ന്യൂഡല്‍ഹി: നാലാം ടെസ്റ്റ് മത്സരത്തില്‍ ഓസ്‌ട്രേലിയയെ പരാജയപ്പെടുത്തി ബോര്‍ഡര്‍-ഗവാസ്‌കര്‍ പരമ്പര സ്വന്തമാക്കിയ ഇന്ത്യന്‍ ടീമിനെ അഭിനന്ദിച്ച് ഇന്ത്യന്‍ പ്രധാന മന്ത്രി നരേന്ദ്രമോദി.
ട്വീറ്ററിലൂടെയാണ് അദ്ദേഹം ഇന്ത്യന്‍ താരങ്ങളെ അഭിനന്ദിച്ചത്. ' ഓസ്‌ട്രേലിയയില്‍ ഇന്ത്യ നേടിയ വിജയം നമ്മളെ ആഹ്ലാദഭരിതരാക്കുന്നു. പരമ്പരയിലുടനീളം താരങ്ങള്‍ കളിയോട് വലിയ ആവേശവും ആത്മാര്‍ഥതയും പുലര്‍ത്തി. ഇത് ചരിത്രത്തില്‍ രേഖപ്പെടുത്തുന്ന വിജയമാണ്. ഇന്ത്യന്‍ ടീമിന് ആശംസകള്‍. ഇനിയും ഭാവിയില്‍ ഇതുപോലുള്ള നേട്ടങ്ങള്‍ കൈവരിക്കാന്‍ നമുക്ക് സാധിക്കട്ടെ'-മോദി കുറിച്ചു.
We are all overjoyed at the success of the Indian Cricket Team in Australia. Their remarkable energy and passion was visible throughout. So was their stellar intent, remarkable grit and determination. Congratulations to the team! Best wishes for your future endeavours.
— Narendra Modi (@narendramodi) January 19, 2021
ഇന്ത്യ ഇത് രണ്ടാം തവണയാണ് ഓസ്‌ട്രേലിയയില്‍ ടെസ്റ്റ് പരമ്പര സ്വന്തമാക്കുന്നത്. ഈ പരമ്പരയിലെ ആദ്യ മത്സരത്തില്‍ ദയനീയമായി പരാജയപ്പെട്ടിരുന്ന ടീം അവിശ്വസനീയമായി തിരിച്ചുവന്ന് യുവത്വത്തിന്റെ കരുത്തില്‍ പരമ്പര സ്വന്തമാക്കുകയായിരുന്നു
Content Highlights: Indian Prime Minister Narendra Modi on the Victory of India in Australia
