ഏഷ്യന്‍ അമ്പെയ്ത്ത് ചാമ്പ്യന്‍ഷിപ്പ് അവസാനിച്ചു, ഏഴുമെഡലുകളുമായി ഇന്ത്യ രണ്ടാമത്


അവസാന ദിനത്തില്‍ ഇന്ത്യ രണ്ട് വെള്ളിയും ഒരു വെങ്കലവും നേടി

Photo: twitter.com|Media_SAI

ധാക്ക: ബംഗ്ലാദേശില്‍ നടന്ന ഏഷ്യന്‍ അമ്പെയ്ത്ത് ചാമ്പ്യന്‍ഷിപ്പില്‍ രണ്ടാ സ്ഥാനം നേടി ഇന്ത്യ. ചാമ്പ്യന്‍ഷിപ്പ് അവസാനിച്ചപ്പോള്‍ ഇന്ത്യ ഒരു സ്വര്‍ണവും നാല് വെള്ളിയും രണ്ട് വെങ്കലവുമടക്കം ഏഴ് മെഡലുകള്‍ സ്വന്തമാക്കി. 9 സ്വര്‍ണവും മൂന്ന് വീതം വെള്ളിയും വെങ്കലവുമടക്കം 15 മെഡലുകള്‍ നേടിയ ദക്ഷിണ കൊറിയയാണ് ഒന്നാമത്. മൂന്ന് മെഡലുകള്‍ നേടിയ ബംഗ്ലാദേശ് മൂന്നാം സ്ഥാനം നേടി.

അവസാന ദിനത്തില്‍ ഇന്ത്യ രണ്ട് വെള്ളിയും ഒരു വെങ്കലവും നേടി. റികര്‍വ് വിഭാഗത്തില്‍ ഇന്ത്യയുടെ പുരുഷ-വനിതാ ടീമുകള്‍ വെള്ളി മെഡല്‍ നേടി.

ഇരുടീമുകളും ഫൈനലില്‍ ദക്ഷിണ കൊറിയയോട്‌ പരാജയപ്പെടുകയായിരുന്നു. വനിതാ വിഭാഗത്തില്‍ അങ്കിത ഭഗത്, റിഥി ഫോര്‍, മധു വേദ്വാന്‍ എന്നിവരാണ് ഇന്ത്യയ്ക്ക് വേണ്ടി മത്സരിച്ചത്. സൗത്ത് കൊറിയയുടെ റ്യൂ സു യങ്, ഓ യെജിന്‍, ലിം ഹേജിന്‍ സഖ്യമാണ് ഇന്ത്യയെ തകര്‍ത്തത്. സ്‌കോര്‍ 6-0.

പുരുഷ വിഭാഗത്തില്‍ ഇന്ത്യയ്ക്ക് വേണ്ടി പ്രവീണ്‍ യാദവ്, പാര്‍ഥ് സുലംഘെ, കപില്‍ എന്നിവരാണ് മത്സരിച്ചത്. ഫൈനലില്‍ 6-2 എന്ന സ്‌കോറിനാണ് ഇന്ത്യന്‍ ടീം ദക്ഷിണ കൊറിയയോട് തോല്‍വി വഴങ്ങിയത്. ലിയോ സിയുഗ്യുന്‍, കിം ജൂങ്, ഹാന്‍ വൂ ടാക് എന്നിവരാണ് ദക്ഷിണ കൊറിയയ്ക്ക് വേണ്ടിയിറങ്ങിയത്.

മിക്‌സഡ് റീകര്‍വ് ടീം ഇനത്തിലാണ് ഇന്ത്യ വെങ്കലം നേടിയത്. ഇന്ത്യയുടെ അങ്കിത ഭഗത്-കപില്‍ സഖ്യം ഉസ്‌ബെകിസ്താനെ കീഴടക്കിയാണ് വെങ്കലം നേടിയത്. സ്‌കോര്‍ 6-0.

Content Highlights: India's Campaign Ends With Seven Medals in Asian Archery Championships


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented