റ്റെയ്നുമുണ്ട് 'ഞാൻ, ഭുവി, കാലു, ഗൺ സൺറൈസേഴ്സ്'- എന്നാണ് ഈ ചിത്രത്തിന് ഇഷാന്ത് നൽകിയിരിക്കുന്ന കുറിപ്പ്.

ഇതിന് പുറമേ സൺറൈസേഴ്സ് മുൻതാരവും മെന്ററുമായ വിവിഎസ് ലക്ഷ്മണ് ഡാരൻ സമി തന്നെ അയച്ച ജന്മദിനാശംസയും ആരാധകർ കണ്ടെത്തി. 2014 നവംബർ ഒന്നിലെ ഈ ട്വീറ്റിൽ സമി തന്നെ വിശേഷിപ്പിക്കുന്നത് 'ഡാർക്ക് കാലു' എന്നാണ്. 'സന്തോഷ ജന്മദിനം നേരുന്നു, താങ്കളെ ദൈവം അനുഗ്രഹിക്കട്ടെ, ഈ കറുത്ത കാലുവിനെ ഓർക്കുന്നുണ്ടോ?' ഇതായിരുന്നു സമിയുടെ ട്വീറ്റ്. ഇതോടെ ലക്ഷ്മൺ സമിയെ വിളിച്ചിരുന്ന ഡാർക്ക് കാലു എന്നായിരിക്കും എന്നാണ് ആരാധകരുടെ കണ്ടെത്തൽ.


Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
vijay babu

2 min

'ഞാന്‍ മരിച്ചുപോകും, അവള്‍ എന്നെ തല്ലിക്കോട്ടെ'; വിജയ് ബാബുവിന്റെ ഫോണ്‍സംഭാഷണം പുറത്ത്

Jun 27, 2022


Army

1 min

നാല് ദിവസം, 94000 അപേക്ഷകര്‍: അഗ്നിപഥിലേക്ക് ഉദ്യോഗാര്‍ഥികളുടെ ഒഴുക്ക്

Jun 27, 2022


R Madhavan, Interview ,Rocketry The Nambi Effect Movie, Minnal Murali Basil Joseph

1 min

ഞാനിത് അര്‍ഹിക്കുന്നു, എന്റെ അറിവില്ലായ്മ; പരിഹാസങ്ങള്‍ക്ക് മറുപടിയുമായി ആര്‍ മാധവന്‍

Jun 27, 2022

Most Commented