ഒളിമ്പിക്‌സിന്റെ കാര്യത്തില്‍ തീരുമാനം നാലാഴ്ചയ്ക്കകം; റദ്ദാക്കില്ല, മാറ്റിവെച്ചേക്കും


ഞായറാഴ്ച മാത്രം കൊറോണ വൈറസ് ബാധിച്ച് 37 പേരാണ് ജപ്പാനില്‍ മരണപ്പെട്ടത്

Image Courtesy: Getty Images

ആതന്‍സ്: കോവിഡ്-19 രോഗവ്യാപനത്തെ തുടര്‍ന്ന് 2020-ലെ ടോക്കിയോ ഒളിമ്പിക്‌സ് മാറ്റിവെച്ചേക്കുമെന്ന് സൂചന. ഒളിമ്പിക്‌സ് റദ്ദാക്കണമെന്ന ആവശ്യത്തോട് ഭരണസമിതി യോജിക്കുന്നില്ലെന്നും എന്നാല്‍ മാറ്റിവെയ്ക്കുന്നതിനെ കുറിച്ച് നാലാഴ്ചയ്ക്കുള്ളില്‍ തീരുമാനമെടുക്കുമെന്നും രാജ്യാന്തര ഒളിമ്പിക്‌സ് കമ്മിറ്റി (ഐ.ഒ.സി) പ്രസിഡന്റ് തോമസ് ബാച്ച് ഞായറാഴ്ച വ്യക്തമാക്കി.

ടോക്കിയോ ഒളിമ്പിക്‌സിന് വെറും നാലു മാസങ്ങള്‍ മാത്രം ബാക്കിനില്‍ക്കെ കോവിഡ്-19 പടര്‍ന്നുപിടിക്കുന്ന പശ്ചാത്തലത്തില്‍ ഒളിമ്പിക്‌സ് മാറ്റിവെയ്ക്കാന്‍ വലിയ രീതിയിലുള്ള സമ്മര്‍ദമാണ് വിവിധ അത്‌ലറ്റുകളില്‍ നിന്നും ഫെഡറേഷനുകളില്‍ നിന്നും രാജ്യങ്ങളില്‍ നിന്നും ഐ.ഒ.സി നേരിടുന്നത്.

നോര്‍വേ, കൊളംബിയ, സ്ലോവേനിയ എന്നീ രാജ്യങ്ങള്‍ക്കു പിന്നാലെ ബ്രസീലും ഗെയിംസ് മാറ്റണമെന്ന് ആവശ്യപ്പെട്ടിരുന്നു. ജൂലായ് ജൂലൈ 24 മുതല്‍ ഓഗസ്റ്റ് ഒമ്പത് വരെയാണ് ഒളിമ്പിക്‌സ് നടത്താന്‍ തീരുമാനിച്ചിരുന്നത്.

ഒളിമ്പിക്‌സ് റദ്ദാക്കുന്നത് 206 ഓളം ദേശീയ ഒളിമ്പിക്‌സ് കമ്മിറ്റികളില്‍ നിന്നുള്ള 11,000 ഓളം അത്‌ലറ്റുകളുടെയും അവരെ പിന്തുണയ്ക്കുന്നവരുടെയും മറ്റും ഒളിമ്പിക്‌സ് സ്വപ്‌നത്തെയാണ് ഇല്ലാതാക്കുകയെന്ന് ഐ.ഒ.സി പ്രസിഡന്റ് തോമസ് ബാച്ച്. ഈ ഒരു ധര്‍മസങ്കടത്തിലാണ് താനെന്നും പ്രസിഡന്റ് പറയുന്നു.

കോവിഡ് 19 ഭീതി വര്‍ധിക്കുന്ന സാഹചര്യത്തില്‍ ടോക്കിയോ ഒളിമ്പിക്‌സ് മാറ്റിവെക്കേണ്ടി വരുമെന്ന് ജപ്പാന്‍ പ്രധാനമന്ത്രി ഷിന്‍സോ ആബേയും നേരത്തെ പറഞ്ഞിരുന്നു. ഒളിമ്പിക്‌സ് റദ്ദാക്കുന്നതിനെ കുറിച്ച് ചിന്തിക്കുന്നില്ലെന്നും എന്നാല്‍ ഗെയിംസ് നടത്തുന്നതിന് കാലതാമസം വേണ്ടിവരുമെന്നും അദ്ദേഹം കൂട്ടിച്ചേര്‍ത്തു.

ഞായറാഴ്ച മാത്രം കൊറോണ വൈറസ് ബാധിച്ച് 37 പേരാണ് ജപ്പാനില്‍ മരണപ്പെട്ടത്.

Content Highlights: IOC to decide postponement of Tokyo Olympics within 4 weeks


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented